AMarkus 4
4
Igorok icɛɛt naton anet inas ija
(AMatiyu 13:1-9; ALuka 8:4-8)
1AYeso tɛ a kpa itees banet ni ifam izek aGalili. Kudyɛng banet fɛ́ ba ku te nate, kin se makiyi, nek anɔng, a nɔ ayɛt kukyɛ ashi, a sonong ayɛt ko, ayɛt izek e, wɛt banet e nyeseng ni ice ibanang. 2A ka ba tees nkyɔrɔk dot-dot ayɛt igorok icɛɛt. Ayɛt itees wu, a fɛ́ ni iba. 3“Wees yin ato! Anet ikap akak kin a tsɛ nas ija wu. 4Na se ni inas ija me, ikak kpas naton irèn atak, nanon tsɛ na ya ide. 5Ikak kpas nato agbondong, narɔ fɛ́ da ntong mak di se awo. I wat i rasak ziri, nek ntong e kin se gbɛngɛjɛm. 6Awɛt fi kunom ngarak nate, ku shosh nayak e, na wat na koot, nek vit ina na aney. 7Ija me ikak kpas ayɛt itsitsan, itsitsan e rasak, i firisi kuyak e, i ki di ro ni kutes ica. 8Ngma nɛ nɔng, ikak kpas ni ntong ntek, i tang gyat, i rasak gyat, i korok kutes, ikak tes ica nsɔk ntaat (30), ikak tes ica nsɔk karataat (60), ni ikak tes ica anakat (100).”
9AYeso ma fɛ̀ ni ba, “Ayɔng fɛ́ a bɛ́ ato, won na di fok ifɛ̀!”
10Ni izen fɛ́ aYeso se aziwu, kusɔk abe afaa me, ni ishɛrɛp bafi ikuus fɛ́ ba se ni fam wu, ku nye irip ikyɛng fi igorok ncɛɛt e tonong. 11A fɛ̀ ni ba, Iyin ba mi ki tarak yin ikyɛng fi i se ni nɛt ifi igwɔm Adakunom. Awɛt sak na bayɔng fɛ́ ba se amatse, kaakyi ikyɛng se ayɛt igorok ncɛɛt. 12Nek,
“Banet bang yɛrɛ, awɛt vit idi,
Ba foos, awɛt vit irēn.
Kɔng ba bi tirik, na ka ba fuut anɛn.”
13AYeso ma fɛ̀ ni ba, “Iyin kyem i rēn yin igorok icɛɛt e yeng awɛ? Na anɛ fi i da kyem i rēn yin igorok icɛɛt ikak ɛ? 14Anet ikap e se ni inas ifɛ Adakunom. 15Banet bakak se ti ija me dɔng fi i kpas ni irèn atak, fɛ́ ba di nas ifɛ̀ me. Nkum na ba tsin fok e kyek, na aShetan bɛ́ na foshok ifɛ̀ dɔng fɛ́ ba mi tsang tup ni iyɛ bá. 16Bakak se ti ija dɔng fi i kpas ni ntong agbondong, kɛ ba fok ifɛ̀ me, na ba wat shan ide ziri ziri, ni iyɛ ikan. 17Awɛt nek vit iba na anɛy, ba ra nye nkɔs gyet kyɛk. Izen fi mgbang ki izoot ayi bɛ́ nek ifɛ̀ me, na ba tɛ ba bun kama ziri.
18“Bakak se ti ija me dɔng fi i kpas ni itsitsan, ba fok ifɛ me akabɛs, 19awɛt ni ndaam kusot azatse nang, iwɔrɔk kurúm, ni ihye nkyɔrɔk nkak, bi ni in firik ifɛ̀ me, nin sak ide raye de ites ica. 20Bakak se ti ija me dɔng fi i kpas ni ntong ntek, ba fok ifɛ me, na ba shan ide, na ba korok kutes, bakak te nsɔk ntaat (30), bakak te nsɔk karataat (60), bakak te anakat (100) ikyɛng fɛ́ ba kin tup e.”
Agaramun fɛ́ ba sak garang
(ALuka 8:16-18)
21AYeso tɛ fɛ̀ ni ba, “Anet ta kuron na agaramun, na tsɛ na faam iwu na katsereng ke na asɔs ameneng ɛ? In fɛ́ kɛ a sak iwu ni ikyɛng igarang e awɛ? 22Nek ngma ikyɛng fi i se ni nɛt, ba bi tarak ide. Ngma ikyɛng fi i se ni faam, ba bi tarak ide. 23Kɛ akak yin bɛ́ ato, won na di fok ifɛ̀!”
