PHILIPPI-TE 1

1Khris Jesu’ nasemte#1:1 Gk “silate” ahi Paul le Timothy in,

Philippi khuo-a om Khris Jesu sunga misiengthote zosie a kipan hlattuom pawlpi makaite#1:1 Ahi sihle “hlattuom pawlpi kemte” le upate tungah:#1:1 Ahi sihle “hlattuom pawlpi makaite le a hute”#Sawl 16:12 2I Pa uh Pasien le Topa Jesu Khris tung panin kilemna le hepina hing om taheh.

Philippi-te dinga Paul’ Thungetna

3Note kang phaw sielin ka Pasien tungah lungdamna ka ko a, 4ka thungetna cintengah note adingin a tawntungin kipahna tawh thu ka ngen hi. 5A kipat cil lai-a kipan tu ni dong ciengin lungdamna thu sungah nang kihal ziehun ka lung a dam hi. 6Note lahah nasep hoi a pan pa in Jesu Khris’ ni cieng dongin bawl muolsuoh ding hi, ci-in ka muong hi. 7Na lungsim sung vuah nei vei ziehun#1:7 Ahi sihle “ka lungsim sungah note kang vei ziehin” note zosie tam bang dan a kang ngaisut ding pen kei adingin a man ahi hi, azieh pen ka thongkiehna, lungdamna thu ka hunna le ka kipsahna ah keima tawh kibangin note zosie in zong Pasien’ hepina #1:7 Gk “hepina sungah”na tang uhi. 8Bang ding ahei cile Khris’ ei lungsietna tawh note zosie kang ngai ngetngut lam pen Pasien ka teci ahi hi. 9Ka thungetna ahile, note’ itna in theina le thu khentel theina bukim tawh dimlet semsem a, 10sil hoi pen bang ahei, ci thu khentel thei-in, Khris’ ni ciengin siengtho-in kawbanna om loin 11Pasien’ minthan nading le ama’ min a kiphat nadingin Jesu Khris tungtawna ang pei dihna’ gate tawh na kidim nading uh ahi hi.

Tulaitah Paul’ Omdante

12Kang itte aw,#1:12 Gk “sanggamte aw kei tunga a pieng thute in lungdamna thu a kizel nadingin a panpi tahpi zo hi, ci thu note in na thei ding uh ka dei hi. 13Tuaci’n kumpi inncing galkapte#1:13 Gk “praetorium buppi” le midangte zosie in Khris adinga ka thongkiehna thu a thei sieng ta uhi.#Sawl 28:30 14Ka thongkiehna ziehin sanggam a tamzawte in Topa muonna-in a nei vua, zau lo tah le hangsanna lienpi tawh thu#1:14 Adang tang laibute ah “Pasien thu” ci-in kigiel hi. a gen ngam uhi.

15Pawlkhatte in hazatna le demna tawh Khris’ thu a gen vua, ahi vangin adangte in lungsim hoi tawh a gen uhi. 16Tua bang mite in kei pen lungdamna thu a hung dinga tam sunga ei kikoi ahi lam a thei ziehun itna tawh Khris’ thu a gen uhi; 17adangte in lungsimtahpi tawh hi loin, ka thongkiehna-a ka gim thuohte a kibelap thei nading bepin angsung khuolna tawh Khris’ thu a gen zawsop uhi. 18Tua ahile bang phamaw ahei? Ngimna zuou tawh ahi a, ngimna man tawh ahi zongin banglam banglam hi tase le Khris’ thu a kigen zo lang kalsie tuami thu-ah ka kipah mama lel hi.

Hi hi, ka kipah suoh lai ding hi, 19azieh pen keima in note’ ei thungetpiehna le Jesu Khris Hlagau’ ei panpina tungtawnin tami thu in ka suotahna piengsah ding hi, ci thu ka thei hi. 20Sina tawh ahi a, hinna tawh ahi a, lam khatpopo-ah ahi zongin keima in muolphona thuoh loin, hangsanna kici zosie tawh thu ka genna ziehin ka pumpi tahsa tungah tu le a tawntungin Khris a kipatawi thei nading pen ka lunggul luot thu le ka kinepna ahi hi. 21Kei dingin ahile hinna pen Khris ading ahi a, sina zong khu metna ahi hi. 22Tahsa tawh a nungta lai ding hi leng kei adingin ka nasep lawcing mama ding ahi ziehin si ding le hin ding pen teel zawh ding ka thei sih hi. 23Tami thu nite kikalah teel zawh kuom ding mel thei loin tangciehin ka om hi: ka lunggul pen ahile peikhie dawhin Khris tawh ka omton nuom hi, bangzieh ahei cile tua pen nahpi tahin hoizaw tham hi. 24Ahi vangin tahsa pumpi-a ka nuntah ding pen note adingin kisamzaw tham lai hi. 25Tami thu ka theitel lang kalsie na khanto nading ule upna sunga na lungdam nadingun note zosie tawh ka opton suoh lai ding ka thei a, 26tuaci’n na kung vua kang hawkia ciengin Khris Jesu sungah na kisahtheina uh ahi keima in zong kicingtahin note kang kisahtheipi ding hi.

27Khris lungdamna thu tawh kituoh kilawmin na hinkhuo uh hing mang phot un, tua hile kei hing haw-in note tawh kimu-in ahi a, ka op lo kalin na thu uh ka galzah ahi zongin, hlagau khat sunga na dinkipna ule lungdamna thu tawh kipawl upna adingin lungsim kikhatin na hanciemna uh ka thei ta ding hi. 28No ang langpangte ziehin zong zau vawt sih un. Tam pen amate adingin a kisietna uh a talang thu khat ahi a, hizongle tua pen note’ kihutdamna ahi zaw hi. Tam pen Pasien’ nasepna ahi hi. 29Azieh pen ama in Khris na up nading beh uh hi loin, ama adinga na thuoh thei nading uh hamphatna zong hepina tawh note tungah ang pie zo ta hi. 30Ka thuohsa bangin note in zong na thuoh lam uh na thei lang kalsie uh tu-in thuoh ding a nei lai ka hi lam zong thei ta un.#Sawl 16:19-40

Currently Selected:

PHILIPPI-TE 1: ZBOTF01

Highlight

Copy