Rimluğo 14
14
K'ə bsayansa Q'ončuğoy s'iya alabseynak'yan bsa
1İçoğoy věluğ zəyif bakaloroxe bu, bartanan şoroxal və̌x gərbakeq'at'un, arśiyal şot'oğoxun efi əyitmux çəp eğala exlətxo ma taşanan. 2Amdare bu "mot'o ukes banekon, şot'o ukes tene bakon" k'inək' əyitmoğo sal fikir tene tast'a, amdaral bune izi věluğ zəyife pi izi ǰomo yeq' tene duğsa. #14:2 1 K'or. 8:1-13 3Barta hər şey ukalt'in metər nu balt'ay loxol k'ori-k'ori maq'an běği. Nəəl izi ǰomo yeq' nu duğalt'in hər şey ukalt'u maq'an q'inəyinşi, şot'o görə ki, Buxačuğoynak' şo q'abule. 4Buxačuxe İçu věbakalt'oğoy bitot'ay kalo, hun şunu ki, Şot'ay q'ulluğa çurk'alt'oğoy sərfə biq'alnu? Q'ulluğçiğoy q'ončuğon içine ava içu q'ulluğbalt'oğoy biq'ala əş düze yoxsa təə. Şot'oğoy kiyexun biq'alo Q'ončuxesa şine şot'oğo sakes bakon?
5Amdare bu "me ği me ğinaxun üst'üne" pi ğimxoy arane fərge laxsa, amdaral bune metər şeymoğo fikir tene tast'a. İz uk'alt'oğoy bač'ane çurk'alt'u galmadanan, bartanan şin hetər çuresa hat'etərəl fikirbeq'an. 6Ği c'ək'k'alt'inal mot'o Q'ončuğoy s'iyene bsa, ukun c'ək'k'alt'in q'a nu c'ək'k'alt'inal. Sunt'in hər şeyaxun kəyi izi ukalt'oğo görəne Buxačuğo şükürbi hörmət laxsa, t'e sunt'inal nu uksunene izi hörmətə ak'est'a. #14:1-6 K'olos. 2:16 7Axıri beşi boşt'an saycət'in izi yəşəyinşə içeynak' tene yəşəyinşbsa, biyat'anal içeynak' tene bisa. 8Beşi me dünyəne yəşəyinşbsunal, me dünyənexun p'uri taysunal Q'ončuğoy s'iya alabseynak'e. Çurensa dirist' baken, çurensa p'uri - p'urumal Q'ončuğoy s'ine bu beşi loxol. 9Axıri Xrist'osal mot'aynak'e p'uri oşal diriləyinşake - dirist't'oğoyal, p'uri taśit'oğoyal Q'ončux bakseynak'. 10Şot'o görəl şuk'k'ala taxsırkər c'evksun nəəl şinesa loxol k'ori-k'ori běğsun lazım tene! Buxačuğon İçin arśi běğale beşi bitot'ay əşlə. #14:10 2 K'or. 5:10 11Ǐvel Śamen uk'alt'ullarik': "Q'ončuğon metəre nex:
<Bezi həmişə baksuni loxolez elase ki,
Bezi běš nu çökt'alo tene mandal.
İzi ǰomo muz bakalt'in Bezi Buxačux baksuna uk'ale>". #14:11 İsa. 45:23; Filip'. 2:10-11
12Metərluğen, yan bitot'in beşi gala coğab tadi bakalyan Buxačuğoy běš.
Vi ı̌šat'ay Buxačuğoxun irapsuna imkan ma tada
13Şot'o görəl, ekinan beşi boş sunay sərfə biq'sun ene maq'an baki, mot'oxunsa efi biq'ala əşurxo fikir tadanan, t'etər banan ki, İsusi laxi yaq'en tağala efi xunçi-viçə düz yaq'axun c'evk'i günaxa lik't'es bakala əşur nu biq'anan.
14Zu avazu ki, "me şey harame, ukes batenekon" exlət butene, mot'oxun şüpələyinşaltezbaksa, axıri Q'ončux İsusa bakala věluğen za şüpələyinşaksa baraltenek'on. Ama əgər şinesa "me ukun harame" nexesa, şot'aynak' metər fikirbi, ama t'e ukunaxun uksun düzəl tene. 15Şot'o görəl, vi xunçi-viçey fikirxo avabaksunen şot'ay t'ǒğǒl izi biin nu ext'ala ukuna unksasa, şot'o çuresunaxun ə̌xilnu upsune. Ukuna görə vi ı̌šat'ay Buxačuğoxun irapsuna imkan ma tada, axıri Xrist'osen İzi elmoğone laxe şot'o görə. #14:13-15 1 K'or. 8:1-13 16T'etər ma ba ki, vi piyes şaat' ak'eğala əş amdarxoy ǰomoq'an baft'i. 17Axıri Buxačuğoy Padçağluğ uk'at'an exlət ukun-ǔğǔn c'ək'psunaxun tene taysa, Buxačuğoy Padçağluğ - mo düzgünluğ, serluğ saal Ǐvel Urufen yax tadala mǔqluğ upsune. 18Xrist'osi laxi yaq'en tağalt'oğoxunal mat'in ki, izi me yaq'e q'ončux baksuna me cür q'ulluğbsunene ak'est'asa, şo Buxačuğoy piyesal şaat'e ak'eğon, amdarxoy boşal hörməte q'azayinşon.
19Ekinan beşi sunaxun ser bakseynak' k'ə bsun lazımesa şot'o ben, beşi bitot'ay İsusi bel giresuna ak'est'i suna kul biq'en. 20Ukuna görə Buxačuğon burqi əşlə qǔnqǔl ma efanan. Düze, haram ukun butene, ama t'iyə̌mint'in "haram" uk'alt'u uksunen şot'o düz yaq'axunen c'evksasa, şaat' əş ten biq'sa. 21Vi yeq' uksunen q'a fi ǔğsunen vi ǐšat'u günaxaçe likst'asa, şaat'o şone mot'o nu bavax. 22Vi me barada k'ə fikirbsuna Buxačuğon avanebaki bəse, mot'o amdarxo car saksuna eht'iyəc tene bu.
İzi biq'ala əşlin düz baksunaxun nu şüpələyinşakala amdar he bəxt'əvəre. 23Ama "haram tene" pi vi ukalt'uxun p'urumal şüpələyinşenbaksasa, Buxačuğon vi cazina ene bot'ene upsune, şot'o görə ki, vi uk'alt'oğo ük'en ten vě. Ük'en nu věbaki biq'ala əş isə günaxe.
© Translation Services International Ltd.