LEVITIKU 18
18
Kapitlu 18
Relazzjonijiet sesswali pprojbiti
1Il-Mulej kellem lil Mosè u qallu:#Lev 20,8-21. 2“Kellem lil ulied Iżrael u għidilhom: Jiena l-Mulej Alla tagħkom. 3La tagħmlux bħalma jagħmlu fl-art tal-Eġittu fejn kontu tgħammru, u tagħmlux bħalma jagħmlu fl-art ta’ Kangħan li se nġibkom fiha; timxux skont il-liġijiet tagħhom.#Eż 23,23-24; Eżek 20,7-8. 4Agħmlu skont id-digrieti tiegħi, u ħarsu l-liġijiet tiegħi, u imxu fuqhom. Jiena l-Mulej Alla tagħkom. 5Ħarsu l-liġijiet u d-digrieti tiegħi; il-bniedem li jagħmilhom ikollu l-ħajja bihom. Jiena hu l-Mulej.#Dt 4,1; 5,29; 6,24; 8,1; Neħ 9,29; Eżek 20,11; Gal 3,12; Rum 10,5.
6“Ħadd ma għandu jersaq lejn ebda qariba tiegħu#18,6-18: Ħadd ma għandu jersaq lejn ebda qariba tiegħu: Hawn il-liġi tistabbilixxi l-gradi tal-parentela li fihom hu pprojbit iż-żwieġ u kull relazzjoni sesswali oħra bejn il-qraba. biex jikxef l-għera tagħha. Jien hu l-Mulej.
7“La tikxifx l-għera ta’ missierek, jew l-għera ta’ ommok, għax dik hi ommok; la tikxfilhiex għeritha.
8“La tikxifx l-għera ta’ mart missierek, għax dik hi l-għera ta’ missierek.#Dt 23,1; 27,20; 1 Kor 5,1.
9“La tikxifx l-għera ta’ oħtok, bint missierek, jew bint ommok, imwielda d-dar jew barra.#Dt 27,22.
10“La tikxifx l-għera ta’ bint ibnek, jew bint bintek, għax hi l-għera tiegħek.
11“La tikxifx l-għera ta’ bint il-mara ta’ missierek, imwielda minn missierek, għax hi oħtok; tikxfilhiex għeritha.
12“La tikxifx l-għera ta’ oħt missierek, għax hi qariba ta’ missierek.
13“La tikxifx l-għera ta’ oħt ommok, għax hi qariba ta’ ommok.
14“La tikxifx l-għera ta’ ħu missierek, jiġifieri la tersaqx lejn martu, għax hi z-zija tiegħek.
15“Tikxifx l-għera ta’ mart ibnek, għax hi mart ibnek; tikxifx għeritha.
16“La tikxifx l-għera ta’ mart ħuk, għax hi l-għera ta’ ħuk.#Mt 14,3-4; Mk 6,18.
17“La tikxifx l-għera ta’ mara u ta’ bintha; anqas ma għandek tieħu bint binha, jew bint bintha, għax tikxef l-għera tagħha; għax huma qraba u tkun ħaġa faħxija.
18“Tiħux b’mara#18,18: Tiħux b’mara: ’l oħt martek b’rivali tagħha: ir-raġel seta’ jkollu aktar minn mara waħda, basta mhux żewġt aħwa, biex ma jkunx hemm ġlied fil-familja: ara Ġen 30,1-24. ’l oħt martek b’rivali tagħha, u tikxef l-għera tagħha, meta l-oħra tkun għadha ħajja.
19“La tersaqx lejn mara mniġġsa fi żmienha, biex tikxef l-għera tagħha.
20“La timteddx mal-mara ta’ għajrek, u hekk titkasbar magħha.#Eż 20,14.
21“La tħalli ’l ħadd minn nislek jgħadduh min-nar f’ġieħ Molek#18,21: F’ġieħ Molek: is-sagrifiċċju tat-trabi lill-alla falz Molek tal-Kangħanin., u hekk ma żżeblaħx l-isem ta’ Alla tiegħek. Jiena l-Mulej.#Ġen 22,1-19; Lev 19,12; 22,32; Dt 18,10; 2 Slat 16,3; 21,6.
22“La timteddx ma’ raġel, bħalma timtedd ma’ mara; għax hi ħaġa moqżieża.#Ġen 19,5; Dt 23,18; 1 Kor 6,9-10; Rum 1,27.
23“La timtedd ma’ ebda bhima biex titkasbar magħha; u lanqas mara ma għandha tersaq quddiem bhima biex titħallat magħha, għax hi ħaġa faħxija.#Eż 22,18; Dt 27,21.
24“La titkasbru b’ebda ħaġa minn dawn, għax b’dawn il-ħwejjeġ tkasbru l-ġnus li jien se nkeċċihom minn quddiemkom.
25Tkasbret l-art, u jien ikkastigajtha minħabba ħżunitha, u beżqet ’il barra lil min kien jgħammar fiha.
26“Imma intom għandkom tħarsu l-liġijiet u d-digrieti tiegħi, u ma tagħmlu xejn minn dawn il-qżiżijiet kollha, sew min hu tal-post sew il-barranin f’nofskom. 27Għaliex dawn il-qżiżijiet kollha għamluhom in-nies tal-art, li kien hemm qabilkom, u b’hekk tkasbret l-art. 28Hekk l-art ma tobżoqkomx talli tkunu kasbartuha, bħalma beżqet il-ġens ta’ qabilkom. 29Kull min jagħmel minn dawn il-qżiżijiet kollha jkun maqtugħ mill-poplu tiegħu.
30“Ħarsu mela l-preskrizzjonijiet tiegħi biex ma teħdux id-drawwiet moqżieża li kellhom in-nies ta’ qabilkom u titħammġu bihom.#Dt 18,19.
“Jiena l-Mulej Alla tagħkom.”
Currently Selected:
LEVITIKU 18: MB20
Highlight
Share
Copy
Want to have your highlights saved across all your devices? Sign up or sign in
Maltese DC Bible © Malta Bible Society, 2020.