MATTHEW 13
13
Khaici Vawpa Thugentena
(Mrk 4:1-9; Luk 8:4-8)
1Khum ni ma-in tua inn panin Jesu peikhie-in tuili gei-ah a to hi. 2A kimkot ah mihonpite a tam seng ziehin gunkuong sungah pei-in to a, mihonpite ahile tuili gei-ah a ding uhi.#Luk 5:1-3 3Tuale ama in amate kungah gentena tawh thu tampi a gen hi: Ngai un! Khaici vawpa khaici vaw dingin a kuon hi. 4Khaici a vaw ciengin kimkhat lam lai-ah kie a, vate lengin a netum uhi. 5Khaici dangte suong tamna lei lahah kie a, leitang a thuh lo ziehin a popah hi. 6Ahi vangin ni a suo ciengin nisa kahin gawpmang hi; zung hla lo uh ahi ziehin vulnang sieng hi. 7Khaici dangte ahile lingkawm lahah kie a, tua lingkungte khangin a depgawp hi. 8Khaici dangte lei hoina munah kie a, pawlkhatte a za zakhat, pawlkhatte a za sawmguh, pawlkhatte a za sawmthumin ga hi. 9Zah nading bil nei tapo in za ta uheh!” a ci hi.
Thugentena’ Deina
(Mrk 4:10-12; Luk 8:9-10)
10Tua ciengin a nuazuite pei-in ama kungah, “Amate tungah bang dinga thugentena tawh thu na gen ahei?” ci-in a dong uhi. 11Ama in, “Note tungah Vantung gam thusimte#13:11 Ahi sihle “thu thuhpite “ theitheina ang kipieh vangin amate tungah kipie lo hi. 12Bangzieh ahei cile a neite kipiehbe ding a, tampitah nei ding hi; ahi vangin bangma nei lote kung panin a nei sun nangawn kilahpieh ding hi.#Mat 25:29; Mrk 4:25; Luk 8:18; 19:26 13Amate tungah thugentena tawh ka genna a hang pen, ‘Amate in enen napi mu thei loin, ngaingai napi a za thei sih vua, zong a tel thei sih uhi,’ a ci hi. 14Kamsang Isaiah a genkhol thute amate tungah a tung tahtah hi:
‘Na zaza ding vua,
ahi vangin na thei zo sih ding uhi.
‘Na enen ding vua,
ahi vangin na mu sih ding uhi.#Isa 6:9-10
15Azieh pen amate in a mit utawh en loin
a bil utawh a za sih vua,
a lungtang utawh thei siem loin
kei lamah ang kihei lo nadingun,
tam mite’ lungsim mawl mama a,
a bilte un khuo za loin a mit a sing uhi,’ a ci hi.
16Ahi vangin na mit un mu-in na bil un a zah ziehin thupha nga na hi uhi. 17A tahtahin kang ci-in, kamsangte le midih tampite in na sil mute uh mu nuom mama napi mu loin, na thuzahte uh za nuom mama napi a za sih uhi.#Luk 10:23-24
Khaici Vawpa Thugentena Hilcienna
(Mrk 4:13-20; Luk 8:11-15)
18“Tua ciengin khaici vawpa thugentena ngai un. 19Mi khatpo in Pasien gam thu za napi a theisiem sih leh, gilopa pei-in a lungtang sunga a kivawsate a lahpieh hi; tam bangte pen lampi dunga kitute ahi hi. 20Suong lahah kitute ahile mi pawlkhat in thu a zah behun lungdamin a pompai uhi; 21hinanle tua mipa zung thuh hla lo ahi ziehin bakhat sung beh hing a, tuami thu ziehin gimna ahi sihle bawlsietna a tun ciengin thakhatin a puakia pai hi. 22Ling lahah kitute ahile thu za napi leitung lunghimawnate le hau nopnate in tua thute depgawp ahi ziehin a ga lote ahi hi. 23Ahi vangin lei hoina muna kitute ahile thu a zah ciengun a theitel pai mite ahi a, tuate a ga ga pai a, khatvei a za zakhat, khatvei a za sawmguh, khatvei a za sawmthum a ga mite ahi hi,” a ci hi.
Mangbu Lahah Tamom tawh Gentena
24Ama in amate kungah thugentena dang khat gen a: “Vantung gam pen ama’ lo lai-a khaici hoi a vaw mi khatpo tawh kigente thei hi; 25ahi vangin mi zosie a kimut kalin galpa khat pei-in mangbu lahah tamom vaw a, tua ciengin a pei hi. 26Tuaci’n ankungte khangin a ga ang ga a, tua zaw ciengin tamomte ang kidawh hi. 27Tuale inntehpa’ silate pei-in ama kungah, ‘Pu aw, na lo lai-ah khaici hoi vaw hi lo na mah? Tua ahile tam tamomte hei pana ang pei ahei?’ a ci uhi. 28Ama in, ‘Tua pen galpa khat’ bawl ahi hi,’ ci-in a dawng hi. Silate in ama kungah, “Tua ahile pei-in ka va bawmang ding uh nei awi ei mah’ a ci uhi. 29Ahi vangin ama in dawngkia a, ‘Bot sih un; azieh pen tamomte bot locin bu tawh na botton kha ding uhi. 30Anlah hun masangsie a nipi-in khangton tadi heh; anlah hun ciengin anlate kungah, ‘Tamomte khawm unlen haltum dingin lomhen un, ahi vangin bute khawmin ka ansal sungah khol un,’ ci hi,” a ci hi.
