GAMLAH VANA 4
4
Kohath-te
1 Topa in Moses le Aaron hopi-in tam bangin a gen hi: 2Levi-te lah panin Kohath-te khenkhie inlen amau’ be le amau’ pupa innkuon zui-in 3kikhopna buh tawh kisai na a sem thei ding kum sawmthum pan kum sawmnga a pha mi zosie sim in. 4Kohath-te in kikhopna buh sungah a siengtho pen nate tawh kisai nasepte sem ding uhi.
5Giephuol a kituon ding ciengin a sungah Aaron le a tapate lutin kidalna puon a la ding vua, tua puon tawh thuciemna#4:5 Ahi sihle “thukimna” ahi sihle “thuciemna”; Heb “eduth” singkuong khu ding uhi; 6tua ciengin savun#4:6 Heb ah a khietna kicien lo hi. hoi tawh a tuom ding vua, tua tungah amate in puondum khu-in a zawlte hlung ding uhi. 7Ompina anlum sabuoi tungah puondum a pha ding vua, tua tungah kuongdaite, gimnamtui pakante, kuongkumte, le tuibuoh nading thawlte a koi ding uhi; tua tunga om den ding anlum zong kikoi ding hi; 8tua ciengin amate in puon-ausan khat tawh tuate a khu ding vua, savun#4:8 Heb ah a khietna kicien lo hi. hoi tawh tuomin a zawn nadingin zawlte a bilah bul ding uhi. 9Amate in puon a dum khat a la ding vua, meivah khuom pen, a meivahte, a taite-te, a kuongte, le sathau koina vanzah zosie tawh khu ding uhi; 10tuale amate in vanzah zosie zong savun#4:10 Heb ah a khietna kicien lo hi. hoi tawh tuomin a zawnna ding tal tungah khang ding uhi. 11Amate in kham maitam tungah puondum khat a pha ding vua, savun#4:11 Heb ah a khietna kicien lo hoi tawh tuomin a zawlte a bul ding uhi; 12tuale mun siengtho sunga kizang vanzah zosie la-in puondum khatah tunin savun#4:12 Heb ah a khietna kicien lo hi tawh a tuom ding vua, a zawnna ding tal tungah a khang ding uhi. 13Amate in maitam tunga vutte luohin a tungah puon a dupsan khat pha ding uhi; 14tuale amate in nasepna dinga kizang maitam vanzah zosie, vut luonate, tawkeu-kate, kawbiate, le kuongte, maitam vanzah zosiete a tungah koi-in tua tungah savun#4:14 Heb ah a khietna kicien lo hi. hoi tawh tuomin a zawlte bul ding uhi. 15Aaron le a tapate in mun siengtho le mun siengtho vanzah zosie a khu zaw uh giephuol a tuon ciengun tuate a puo dingin Kohath mite a pei ding vua, ahi vangin amate in a siengtho nate a tham sih ding uhi. A tham khah uleh a si ding uhi. Tam teng pen Kohath-te puoh ding kikhopna puonbuh nate ahi hi.
16Siempu Aaron’ tapa Eleazar in meivah tui, gimnamtuite, a hunhuna kipie an tawh biehna, nu sathaute, biehbuh buppi le a sunga om na zosie, mun siengtho le a sunga a vanzah zosie enin vil ding hi.
17Tua ciengin Topa in Moses le Aaron hopi-in tam bangin a gen hi: 18Levi-te lah panin Kohath-te’ bete na susie sih ding hi. 19A siengtho pen nate kungah a pei ciengun si loin a hin nadingun amate hicisah in: Aaron le a tapate a sungah lutin amau’ sep ding le a puoh ding ciet uh se ding uhi. 20Hizongle a siengtho nate en dingin a sungah Kohath-te#4:20 Heb “amate” bakhat sung nangawn a tum sih ding uhi; a tum uleh si ding uhi.
