खाहुन् 4
4
सिक्कुम् निङ्वाॽलाम् खोगे़दे़प्पा इन्धा
1आस्सासे, आबाङे पाःल्ले़ कुघाहुःन्निन् खे़प्से़म्मे़ॽओ
खे़प्मो खिनिॽ निङ्वाॽ पिरे़म्मे़ॽओ,
खे़ब्याङ् खासिङ्निःप्मान् खिनिॽ के़घोसुम्लो॥
2थेआङ्भे़ल्ले़ खिनिॽ पनुनुबा निसाम् हुॽनिङ्लो,
खे़ल्ले़चोगुल्ले़ आङ्गाॽ आनिसाम्मिन् मे़ले़रे़म्मिन्ने़ॽओ॥
3आङ्गाॽ आम्बारे़ कुहिम्मो चुक्सा वयाङ्ङिल्ले़,
खा सेःप्फा के़वाॽबा नु आम्मारे़ लत्थिक्पा कुस्सा वयाङ्ङिल्ले़,
4आङ्गाॽ आम्बारे़ निसाम् हुॽराङ्ङाङ् मे़त्ताङ्लो,
“आङ्गाॽ आबाःन्निन् के़रे़क् क़ेनिङ्वाॽऱे इःत्ते़ कत्ते़ॽओ
आङ्गाॽ आइङ्जाङ्हाॽ नाःत्ते़ तिम्दे़ॽओ
खे़ब्याङ् खे़ने़ॽ के़हिङ्लो॥
5सिक्कुम् निङ्वाॽ खोसे़ॽ हे़क्क्याङ् खासिङ्निःप्मान् खोसे़ॽओ,
आङ्गाॽ मे़त्ने़बा आबाःन्निन् निङ्वाॽ मे़भेःत्छे़न्ने़ॽओ
हे़क्क्याङ् खे़ङ्हाॽलाम्बा माःङ्घा मे़बोःक्खे़न्ने़ॽओ॥
6सिक्कुम्दिङ् निङ्वान् मे़ले़रे़न्ने़ॽओ,
हे़क्क्याङ् खे़ल्ले़ खे़ने़ॽ ताङ्गे़से़ःप्लो,
खे़न् खे़ने़ॽ मिःम् मे़त्ते़ॽओ,
खे़ल्ले़ खे़ने़ॽ नुरिक्काङ् के़गत्लो॥
7सिक्कुम्निङ्वान् के़रे़क्नुःल्ले़ यम्बा पाःन्लो,
खे़ल्ले़चोगुल्ले़ सिक्कुम् निङ्वाॽ खोसे़ॽओ॥
खे़ने़ॽ के़गत्तुबा के़रे़क् पाःन्हाॽ मामा पोङ्साङ्,
खासिङ्निःप्मा निङ्वान् खे़ने़ॽ खोसे़ॽओ॥
8खे़ने़ॽ खे़न् मिङ्सो इङ्धाङ् पिरे़ॽओ,
हे़क्क्याङ् खे़ल्ले़ खे़ने़ॽ थाःङ् के़भोःङ्लो॥
खे़ने़ॽ खे़न् हे़प्ते़ॽआङ् कत्ते़ॽओ
हे़क्क्याङ् खे़ल्ले़ खे़ने़ॽ मिङ्सो इङ्धाङ् के़बिरो॥
9खे़ल्ले़ खे़ने़ॽ लुङ्गुम्ले़ कुधिम्बा कान्धिःन् के़वाःत्लो
हे़क्क्याङ् मिमिदिङ्गे़न् तिचःन् के़धे़गेःक्पो के़घुःक्लो॥”
10आस्साए, आङ्गाॽ आबाःन्निन् खे़प्से़ॽओ,
आङ्गाॽ मे़त्ने़बा पाःन्नो निङ्वाॽ पिरे़ॽओ,
खे़ब्याङ् खे़ने़ॽ कुधाःक् के़जाॽबा के़बोङ्लो॥
11आङ्गाॽ सिक्कुम्दिङ् निङ्वाॽबा लाम्मिन् नाःप्मा हुॽने़रो,
हे़क्क्याङ् कुदोःप्मा लाम्मो लाङ्घेःङ्ने़रो॥
12खे़ने़ॽ लाङ्गे़घेःक्किल्ले़ के़लाङ् ताप्पेॽहाॽ मे़हाप्तुन्लो,
खे़ने़ॽ के़लोःक्किल्ले़ के़न्जोःन्ने़ल्लो॥
13खे़ने़ॽ खाहुन्निन् ते़म्से़ कत्ते़ॽओ,
खे़न् पिम्मा पेःक्मा मे़बाङ्घे़न्ने़ॽओ,
खे़ने़ॽ खे़न् नुरिक् इःत्ते़ नाःत्ते़ॽओ,
थेआङ्भे़ल्ले़ खे़न् खे़ने़ॽ के़हिङ्मन्लो॥