24A ya kashon ni kucɛɛt ni ba yɛ, “Yiring yin ni ikyɛng fi ifok yin hwyɛɛ: ni kuri itsɛn imaas fi i di maas bakak, ni kuri itsɛn imaas e yɔng fɛ́ ba bi da maas mo, ni barang. 25Ngma ayɔng fɛ́ a bi ikikak, ba bi ku barang mo, awɛt ayɔng fɛ́ a se vit ikyɛng, igyet e dɔng fɛ́ a bɛ́, ba bi shan ide ni wu.”
Igorok icɛɛt naton ica fi i rasak
26AYeso fɛ̀, “Igwɔm Adakunom se tɛ ane, anet akak tsɛ a nas ija ni ikɔ. 27Katuk ni kunom, kɛ ni wu ni nda kɛ na mi shemeng ayi, ni ija me tang, ni i rasak akɔn de. Anet e ice wu, rēn fi i di rasak awo. 28Ntong e ikyɛng na, in sak nayak e tang, ákon e tung rasak, nɛ ace me di kuus, ni ica me ni wuru ayɛt ace me. 29Izen fɛ́ nayak e nye, na di te kukot, nek ishamang mi nye.”
Igorok icɛɛt naton kica amusta
(AMatiyu 13:31-32,34; ALuka 13:18-19)
30AYeso tɛ fɛ̀, “Na akyɛ fi in di ki mara yit igwɔm Adakunom yɛ? Kɛ na akyɛ kuri igorok icɛɛt fi in di ki tonong yit ide yɛ? 31I se ti kica amusta, fɛ́ ka dung se gyebet ayɛt ija fɛ́ ba tuus aben. 32Ngma na anɔng, ama fɛ́ ba tuus ide, ni i rasak, ni i wat kaakyɛ ikon fi i se ama agɔɔt, nɛ ahwyáng áratek e fɛ́ nanon azatse di noos arɛ ná, na nawu me.”
33Ni igorok ncɛɛt dot ti in nang, fɛ́ aYeso di cɛɛt ni iba, kpaf nɛ agap irēn bá. 34Vit ikyɛng fɛ́ a ka ba tak, fɛ́ a won dang tak ide ni igorok icɛɛt. Awɛt izen fɛ́ a se aziwu nɛ bafi imɛɛs wu, na ka ba fo kucɛɛt e wɛshɛk.
AYeso nyeseng ni itsombos
(AMatiyu 8:23-27; ALuka 8:22-25)
35Atuk e yɔng, fɛ́ kawuwuri nye, aYeso fɛ̀ na bafi imɛɛs wu yɛ, “Won in tat yit sak ni nyi ku ya.” 36Ba won kudyɛng banet ama, ba tseng gung ni wu, ayɛt kukyɛ ashi fɛ́ aYeso di se. Akyɛ-ashi akak kin tseng gung ni wu. 37Aduk itsombos ikak ne, agbos ashi rus kukyɛ ashi me fɛ́ ngmash ashi na a shining iko. 38AYeso kin se ni nda ni ice wu narɔ isaas ice abatin kukyɛ ashi me. Bafi imɛɛs wu tsɛ ba ku shemeng, ba fɛ̀ ni wu, “Anet itees, i da daam ki in te rep yit awɛ?”
39AYeso dorok, a gyɔng awun e, a fɛ̀ ni agbos ashi me, “Te yuu! Men nhwyɛ ngɔn!” Awun e wat a te yuu, izek e men yuu.
40A fɛ̀ na bafi imɛɛs wu, “Akyɛ sak fi i bɛ́ yin nnyim anɔng ɛ? Iyin ren se yin vit inɔɔk atsak ɛ?”
41Nnyim ka ba yit makiyi, ba kpa kana risim, “Angan yong a yet ayong, fi kuwun nɛ agbos ashi foos ifɛ̀ wu yɛ?”
Currently Selected:
AMarkus 4: IbaasNT
Highlight
Share
Copy
Want to have your highlights saved across all your devices? Sign up or sign in
© 2019 The Nigeria Bible Translation Trust and © 2019 Wycliffe Bible Translators, Inc.
