ZEPHANIAH 1
1
1Judah kumpi Amon’ tapa Josiah Kumpipa hun laitahin Hezekiah’ tapa Amariah, Amariah’ tapa Gedaliah, Gedaliah’ tapa Cushi, Cushi’ tapa Zephaniah kungah Topa’ kammal a tung hi.#2Kum 22:1–23:30; 2Khg 34:1–35:27
Judah kunga a tung ding Thukhenna
2Lei maitang panin na vannuoi
ka phietmai ding hi, Topa in ci hi.
3Mihingte le ganhingte ka phietmai ding hi;
vana leng vate le tuipi sunga ngate
ka phietmai ding a,
migilote ka kipaisah#1:3 Cn: Heb “tuipi, le migilote a kipaisahte” ding hi.
Lei maitang panin mihingte
ka sumaimang ding hi, Topa in ci hi.
4Judah langkhatah ka khut zahin,
Jerusalem-a teng zosie langkhatah
ka khut ka zah ding hi.
Tam mun panin Baal a omlai zosie le
milim biehna siempute’#1:4 Gk tawh kitekah: Heb “siempute tawh a omton milim biehna siempute” min,
5inn khumvum tungah tuongin
vantung na zosie bie-in a kunte,
Topa tungah kiciem napi
Milcom pasien#1:5 Gk Mss Syr Vg: Heb Malcam (ahi sihle, “amau’ kumpipa”) tunga zong
a kiciem mite,
6 Topa zuina panin kinua hei-in
Topa a sui lote,
ahi sihle ama thu a dong lote,
ka sumaimang ding hi.
7 Topa Pasien mai-ah sip khinkhian un;
bang ding ahei cile Topa’ ni ang nai ta hi.
Topa in biehpiehna siem zo a,
ama in a zinte siensuo zo hi.
8 Topa’ biehpieh ni-in
kumpi uliente, kumpi’ tapate le,
gamdang puon tawh a kizem zosie
dan ka tuohsah ding hi.
9Khum ni ciengin sangkil kan zosie,
tatsietna le zuouthu tawh
a pu pa’ innsung a kidimsah zosie,
dan ka tuohsah ding hi.
10Khum ni ciengin Nga Tunkot panin
kaana awging,
Veng Nina panin mauna le
muoltangte panin
sil kisukha a ging vapuoh
kiza ding hi, Topa in ci hi.
11Mortar Venga tengte aw,
kap unlen mau un.
Bangzieh ahei cile
sumbawlte a kisie sieng ta vua,
ngun tawi a te mite zosie
kisumaimang zo hi.
12Khum hun ciengin Jerusalem,
meivah tawh ka long ding a,
amate in a te uh ahi ngunte tungah
nuomtaha#1:12 Heb “a khalsah pa” a om hit hiet mite,
a lungsim sung vuah, “Topa in na hoi sem loin,
sietna zong sem lo ding hi,” a cite dan ka pie ding hi.
13Amau’ neisate kisutmang ding a,
a innte uzong kisie gawp ding hi.
Amate in innte lam nan ule
a sungah a teng sih ding uhi;
amate in lenggui suon nan ule
a zu a dawnkha sih ding uhi.
Topa’ Ni Thupi Ni
(Amos 5:18-20)
14 Topa’ ni thupi ni ang nai ta a,
ang nai a, ang kinaw mama hi.
Topa’ ni husa gin awging khu
a thuoh hamsa mama a,
khum munah galhangte
a awng vapuoh uhi.
15Khum ni pen thangpai ni,
lungkham sinkham ni,
manthai ni le kisiet ni,
khuo miel ni le lungzin ni,
meiipite kai-in
khuo a miel keikui ni,
16kulpi nei khuopite le
a thupi gal panna munte sim nadinga
pengkul kimut ni le,
gal kikap kikona ni ahi hi.
17Keima in mite tungah tua bang
lungkhamna ka tungsah ding a,
amate pen mittaw lam pei tawh
a kibang ding uhi;
bangzieh ahei cile Topa tungah a khiel zo uhi.
Leivui bangin amau’ sisan kisungsuh ding a,
tuale a tahsate uh pen
eh tawh kibang ding hi.
18 Topa’ thangpai ni ciengin,
a ngun le a khamte un hunkhie zo lo ding a,
a thangpaina meikuong sungah
leitung bup katum ding hi;
ama in leitunga teng mi zosie tungah
a zauhuoi manthaina a tungsah ding hi.
Currently Selected:
ZEPHANIAH 1: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