14ताक्के़भे़ॽबा मनाःल्ले़ कुलाम्मो लाङ्मे़धासे़न्ने़ॽओ,
इग्र कुॽइगे़भे़म्बा मनाःल्ले़ कुये़प्ले़क्को लाङ्मे़घेगे़न्ने़ॽओ॥
15खे़ने़ॽ खे़न् ले़रे़देसे़ॽ, खे़ल्ले़ कुसम्धाङ् लाङ्मे़धासे़न्ने़ॽओ,
खे़न्लाम्बा चत्छिङ्ङे़ॽआङ् आबाङे के़लाम्मो लाङ्घेगे़ॽओ॥
16थेआङ्भे़ल्ले़ ताक्के़भे़ॽबाहाॽरे़ ताप्फे़ःम्बा याःम्बक्
मे़न्जोःक्के थे़म्बा खुन्छिॽ इम्मा मे़न्छुक्ने़न्लो॥
कुभा मनाहाॽ तुक्खेओ मे़न्धासिङ्ङे थारिक्
खे़ङ्हाॽरे़ खुन्छिॽ मिक्के मे़युने़न्लो॥
17ताप्फे़ःम्बा याःम्बक्किन् खे़ङ्हाॽरे़ खुन्छिॽ लागि चामा कुजारो
हे़क्क्याङ् खार्मे़न्दक् चोःक्मान् खे़ङ्हाॽरे़ खुन्छिॽ थुङ्मा चे़ल्ले़क्से थिरो॥
18साम्योबाल्ले़ कुये़प्ले़क्किन् तानाम् के़गे़प्पा नाम् हे़क्तङ्बारो,
खे़न् ले़न्जो मे़म्बोङ्ङे थारिक् आल्लसाङ् साॽरिक् ओःत्ल पेःक्लो॥
19कर ताक्के़भे़ॽबाल्ले़ कुये़प्ले़क्किन् खागे़माक्पा कुइसिःक्लो,
थेःल्ले़ खे़ङ्हाॽ सोःन्दुसिर पत् खुन्छिॽ खे़न् मे़न्निसुन्लो॥
20आस्साए, आङ्गाॽ आबाःन्नो निङ्वाॽ पिरे़ॽओ,
आङ्गाॽ आबाःन्हाॽ नुरिक्काङ् खे़प्से़ॽओ॥
21के़मिक्साओलाम् खे़ङ्हाॽ पिम्मा पेःक्मा मे़बाङ्घे़न्ने़ॽओ,
खे़ङ्हाॽ खे़ने़ॽ के़सिक्लुङ्मो कत्ते़ युक्खे़ॽओ॥
22थेआङ्भे़ल्ले़ आबान् के़घे़म्बे़ल्ले़ कुलागि खे़न् हिङ्मारो,
हे़क्क्याङ् खे़ल्ले़ के़रे़क् कुधक्किल्ले़ लागि कुयाम् सेसे लॽमारो॥
23काक् पाःन्हाॽनुःल्ले़ यरिक्, के़सिक्लुङ्मे़न् से़ःप्ते़ कत्ते़ॽओ,
थेआङ्भे़ल्ले़ खे़न् के़रे़क् हिङ्मन्ले़ कुबुन्लो॥
24ताप्फे़ःम्बा पाःन्सुत्लान् के़म्ब्राओलाम् माःङ्घा वाॽररो,
फे़क्के़लाॽबा ताॽजे़ङ्हाॽ के़म्ब्रासेॽओलाम् लाःत्लाःत् वाॽररो॥
25खे़ने़ॽ के़मिक्के़ल्ले़ के़दगि कुदोःप्मा ओमे़त्तुररो,
के़दगाङ् ले़प्माङ् कुदोःप्मा अदक्तक् ओमे़त्तुररो॥
26लाङ्गाङ् चप्मारे़ लागि नुबा ये़प्ले़क्पा लाम्मिन् यारिप् चोगे़ॽओ,
हे़क्क्याङ् निःन्धो के़बोङ्बा माराम्हाॽरक् सेगे़ॽओ॥#हिब्रु १२:१३
27चुप्साङ् फे़न्छाङ् ले़प्माङ् मे़हिसिङ्ङिन्ने़ॽओ,
के़रे़क् ताप्फे़ःम्बा पाःन्लाम् के़लाङ्हाॽ लाःत्लाःत् कत्ते़ॽओ॥
Currently Selected:
खाहुन् 4: LIF
Highlight
Copy
Compare
Share
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.