Ǐvel mə̌ğurxo 142
142
142-ci Ǐvel mə̌ğ
Davidi mağarina c'ap'bakat'an #142:0 1 Şam. 22:1; 24:3 bi afırı.
Ögüd-nəsyət tadala Ǐvel mə̌ğ.
1Səsenez k'ale zu Q'ončuğo,
Şot'ay bezi loxol běğsunaz xoyinšpsa zu alloy səsen.
2Bez ük'əz ams'ibsa zu Şot'ay t'ǒǒx,
Bez dərdəz exlətpsa Şot'aynak'.
3Mone, urufaxun bitezu zu,
Ama tək ten bare Hun za bezi tağala yaq'a.
Təlooxt'un laxe zaynak' c'əp'k'in bezi yaq'e loxol.
4Fırıpi běğat'an sa tan tene bu bezi kiyexun biq'ala,
Şuk'k'ala tez lazım zu.
Nə sa umudi ga tezax bu,
Nəəl za běğala sa amdar.
5Vaz k'ale zu, ay Q'ončux, metərez nex:
«Hunnu bez kiyexun biq'alo,
Bez paynu koft'i, bez k'odoğo śameśi sa neymətnu Hun zaynak' me dünyəne!»
6İbaka bezi xoyinša,
Běğa he pis ğinaxzu.
Çark'est'a za bezi bač'anexun baft'it'oğoy kiyexun,
Axıri zorbat'un şorox zaxun.
7C'evk'a za me bayinq'unaxun,
Barta Vi s'iya alabes bakaz!
Barta Vi zaynak' bi şaat'luğa ak'i
Bez bel gireśi düzgünt'oğoy ük'q'an qayeśi.
Currently Selected:
Ǐvel mə̌ğurxo 142: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
