Psalms 23
23
Na God Dey Guide Mi
David Song
1Just as shepad dey guide en sheep, na so too God dey guide and provide for mi;
so hongry nor go kill mi.
2E dey make mi rest for where good tins dey
kon take mi pass river wey kwayet.
3E dey make mi strong.
E dey guide and take mi pass di rite road,
so dat pipol go honor en name.
4Even doh I waka pass di place wey dark pass and where deat dey, I nor go fear anytin, bikos E dey with mi;
en rod and staff dey protet and konfort mi.
5E dey give mi food to chop for my enemies present.
E pour oil for my head and my cup kon full dey trowey.
6True-true, en goodness and love wey nor dey fail go dey follow mi till I die
and I go dey for God house forever and ever.
Currently Selected:
Psalms 23: pcm
Highlight
Share
Compare
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. in cooperation with The Nigerian Pidgin Translation Committee
