EZEKIEL 15
15
Sabit Ngui Tuah Tehkipnak
1 Topa in ka lakah, 2“Mihing pa, Ezekiel aw, Sabit ngui khi thingkung tuah tehkip theih ni maw? Sabit kak pa khat cu tupi sung a, thingkungte tuah tehkip ten nemcuamnak i um tuk kaw? 3Sabit kak cu a nemcuamnak um maw? Puanzaknak tuk hei in nemcuam a maw? 4Mei lapnak tuk bekin nemcuam hi. Sabit kak cu a bul le a lek mei kangin, a laizang vang a ko khawng nungten imah nemcuam ma hi. 5Meihal laih ngawl hihimin, nemcuamnak nei ma hi. Mei tuah halin, a kang nung sesem ten nemcuamnak imah nei ma tin,” ti hi.
6Cungnungbel Topa in hi bangin ti hi. “Sabit ngui cu tupi sung pen la in, a haal haw bangin, Jerusalem khuasung a ummite cu la tung a, 7dantat tung hi. Vei khatnak mei alh pen luat zo haw naven atu-in, mei tuah haal hi haw tuk hi. Ka dantat ten Topa ka hihlam cu thei haw tuk hi. 8Muantak tuk um ngawlin ka hum a nun haw hangin hi ngam cu ngamkhingin bawl tung,” ti hi. Cungnungbel Topa in hilh zo hi.
Currently Selected:
EZEKIEL 15: NBF1
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
