GAMLAH VANA 10
10
Ngun Pengkulte
1 Topa in Moses hopi-in tam bangin a gen hi: 2Ngun pengkul ni bawl in; tuate na bawl ciengin na kheng ding a, mipite khop nading le giephuol phel nadingin tuate na zang ding hi. 3A ni-in a kimuton ciengin kikhopna puonbuh lutna nangma mai-ah mihon buppi kikhawm ding uhi. 4Hinanle khat beh a kimut leh nangma mai-ah Israel minamte’ lutang ahi makaite kikhawm ding uhi. 5Patau pengkul na mut ciengin nisuona lam panga giephuol-ate dingkhie-in; 6patau pengkul a ni veina na mut ciengin leitaw lama giephuol-ate dingkhie ding uhi. Amate a dinkhiet ding poma ciengun patau pengkul kimut ding hi. 7Ahi vangin mihonpi a kikaikhop ding ciengin pengkul na mut ding a, hizongle patau pengkul na mut sih ding hi. 8Aaron’ tapa siempute in pengkul a mut ding uhi; tami khu note dinga na khang tawntung vua a kipden ngaina khat hi ding hi. 9Na gam sung vuah note ang gawt na galte do dinga na kuon ciengun, Topa na Pasien uh mai-ah ang kiphaw nadingin pengkulte tawh patauna aw na gingsah ding vua, tuaci’n na galte khut uh sung panin ang kihundam ding hi. 10Na lungdam hun uh, a kise na pawi hunte uh, na hla kipat hunte uh, na meihal biehnate ule na thunuom biehpiehnate vuah zong pengkulte na tum ding uhi; tuate pen na Pasien uh mai-ah note phawna-in kimang ding hi: Keima Topa na Pasien uh ka hi hi.
Sinai Pana Dinkhietna
11A kum nina, a hla nina, a ni sawmnina ni-in thuciemna#10:11 Ahi sihle “thukimna”, ahi sihle “thuciemna”; Heb “eduth” biehbuh tung son panin meii kilato hi. 12Tua ciengin Sinai senel gam panin phuol khat pan phuol khatah Israel-te a dingkhie vua, tuaci’n Paran gamlahah meii a khawl hi. 13Moses tungtawnin Topa’ thupiehna tawh amate a khat veina khuolzin a kipan uhi. 14Judah giephuol dielkhai neite a pawlpawlin a dingkhie masa vua, Amminadab’ tapa Nahshon in mihon buppi a makai hi. 15Zuar’ tapa Nethanel in Issachar minam honpite makai hi; 16Helon’ tapa Eliab in Zebulun minam honpite makai hi.
17Biehbuh a kiphel ciengin biehbuh a puo Gershon-te le Merari-te a dingkhie uhi. 18A zomah Reuben-te’ giephuol dielkhai neite a pawlpawlin a dingkhie uhi; tuale Shedeur’ tapa Elizur in tua mihon buppi a makai hi. 19Zurishaddai’ tapa Shelumiel in Simeon minam honpite a makai a, 20Deuel’ tapa Eliasaph in Gad minam honpite a makai hi.
21Tua ciengin a siengtho nate a puo Kohath-te a dingkhie uhi; amate tun masangin biehbuh na kiphut zo hi. 22A zomah Ephraim-te’ giephuol dielkhai neite a pawlpawlin a dingkhie vua, Ammihud’ tapa Elishama in tua mihon buppi a makai hi. 23Pedahzur’ tapa Gamaliel in Manasseh minam honpite a makai a, 24Gideoni’ tapa Abidan in Benjamin minam honpite a makai hi.
25Tua ciengin giephuol zosie’ nuadala a pang Dan mite’ giephuol dielkhai neite a pawlpawlin a dingkhie vua, Ammishaddai’ tapa Ahiezer in tua minam honpite a makai hi. 26Ochran’ tapa Pagiel in Asher minam honpite a makai a, 27Enan’ tapa Ahira in Naphtali minam honpite a makai hi. 28Tam pen Israel-te a dinkhiet cieng vua a pawlpawla a pei dan uh ahi hi.
29Moses in a sungpa Midian mi Reuel’ tapa Hobab kungah, “Topa in, ‘Na tung vuah kang pie ding hi,’ a cina mun zuona pei ding ka hi uhi. Hing pei inlen ko tawh zawhton vai, nang kang limbawl ding uhi; azieh pen Topa in Israel-te tungah sil hoi pieh ding ei kamciem zo hi,” a ci hi. 30Ahi vangin ama in, “Kang pei sih ding hi. Ka leitang le ka tanaute kungah ka pei zaw ding hi,” a ci hi. 31Ama in, “Kote ei taisan sin. Azieh pen gamlahah giephuol sat nading mun na thei ziehin ka lampu ding uh na hibo hi,” a ci hi. 32Tua banah kote ei zui lacin, Topa in ka tung vua a sep sil hoi poma kote tawh kibangin kang bawlpieh ding uhi,” a ci hi.
33Tuaci’n Topa’ muol panin amate dingkhie-in ni thum peina khuol a zin vua, khawl mun sui dingin a masang vuah Topa’ thuciemna singkuong, nithum lam na peikhol hi. 34Giephuol pan amate a dinkhiet ciengun sunin a tung vuah Topa’ meii a om hi.
35Singkuong a dinkhiet popo ciengin Moses in,
“Topa aw, tho-in,
na galte kithezah hinlen,
nang ang mudate na mai panin
taimang ta uheh,” a ci hi.#Late 68:1
36A khawl popo ciengin ama in,
“Topa aw, Israel a tul a tul sawmte kungah hing kinuale in,” a ci hi.#10:36 Heb ah a khietna kicien lo hi.
Currently Selected:
GAMLAH VANA 10: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