Gershon-te le Merari-te
21Tua ciengin Topa in Moses hopi-in tam bangin a gen hi: 22Gershon-te zong, amau’ pupa innkuon le a be zui-in sim in; 23kikhopna buh sungah na sem thei ding kum sawmthum pan kum sawmnga a pha mite a min na khum ding hi. 24Tam pen Gershon bete’ nasep le a van puoh ding uh ahi hi: 25Amate in biehbuh dalna puonte, kikhopna puonbuh le a tuomna tawh, tua tungah a pulam khuna savun#4:25 Heb ah a khietna kicien lo hi. hoi, kikhopna buh kotkhah puonkhai, 26le buhtuol puon kikhaite, biehbuh le maitam kimvela om buhtuol lutna puonkhai, a khauhuolte, le amau’ nasep nadinga vanzah zosie a puo ding uhi; amate in tua teng tawh kisai nasep a kisam zosie sem ding uhi. 27Gershon-te’ nasepna zosie, a puoh ding teng zosie uh, a sep ding teng zosie uh, Aaron le a tapate’ thupiehna bang hi ding hi; a puoh ding zosie ule a bawl ding zosie uh amate na ap ding hi. 28Tam pen kikhopna buh tawh kisai Gershon bete’ nasep ahi a, amau’ nasepna teng pen siempu Aaron’ tapa Ithamar’ uhna nei-ah om ding hi.
29Merari-te, amau’ be le amau’ pupa innkuon zui-in; 30biehbuh sunga na sem thei ding kum sawmthum pan kum sawmnga cieng a pha mi zosie a min na khum ding hi. 31Tam pen kikhopna buh sungah a sep ding zosie uh ahi hi: Biehbuh khuompehte, a zawlte, a khuompite, le a khuom tunnate tawh, 32buhtuol kimvela om khuompite a tunnate tawh, a khetphimte, a khauhuolte, vanzah zosie le , amau’ nasepna tawh kizom na zosie ahi hi; amau’ puoh dinga kise vante a minin na lo ding hi. 33Tam teng pen Merari bete nasep ding hi a, siempu Aaron’ tapa Ithamar khut nei-ah kikhopna puonbuh tawh kisai a sep ding zosie uh ahi hi.
Levi-te Kisimna
34Tuaci’n Moses, Aaron le mihon makaite in amau’ be le amau’ pupa innkuon zui-in Kohath-te a min a khum uhi. 35Kikhopna puonbuh tawh kisai na a sem thei ding kum sawmthum pan sawmnga a pha mi zosie; 36amau’ be zui-in a min kikhum pen tulni za sagi le sawmnga pha hi. 37Tam teng pen kikhopna puonbuh sunga nasem Kohath-te be zosie’ mi phaza kisimna hi a, Moses tungtawnin Topa in thu a pieh bangin Moses le Aaron in min a khum uhi.
38Gershon-te, amau’ be le amau’ pupa innkuon zui-in a min uh kikhum a, 39kikhopna puonbuh sunga na a sem thei ding kum sawmthum pan kum sawmnga a pha mi zosie, 40amau’ be le amau’ pupa innkuon zui-in a min kikhum mi tulni zaguh le sawmthum pha uhi. 41Tam teng pen Moses le Aaron in Topa’ thupiehna tawh kizui-in kikhopna puonbuh sunga na a sem thei ding Gershon-bete’ min kikhumna ahi hi.
42Merari-te, amau’ be le amau’ pupa innkuon zui-in kisim a, 43kikhopna puonbuh sunga na a sem thei ding mi zosie- 44amau’ be zui-in a min a kikhum mi tulthum zani pha hi. 45Tam pen Moses tungtawnin Topa’ thupiehna tawh kizui-in Moses le Aaron in min a khum Merari bete mi phaza ahi hi.
46Amau’ be le amau’ pupa innkuon zui-in Moses, Aaron, le Israel makaite in a min a khum Levi-te, 47kikhopna puonbuh tawh kisai na sem thei ding le van a puo thei ding kum sawmthum pan kum sawmnga a pha mi zosie, 48amau’ mimal kisim pen tulgiet le zanga le sawmgiet ahi hi. 49Moses tung tawna Topa’ thupiehna tawh kizui-in a sep ding a puoh ding ciet uh kise hi; Topa in Moses a thupiehna tawh kizui-in ama in tua bangin amau’ min a khum hi.
Currently Selected:
GAMLAH VANA 4: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
