लाम्दिक् साप्पन् निसुम्
साप्पन् निसुम्
लाम्दिःक्किल्ले़ कुबेन् “याःन्दिक् तामा” इग्र “लाम्दिःक्ले़ कुहेःक्सिङ्मा” पोङ्ॽ॥ कन् साप्पन्नो इस्राइलबा साप्मुःन्धिल्ले़ कुबुङ् हिन्दोक्किन् नु इस्राइलबा मनाहाॽ योःग्बा योःग्मा मे़बोःक्खे़आङ् मे़युङे़बा मिस्र लाजेॽलाम् इस्राइलबा सुवाङ्हाॽ नाःम्सिङ्मा मे़घोसे़बा पाःन्हाॽ चे़क्खे़ पाःत्ते़आङ् पत्॥ कन् साप्पन्नो से़क्खाबा कुलक् सुम्सि पत्—
१) हिब्रुहाॽ योःक्लाम् मे़से़न्दे़बा नु खे़ङ्हाॽ सिनै कोःक्मा थारिक् लाम्दिक् मे़जोगे़बा॥
२) सिनै कोःक्माओ निङ्वाॽफुमाङ्ङिल्ले़ आबाङे कुमनाहाॽनु माङ्हुप् चोगुबा, खे़न्लाम् खे़ङ्हाॽ हिङ्मारे़ लागि खुन्छिॽ ये़प्ले़क्, खासिङ्निःप्मा, यक्युङ् नु साम्योथिम् इङ्जाङ्हाॽ मे़घोसु॥
३) इस्राइलिहाॽरे़ माङ्से़वा चोःक्मारे़ लागि मे़जोगुबा नु मे़जोःक्तुबा ले़त्ति तोःम्मादे़न् हे़क्क्याङ् निङ्वाॽफुसाम्बा नु निङ्वाॽफुमाङ्ङिन् माङ्से़वा मे़प्मा थिम्हाॽ॥
कुहेःक्सिङ्मो के़रे़क्नुःल्ले़ तगि कन् साप्पन्नो निङ्वाॽफुमाङ्ङिल्ले़ योःक्को के़वाॽबा कुमनाहाॽ से़न्दुसिआङ् ताःन्दि के़दाबा ये़म्मिल्ले़ लागि लाम्ओमे़प्मा निङ्साङ् के़गप्पा सुवाङ् चोःक्मासिरे़ लागि खुने़ॽ थेधे चोगु, खे़न् नुरिक् तारिक् पोधक् पोःक्खे़आङ् पत्॥
कन् साप्पन्नो के़ये़क्पा मना मोसान् पत्, निङ्वाॽफुमाङ्ङिल्ले़ कुमनाहाॽ मिस्र लाजेॽलाम् लाम्लोमासिआङ् लःप्मा फे़प्मासिरे़ लागि खुने़ॽ सेगु॥ कन् साप्पन्नो के़बप्पा लक्किङ्ग थिबोङ् इङ्जाङ्ङिल्ले़ थामिङ्ङिन् के़रे़क्नुःल्ले़ के़इङ्बा चोक्, खे़न् नाःत्ला निबोङ्ङो पत्लो॥
ताङ्बा थामिङ्
इस्राइलिहाॽरे़ मिस्र लाजेॽलाम् चोःक्युम्भो मे़घोसुॽ १:१–१५:२१
क) मिस्र लाजेॽओ योःग्बा योःग्मा मे़वये़बा १:१-२२
ख) मोसान् सावाःन्छिङ्बा नु हिन्जाॽ वये़बा २:१–४:३१
ग) मोसान् नु हारुने़ल्ले़ मिस्रबा हाङ्ङिन् तिङ्दिङ् नारा तुमे़सुबा ५:१–१५:१०
घ) सिदाॽ मे़म्भःन्नेबा खरे़ःङ् चामा तङ्नाम् नु मिस्र लाजेॽलाम् लाम्दिक् १२:१–१५:२१
हे़ःत्ताङ्बा वरःङ्ङोनु सिनै कोःक्मा थारिक्पा लाम्दिक् १५:२२–१८:२७
साम्योथिम् इङ्जाङ् नु माङ्हुप् १९:१–२४:१८
सेसे साःङ्गाहिम् नु माङ्से़वा चोःक्मा इङ्जाङ् २५:१–४०:३८
Currently Selected:
लाम्दिक् साप्पन् निसुम्: LIF
Highlight
Copy
Compare
Share
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.