Ǐvel mə̌ğurxo 141
141
141-ci Ǐvel mə̌ğ
Davidi Ǐvel mə̌ğ.
1Ay Q'ončux, Vaz k'ale zu, eki p'ap'a!
Bezi xoyinša ibaka!
2Barta bezi afırı hari Va p'ap'eq'an,
Şaat' adeğala oyurxoy bok'uni k'üün hari Va p'ap'ala k'inək'.
Bezi Vaç alabi kulmoğo nu aksuna ma laxa,
Biyəsin šameğala q'urban k'inək' q'abulba şot'oğo. #141:2 Qay. əyit 5:8
3Ay Q'ončux, bez ǰomoy q'aroola zapa,
Bez muza girba.
4Za pis yaq'en taysa ma barta,
Pist'oğo gərbaki şər əşur biq'sa,
Şot'oğoy ukalt'oğo şərik baksa ma barta za.
5Barta düzgünt'ay kiyel t'ap'eğaz - avabakoz ki, mot'o za çuresaxune bsa,
Barta bez taxsıra za ak'est'eq'an - mot'o mǔqluğenez q'abulbon!
Mot'oğoy saycət'in bez pula hateneq'sa. #141:5 Ǐvel mə̌ğ. 69:22
Ama pist'oğoy axır eyseynak'ez afırıne zu:
6Barta şot'oğoy kalat'oğo q'ayanaxun oq'aq'at'un boseri,
T'e vədə avabakalt'un şot'oğon bezi pit'oğoy bito seri baksuna.
7T'e vədə ak'alt'un içoğoy ǔq'enxo oç̌alen sa xuribaki barst'una,
Hetər ki, kötəni ǰomo tağala oç̌al xuribaki barala k'inək'.
8Vi kiyelez běğsa, ay bitot'uxun üst'ün bakala Q'ončux Buxačux,
Vaz umud zu, za bisa ma barta.
9Pist'oğon zaynak' laxi təloğoxun,
Şot'oğon zaynak' kašp'i kururxoxun ə̌xilba za.
10Barta zaynak' laxi tora içanq'at'un baft'i,
Zu isə xata-bələsuz c'ovaki tağaz.
Currently Selected:
Ǐvel mə̌ğurxo 141: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
