SAM 82
82
Asapha Fakna Hla.
Pathian-rorêltu ropui ber
1Pathian chu Pathian inkhâwmna siamah chuan
a ding a;
Pathianhote zîngah ro a rêl a.
2“Eng chen nge dik lo taka
ro in rêl anga,
Mi suaksualte chu in duhsak
bîk dâwn?
(Selah)
3Retheite leh pa nei lote ro chu
rêl ula;
Hrehawm tuarte leh pachhiate
chungah chuan dik takin
ti rawh u.
4Retheite leh pachhiate chu
chhan ula;
Mi suaksual kut ata
chhan him rawh u.
5“An hre lo va, hriat thiamna
an nei hek lo;
Thimah chuan an vei an vei a;
Leilung nghahchhan zawng
zawng chu a nghîng ta a.
6‘Pathiante in ni a,
In zain Chungnungbera fate
in ni,’ ka tih kha,#Joh 10.34
7Nimahsela, mihringte ang
maiin in la thi ang a,
Mi lian pakhat ang khân
in la tlu ang.”
8Aw Pathian, tho la,
lei ro hi rêl ang che;
Hnam tinrêng hi i rochung dâwn si a.
Currently Selected:
SAM 82: MIZOVBSI
Highlight
Copy
Compare
Share
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.
