Ǐvel mə̌ğurxo 140
140
140-ci Ǐvel mə̌ğ
Mə̌ğk'alxoy dəst'in kalat'aynak'. Davidi Ǐvel mə̌ğ.
1Ay Q'ončux, za şər amdarxoxun çark'est'a,
İçoğost'a gorox eysun nu bakala amdarxoxun q'orişa.
2Pisluğbsune şot'oğoy çureğalo,
Hər ği davat'un galst'a şot'oğon.
3Dizik'en duğala k'inək'e duğsa şot'oğoy ǰomoxun c'eğala hər əyiten,
Gürzin zəhəre bu şot'oğoy muzna bel.
4Za şər amdarxoxun q'orişa, ay Q'ončux,
Bez bist'una çureğala p'i xup'k'alxoxun ə̌xilba.
5Biq'sunt'un çuresa za me içoğoxun irəzit'oğon,
Torat'un bast'un çuresa,
İçoğoy təloğot'un t'ak'p'e bezi yaq'e loxol.
6 Q'ončuǧo nexzu: «Hun bez Buxačuxnu,
Ay Q'ončux, bez xoyinša ibaka!
7Ay bitot'uxun üst'ün bakala Q'ončux Buxačux,
Hunnu Vi zorba kiin za çark'est'alo,
Davin ğine za q'orişalo.
8Ay Q'ončux, pist'oğoy niyətxo içoğoy boş efa,
Ma barta içoğoy ük'exun c'ovakalt'oğo bex p'ap'esp'i lovğalayinşakes bakat'un.
9Bezi hərrəmine t'ema bezi pisa çureğaloroxe bu ki!
Barta şot'oğoy ǰomoxun c'eri q'arğişxo bito içoğoy ǒyneq'an bari!
10Barta şot'oğoy bel bok'ala s'ilq'an bari,
Barta t'etər sa kuraq'at'un baft'i ki, c'eyes maq'at'un baki!
11Barta t'iyə̌mint'ay loxol əfçidən əyit laçuvk'alt'aynak' me oç̌ala ga maq'an baki,
Barta içust'a gorox eysun nu bakalo tora baft'i əfçibakeq'an».
12Avazu ki, Q'ončuğon İçin běğale fağırxoy əşlə,
T'iyə̌mint'ay kiyel běğalt'oğo tək tene efal Şot'in.
13Avazu ki, alxışp'alt'un Va düzgünt'oğon,
Vi xojina tarak'alt'un şorox,
Pist'oğoy kul tene p'ap'al şot'oğo.
Currently Selected:
Ǐvel mə̌ğurxo 140: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
