GAMLAH VANA 29
29
Pengkul Pawi Biehnate
(Siem 23:23-25)
1A hla sagina a ni masa ni-in a siengtho kikhopna khat na nei ding uhi; note in leitung nasepte na sem sih ding uhi. Khum ni pen note dingin pengkul na tum ni ding uh ahi a, 2Topa tungah a gimnamtui meihal biehna-in bawngtang ano khat, tuutang khat, le kum khat a pha paubang lo tuuno apa sagi na pie ding uhi. 3An tawh a biehna uh pen sathau kihal annel tuituoh hi ding a, bawngtang khatah ephah khat’ sesawm-suo-sethum, tuutang khatah sesawm-suo -seni, 4le tuuno sagite khatah sesawm-suo-sekhat ciet hi ding hi; 5noma ading thoidamna bawl nadingin mawna zieha biehna-in keel apa khat hi ding hi. 6Tam teng pen hla tha meihal biehna le an tawh biehna, tatsatlo meihal biehna, an tawh biehna, le tuate dinga ngaina a om bangin Topa ading a gimnamtui le mei tawh kihal biehna ahi dawn thei biehnate banah bawlbe lai dingte ahi hi.
Thoidam Ni Silpiehte
7Tam hla a sagina a ni sawm ni-in a siengtho kikhopna khat na bawlin noma le noma#29:7 Ahi sihle “tuale antang” na kideh ding uhi; note in na na sem sih ding uhi. 8Topa tungah a gimnamtui meihal biehna-in bawngtang ano khat, tuutang khat, kum khat a pha tuuno apa sagi na pie ding vua, tuate pen paubang lo hi ding hi. 9An tawh a biehna dingun bawngtang khatah sathau kihal annel tuituoh ephah khat’ sesawm- suo-sethum, tuutang khatah sathau kihal annel tuituoh sesawm-suo-seni, 10tuuno sagite khatah sesawm-suo- sekhat hi ding hi; 11thoidamna bawl nadingin mawna zieha biehna, tatsatlo meihal biehna, an tawh biehna, le dawn thei biehnate banah mawna zieha biehna dingin keel apa khat tawh hi ding hi.#Siem 16:29-34
Buh Pawi Biehnate
(Siem 23:33-44)
12Note in a hla sagina ni sawm le ni nga ni-in a siengtho kikhopna khat na bawl ding uhi; leitung nasepte na sem sih ding uhi. Topa adingin ni sagi sung pawi na bawl ding uhi. 13Topa tungah a gimnamtui, mei tawh kihal biehna dingin bawngtang ano sawm le thum, tuutang ni, kum khat a pha tuuno apa sawm le ni na pie ding uhi. Tuate pen paubang lo hi ding hi. 14An tawh a biehna dingun bawngtang sawm le thumte khatah ephah khat’ sesawm-suo-sethum, tuutang nite khatah sesawm suo seni, 15le tuuno sawm le lite khatah sesawm-suo-sekhat hi ding hi; 16tatsatlo meihal biehna, an tawh biehna le dawn thei biehnate banah mawna zieha biehna adingin keel apa khat zong hi ding hi.
17A ni ni ni-in bawngtang ano sawm le ni, tuutang ni, kum khat a pha paubang lo tuuno apa sawm le li, 18a phaza tawh kizui-a a kiciengtan bangin bawngtangte, tuutangte, le tuunote adingin an tawh biehna le dawn thei biehnate tawh kipie ding hi; 19tatsatlo meihal biehna, an tawh biehna le dawn thei biehnate banah mawna zieha biehna dingin keel apa khat zong hi ding hi.
20A ni thum ni-in bawngtang sawm le khat, tuutang ni, le kum khat a pha paubang lo tuuno apa sawm le li, 21a phaza tawh kizui-in a kiciengtan bangin bawngtangte, tuutangte, le tuunote adingin an tawh biehna le dawn thei biehnate tawh hi ding hi; 22tatsatlo meihal biehna le an tawh biehnate banah mawna zieha biehna dingin keel apa khat zong hi ding hi.
23A ni li ni-in bawngtang sawm, tuutang ni, le kum khat a pha paubang lo tuuno apa sawm le li, 24a phaza tawh kizui-in a kiciengtan bangin bawngtangte, tuutangte, le tuunote tawh pieh dingin an tawh biehna le dawn thei biehnate tawh hi ding hi; 25tatsatlo meihal biehna, an tawh biehna, le dawnthei biehnate banah mawna zieha biehna dingin keel apa khat zong hi ding hi.
26A ni nga ni-in bawngtang kuo, tuutang ni, kum khat a pha paubang lo tuuno apa sawm le li, 27a phaza tawh kizui-in a kiciengtan bawngtangte, tuutangte, le tuunote tawh pieh dingin an tawh biehna le dawn thei biehnate tawh hi ding hi; 28tatsatlo meihal biehna le an tawh biehnate banah mawna zieha biehna dingin keel apa khat zong hi ding hi.
29A ni guh ni-in bawngtang giet, tuutang ni, le kum khat a pha paubang lo tuuno apa sawm le li, 30a phaza tawh kizui-in a kiciengtan bawngtangte, tuutangte, le tuunote tawh pieh dingin an tawh biehna le dawn thei biehnate tawh hi ding hi; 31tatsatlo meihal biehna, an tawh biehna, le dawn thei biehnate banah mawna zieha biehna dingin keel apa khat zong hi ding hi.
32A ni sagi ni-in bawngtang sagi, tuutang ni, le kum khat a pha paubang lo tuuno apa sawm le li, 33a phaza tawh kizui-in a kiciengtan bawngtangte, tuutangte, le tuunote tawh pieh dingin an tawh biehna le dawn thei biehnate tawh hi ding hi; 34tatsatlo meihal biehna, le dawn thei biehnate banah mawna zieha biehna dingin keel apa khat zong hi ding hi.
35A ni giet ni-in note in kikhopna thupi khat na nei ding uhi; leitung nate na sem sih ding uhi. 36Topa dingin a gimnamtui, meihal biehna dingin bawngtang khat, tuutang khat, kum khat a pha paubang lo tuuno apa sagi, 37a phaza tawh kizui-in a kiciengtan bawngtang, tuutang, le tuunote tawh pieh dingin an tawh biehna le dawn thei biehnate hi ding hi; 38tatsatlo meihal biehnate banah mawna zieha biehna dingin keel apa khat zong hi ding hi.#Pei 23:16; 34:22; Siem 23:34; Thkna 16:13-15
39Na kiciemna zieh vua biehnate le nop thu-a na biehnate ban vuah na meihal biehnate uh bangin an tawh na biehnate uh, dawn thei na biehnate uh, le thunuoma na biehnate uh, a kise na pawi hunte vuah tam teng, Topa tungah na pie ding uhi.
40 # 29:40 Heb ah Agol 30:1 Tuaci’n Topa in Moses a thupieh bangin Moses in Israel-te tungah a unpi-in a gen hi.
Currently Selected:
GAMLAH VANA 29: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
