EŻODU 23
23
Kapitlu 23
Il-ħaqq u s-sewwa
1“La taqlax xniegħa giddieba; la tagħtix idek lil bniedem ħażin biex tixhed bil-qerq.#Eż 20,16; 23,7; Dt 5,20; 19,15-21. 2La tmurx mal-kotra biex tagħmel id-deni; u f’tilwima tixhidx skont il-kotra, biex ma tgħawwiġx is-sewwa.#Dt 16,18-20. 3U anqas ma għandek tħares lejn wiċċ il-fqir fit-tilwim tiegħu.#Lev 19,15.
4“Jekk int issib il-gendus jew il-ħmar mitluf ta’ min jobogħdok, roddhulu lura.#Dt 22,1-4. 5Jekk tara l-ħmar ta’ min jobogħdok mixħut fl-art taħt it-tagħbija, tibqax għaddej bla ma tgħinu; imma għinu biex iqajmu.
6“La tgħawwiġx il-ġustizzja li tmiss lill-fqir fil-kawża tiegħu.#Lev 19,15; Dt 1,17; 16,19. 7Żomm ruħek ’il bogħod minn kliem il-gideb; u la toqtolx lil min hu sewwa u bla ħtija; għax jien ma neħlishiex lill-ħati. 8La teħux rigali, għax ir-rigali jagħmu n-nies b’għajnejhom miftuħa, u jgħawġu l-kawża tan-nies sewwa.#Dt 16,19; 27,25; Sir 20,29.
9“Taħqarx il-barrani; int taf xi jħoss il-barrani, għax barrani int kont fl-art tal-Eġittu.
Is-seba’ sena u l-festa#Eż 22,21; Lev 19,33-34; Dt 27,19.
10“Għal sitt snin int tiżra’ l-art tiegħek, u tiġbor l-uċuħ tagħha,#Lev 25. #Dt 24,19; 26,12-13. 11imma fis-seba’ sena tħalliha tistrieħ; ħalliha biex jieklu l-fqar tal-poplu tiegħek; u l-fdal jikluh il-bhejjem tax-xagħri. Hekk ukoll agħmel bid-dwieli u ż-żebbuġ tiegħek.
12“Għal sitt ijiem tagħmel ix-xogħol tiegħek; u fis-seba’ jum tistrieħ, biex jistrieħu l-gendus u l-ħmar tiegħek, u bin il-qaddejja tiegħek u l-barrani jieħdu r-ruħ.#Eż 20,8-11; 31,15-17; 34,21; 35,2; Dt 5,12-15. 13Qisu li tħarsu kulma għedtilkom, u ssemmux isem allat oħra; ma għandux jinstema’ isimhom fuq fommok.
14“Tliet darbiet fis-sena tagħmilli festa#23,14: Tliet darbiet fis-sena tagħmilli festa: dawn kienu t-tliet festi l-kbar matul is-sena: Il-festa tal-Għid, il-festa tal-Ġimgħat (il-Pentekoste), il-festa tal-Għerejjex (tat-Tabernakli). L-irġiel kollha kellhom l-obbligu li jitilgħu Ġerusalemm, jekk ikunu jistgħu..#Eż 34,18-24; Lev 23; Dt 16,1-17. 15Int tħares il-festa tal-ażżmi. Għal sebat ijiem tiekol il-ħobż ażżmu, kif jien ordnajtlek fiż-żmien li għedtlek, fix-xahar ta’ Abib, għax fih int ħriġt mill-Eġittu. Ħadd ma għandu jidher quddiemi b’idu f’idu. Int tħares il-festa tal-ħsad, l-ewwel frott ta’ xogħlok u ta’ dak li tiżra’ fir-raba’ tiegħek. 16Tagħmel il-festa tal-ġabra fi ħruġ is-sena, meta tiġbor mir-raba’ l-frott ta’ xogħlok. 17Tliet darbiet fis-sena jidher kull raġel fostkom quddiem il-Mulej, is-Sid.
