EZEKIEL 2

Ezekiel Samnak

1Mahmi ka muh ten lei ah bok ing a, aw pa khat za ing, mah aw cu, “Mihing pa, Ezekiel aw dingin hi. Na lakah thu hilh tung,” ti hi. 2Mahtibang a ot laihin, Pathian i hawvang ka sungah tumin, dingtik hi. Mah aw in, 3“Mihing pa, Ezekiel aw nangmah cu Israel tei lakah hah tung. A pu le pate haw bangin ngal tho in, keimah langpang haw a, tutian ngal hi haw laih. 4Mi lunglian a hih haw hangin keimah upat tuk vang thiam haw ma; mah hangin Cungnungbel Topa keimah in, a lak hawah ka ot nuammi hilh tukin hah tung. 5Hi ngaltho phun ten na thuhilhmi a ngai vang, a ngai ngawl haw hei in, a lak hawah profet um hi tih bek thei haw tuk hi.

6“Mihing pa, Ezekiel aw, amuhte hihen, a ot haw mi cu lau pahsun. Nangmah langpang haw tuk a, ling le so le micik thei aikam tei lakah um bang tuk ci. Mahnaven hi ngalthote cu lau pahsun; a otmi haw hei lau pahsun. 7A ngai haw vang, ngai haw ngawl hei in, a lak hawah hilh tuk ka tihmi cu hilhin hi. Amuhte cu keimah ngaltute haw tih cu cing lelengin hi.

8“Mihing pa, Ezekiel aw, ka thuhilhmi cu ngai in hi. Amuhte bangin langpang pahsun. Na kamka inna, ka piakmi cu ei in,” ti hi. 9Khut pa khatin keima lamah zakin, mah khut sungah laizial um mu ing.#Mang 5:1; 10Khutin laizial cu phalhin, a sunglam le a pualam tuah laingatmi cu khaw-ngaihnak le kahnak thu mu ing.

Currently Selected:

EZEKIEL 2: NBF1

Highlight

Copy

Compare