AMarkus 4
4
Igorok icɛɛt naton anet inas ija
(AMatiyu 13:1-9; ALuka 8:4-8)
1AYeso tɛ a kpa itees banet ni ifam izek aGalili. Kudyɛng banet fɛ́ ba ku te nate, kin se makiyi, nek anɔng, a nɔ ayɛt kukyɛ ashi, a sonong ayɛt ko, ayɛt izek e, wɛt banet e nyeseng ni ice ibanang. 2A ka ba tees nkyɔrɔk dot-dot ayɛt igorok icɛɛt. Ayɛt itees wu, a fɛ́ ni iba. 3“Wees yin ato! Anet ikap akak kin a tsɛ nas ija wu. 4Na se ni inas ija me, ikak kpas naton irèn atak, nanon tsɛ na ya ide. 5Ikak kpas nato agbondong, narɔ fɛ́ da ntong mak di se awo. I wat i rasak ziri, nek ntong e kin se gbɛngɛjɛm. 6Awɛt fi kunom ngarak nate, ku shosh nayak e, na wat na koot, nek vit ina na aney. 7Ija me ikak kpas ayɛt itsitsan, itsitsan e rasak, i firisi kuyak e, i ki di ro ni kutes ica. 8Ngma nɛ nɔng, ikak kpas ni ntong ntek, i tang gyat, i rasak gyat, i korok kutes, ikak tes ica nsɔk ntaat (30), ikak tes ica nsɔk karataat (60), ni ikak tes ica anakat (100).”
9AYeso ma fɛ̀ ni ba, “Ayɔng fɛ́ a bɛ́ ato, won na di fok ifɛ̀!”
10Ni izen fɛ́ aYeso se aziwu, kusɔk abe afaa me, ni ishɛrɛp bafi ikuus fɛ́ ba se ni fam wu, ku nye irip ikyɛng fi igorok ncɛɛt e tonong. 11A fɛ̀ ni ba, Iyin ba mi ki tarak yin ikyɛng fi i se ni nɛt ifi igwɔm Adakunom. Awɛt sak na bayɔng fɛ́ ba se amatse, kaakyi ikyɛng se ayɛt igorok ncɛɛt. 12Nek,
“Banet bang yɛrɛ, awɛt vit idi,
Ba foos, awɛt vit irēn.
Kɔng ba bi tirik, na ka ba fuut anɛn.”
13AYeso ma fɛ̀ ni ba, “Iyin kyem i rēn yin igorok icɛɛt e yeng awɛ? Na anɛ fi i da kyem i rēn yin igorok icɛɛt ikak ɛ? 14Anet ikap e se ni inas ifɛ Adakunom. 15Banet bakak se ti ija me dɔng fi i kpas ni irèn atak, fɛ́ ba di nas ifɛ̀ me. Nkum na ba tsin fok e kyek, na aShetan bɛ́ na foshok ifɛ̀ dɔng fɛ́ ba mi tsang tup ni iyɛ bá. 16Bakak se ti ija dɔng fi i kpas ni ntong agbondong, kɛ ba fok ifɛ̀ me, na ba wat shan ide ziri ziri, ni iyɛ ikan. 17Awɛt nek vit iba na anɛy, ba ra nye nkɔs gyet kyɛk. Izen fi mgbang ki izoot ayi bɛ́ nek ifɛ̀ me, na ba tɛ ba bun kama ziri.
18“Bakak se ti ija me dɔng fi i kpas ni itsitsan, ba fok ifɛ me akabɛs, 19awɛt ni ndaam kusot azatse nang, iwɔrɔk kurúm, ni ihye nkyɔrɔk nkak, bi ni in firik ifɛ̀ me, nin sak ide raye de ites ica. 20Bakak se ti ija me dɔng fi i kpas ni ntong ntek, ba fok ifɛ me, na ba shan ide, na ba korok kutes, bakak te nsɔk ntaat (30), bakak te nsɔk karataat (60), bakak te anakat (100) ikyɛng fɛ́ ba kin tup e.”