18“La toffrix id-demm tal-vittmi tiegħek b’ħobż bil-ħmira; iżżommx ix-xaħam tal-vittmi tal-festa tiegħi sa filgħodu.#Eż 34,25-26. #Eż 12,10; Lev 2,11; 7,15.
19“Int iġġib il-bikri tal-frott tal-art tiegħek f’dar il-Mulej Alla tiegħek. La tgħallix il-gidi f’ħalib ommu#23,19: La tgħallix il-gidi f’ħalib ommu: rit pagan kontra l-istess istinti naturali..#Dt 14,21; 26,1-11.
L-anġlu protettur
20“Arani, se nibgħat anġlu quddiemek biex iħarsek fit-triq u jwasslek fil-post li jien ħejjejtlek.#Dt 7,1-26. #Eż 14,19; 32,34; Is 63,9. 21Qis li tagħtih wiċċ u tisma’ kliemu; la tmerihx; għax ma jaħfrilkomx dnubietkom; għax hu jkellimkom f’ismi. 22Jekk tisma’ sewwa minn kliemu, u tagħmel kulma ngħidlek, jien inkun l-għadu tal-għedewwa tiegħek, u neħodha ma’ min jeħodha miegħek.
23“L-anġlu tiegħi jimxi quddiemek u jwasslek għand l-Amurrin u l-Ħittin, il-Periżżin u l-Kangħanin, il-Ħiwwin u l-Ġebusin, u jiena neqridhom.#Eż 34,10-16; Num 33,51-52; Dt 7. 24Tadurawx l-allat tagħhom u la taqduhomx; u la tagħmlux kif jagħmlu huma, imma int eqridhom u kisser il-plieri tal-ġebel tagħhom#23,24: Il-plieri tal-ġebel tagħhom: ħaġar wieqaf, oġġett ta’ qima reliġjuża, fis-santwarju tal-Kangħanin..#Eż 20,5; 34,13; Lev 18,3; Num 33,52; Dt 7,5; 12,3. 25U intom tqimu l-Mulej, Alla tagħkom, u hu jbierek il-ħobż u l-ilma tiegħek; u nwarrab il-mard minn nofsok. 26Ma jkunx hemm f’nofsok mara bla tfal, jew li tiled qabel iż-żmien.#Lev 26,9; Dt 7,14; 28,4; 30,9. 27Il-biża’ tiegħi nibgħat quddiemek; u nħawwad in-nies, li int tasal għandhom; u nġiegħel l-għedewwa tiegħek idawru daharhom lejk.#Dt 2,25; 7,20-22; Ġoż 24,12; Għerf 12,8. 28Jien nibgħat iż-żnażan quddiemek, u jkeċċu l-Ħiwwin, il-Kangħanin u l-Ħittin minn quddiemek. 29Ma nkeċċihomx minn quddiemek f’sena, inkella l-art issir ħerba u l-bhejjem tax-xagħri joktru kontra tiegħek. 30Bil-ftit il-ftit inkeċċihom minn quddiemek, sakemm int toktor u tkun tista’ tieħu l-art f’idejk.#Dt 7,22; Mħ 2,6. 31U l-fruntieri tiegħek nagħmilhomlok minn Baħar il-Qasab sal-baħar tal-Filistin, u mid-deżert sax-xmara tal-Ewfrat; għax jien nitlaq in-nies tal-art f’idejk, u int tkeċċihom minn quddiemek.#Ġen 15,18; Dt 11,24; Ġoż 1,4; Mħ 20. 32Ma tagħmel ebda patt magħhom, u anqas ma’ allathom.#Eż 34,12-16; Dt 7,2-3. 33Ma għandhomx jgħammru fl-art tiegħek, li ma tmurx titħajjar tidneb kontrija u tqim l-allat tagħhom, għax ikun ta’ ħsara għalik.”
Currently Selected:
EŻODU 23: MB20
Highlight
Share
Copy
Want to have your highlights saved across all your devices? Sign up or sign in
Maltese DC Bible © Malta Bible Society, 2020.