Psalms 3
3
Prayer For Help For Morning
David Song
1My God, make Yu si as my enemies many rish!
Many of dem dey kom attack mi.
2Many of dem dey sey,
“God nor go save am.”
3But Yu, my God, na Yu bi di wall wey dey protet mi;
na Yu bi my glory and di pesin wey make mi dey alive.
4Wen I kry to God for help,
E ansa mi from en holy hill.
5I dey rest, sleep and wake-up well,
bikos God dey protet mi.
6I nor dey fear,
even doh doz wey dey attack mi from evry korna,
plenty well-well.
7My God, make Yu get up!
My God, make Yu save mi!
Yes, Yu go slap all my enemies for dia face kon break dia tit!
8Viktory dey kom from God.
So, I dey beg Yu, God sey, make Yu bless yor pipol.
Currently Selected:
Psalms 3: pcm
Highlight
Share
Compare
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. in cooperation with The Nigerian Pidgin Translation Committee