Agaramun fɛ́ ba sak garang
(ALuka 8:16-18)
21AYeso tɛ fɛ̀ ni ba, “Anet ta kuron na agaramun, na tsɛ na faam iwu na katsereng ke na asɔs ameneng ɛ? In fɛ́ kɛ a sak iwu ni ikyɛng igarang e awɛ? 22Nek ngma ikyɛng fi i se ni nɛt, ba bi tarak ide. Ngma ikyɛng fi i se ni faam, ba bi tarak ide. 23Kɛ akak yin bɛ́ ato, won na di fok ifɛ̀!”
24A ya kashon ni kucɛɛt ni ba yɛ, “Yiring yin ni ikyɛng fi ifok yin hwyɛɛ: ni kuri itsɛn imaas fi i di maas bakak, ni kuri itsɛn imaas e yɔng fɛ́ ba bi da maas mo, ni barang. 25Ngma ayɔng fɛ́ a bi ikikak, ba bi ku barang mo, awɛt ayɔng fɛ́ a se vit ikyɛng, igyet e dɔng fɛ́ a bɛ́, ba bi shan ide ni wu.”
Igorok icɛɛt naton ica fi i rasak
26AYeso fɛ̀, “Igwɔm Adakunom se tɛ ane, anet akak tsɛ a nas ija ni ikɔ. 27Katuk ni kunom, kɛ ni wu ni nda kɛ na mi shemeng ayi, ni ija me tang, ni i rasak akɔn de. Anet e ice wu, rēn fi i di rasak awo. 28Ntong e ikyɛng na, in sak nayak e tang, ákon e tung rasak, nɛ ace me di kuus, ni ica me ni wuru ayɛt ace me. 29Izen fɛ́ nayak e nye, na di te kukot, nek ishamang mi nye.”
Igorok icɛɛt naton kica amusta
(AMatiyu 13:31-32,34; ALuka 13:18-19)
30AYeso tɛ fɛ̀, “Na akyɛ fi in di ki mara yit igwɔm Adakunom yɛ? Kɛ na akyɛ kuri igorok icɛɛt fi in di ki tonong yit ide yɛ? 31I se ti kica amusta, fɛ́ ka dung se gyebet ayɛt ija fɛ́ ba tuus aben. 32Ngma na anɔng, ama fɛ́ ba tuus ide, ni i rasak, ni i wat kaakyɛ ikon fi i se ama agɔɔt, nɛ ahwyáng áratek e fɛ́ nanon azatse di noos arɛ ná, na nawu me.”
33Ni igorok ncɛɛt dot ti in nang, fɛ́ aYeso di cɛɛt ni iba, kpaf nɛ agap irēn bá. 34Vit ikyɛng fɛ́ a ka ba tak, fɛ́ a won dang tak ide ni igorok icɛɛt. Awɛt izen fɛ́ a se aziwu nɛ bafi imɛɛs wu, na ka ba fo kucɛɛt e wɛshɛk.
AYeso nyeseng ni itsombos
(AMatiyu 8:23-27; ALuka 8:22-25)
35Atuk e yɔng, fɛ́ kawuwuri nye, aYeso fɛ̀ na bafi imɛɛs wu yɛ, “Won in tat yit sak ni nyi ku ya.” 36Ba won kudyɛng banet ama, ba tseng gung ni wu, ayɛt kukyɛ ashi fɛ́ aYeso di se. Akyɛ-ashi akak kin tseng gung ni wu. 37Aduk itsombos ikak ne, agbos ashi rus kukyɛ ashi me fɛ́ ngmash ashi na a shining iko. 38AYeso kin se ni nda ni ice wu narɔ isaas ice abatin kukyɛ ashi me. Bafi imɛɛs wu tsɛ ba ku shemeng, ba fɛ̀ ni wu, “Anet itees, i da daam ki in te rep yit awɛ?”
39AYeso dorok, a gyɔng awun e, a fɛ̀ ni agbos ashi me, “Te yuu! Men nhwyɛ ngɔn!” Awun e wat a te yuu, izek e men yuu.
40A fɛ̀ na bafi imɛɛs wu, “Akyɛ sak fi i bɛ́ yin nnyim anɔng ɛ? Iyin ren se yin vit inɔɔk atsak ɛ?”
41Nnyim ka ba yit makiyi, ba kpa kana risim, “Angan yong a yet ayong, fi kuwun nɛ agbos ashi foos ifɛ̀ wu yɛ?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 The Nigeria Bible Translation Trust and © 2019 Wycliffe Bible Translators, Inc.