Ankamtang Thugentena
(Mrk 4:30-32; Luk 13:18-19)
31Ama in amate kungah thugentena dang khat gen a: “Vantung gam pen mi khat in la-in a lo lai-a a vaw ankam tang tawh kibang hi. 32Tua pen khaici zosie lahah a neu pen ahi vangin ang gol ciengin ankungte lahah golpen a, singkung ang suoh hi, tuaci’n vana leng vate in a bazamte tungah bu a tom uhi,” a ci hi.
Tol Thugentena
(Luk 13:20-21)
33Ama in amate kungah thugentena dang khat gen a: “Vantung gam pen numei khat in tol la-in bunel hai thum tawh sawhalin, a unpi-in a zel sieng masangsie-a a saw tol tawh kibang hi,” a ci hi.
Thugentenate a Zahna
(Mrk 4:33-34)
34Jesu in tam thute zosie thugentena tawh mipite kungah a gen hi; thugentena zang loin amate kungah bangma gen lo hi. 35Tam pen kamsangpa#13:35 Adang tang laibute ah “kamsang Isaiah” ci-in kigiel tungtawna kigen:
Thugentena tawh ka kam kahin
thu ka gen ding hi;
leitung#13:35 Adang tang laibute ah “leitung” kici om lo piencila kipanin a ki-imcip
thute ka genkhie ding hi,” ci thu a tangtunna ahi hi.#Late 78:2
Jesu in Tamom Thugentena Hilcien
36Tua ciengin ama in mihonpite nuasie-in inn sungah a lut hi. Tuale a nuazuite in ama nehin, “Lo lai-a tamom thugentena ei hilcien in,” a ci uhi. 37Ama in, “Khaici hoi vawpa pen Mihing Tapa ahi hi; 38lo lai pen leitung hi-in, khaici hoi pen kumpi gam sung tate ahi uhi; tamomte ahile gilopa’ tate ahi vua, 39tuate a vaw galpa pen dawimangpa ahi hi; anlah hun pen leitung hun tawp hun ahi a, anlate ahile vantung mite ahi uhi. 40Tamomte kibotin mei tawh a kihaltum ma bangin, leitung tawp hun ciengin tua bangin a pieng ding hi. 41Mihing Tapa in a vantung mite sawl ding a, gam sungah mawna a piengsah mi zosie le sietna a bawl mite zosie a gam sung panin nil dawhin, 42amate in meikhuhpi sungah sep ding a, khum tahah kaana le hagawina a om ding hi. 43Tua ciengin midihte ahile a Pa uh’ gam sungah ni bangin a tang ding uhi. Zah nading bil nei teng in za ta uheh!
Thugentena Thumte
44“Vantung gam pen lo lai-a a kiphuol gou tawh kibang a, mi khat in tua gou a mu ciengin phuoldap hi; tua ciengin lungdamin pei-in a neisa zosie zua-in tua lo a lei hi.
45“Khat leuleu ah vantung gam pen kep manpha a sui sumbawlpa tawh kibang hi; 46a tam man mama kep khat a mu ciengin ama pei-in a neisa zosie zua-in tua kep a lei hi.
47“Khat leuleu ah vantung gam pen tuipi sunga a kipai, nga namcin a awhna len tawh kibang hi; 48tua len a dim ciengin amate in pieu gei-ah kaikhie-in a tosuh vua, a hoi teng paai sungah guongin a hoi lo teng a paimang uhi. 49Tuaci’n hun tawp ni ciengin tua bangin a pieng ding hi. Vantung mite hing pei-in midihte lah panin migilote khenkhie-in, 50meikhuhpi sungah amate sepsuh ding a, tua tahah kaana le hagawina om ding hi.
Gou Tha le Gou Lui
51“Tam thute zosie na theikim ta vuoi mah?” a ci hi. Amate in, “Ingheh,” ci-in a dawng uhi. 52Tuale ama in a kung vuah, “Tua ahi ziehin vantung gam adinga a kisinsa laitheite ahi ule a gou pana a tha le a lui a suokhie inntehpa tawh kibang hi,” a ci hi. 53Jesu in tami thugentenate a gen zaw ciengin khum mun panin a peikhie hi.
Nazareth ah Jesu a Kinuolna
(Mrk 6:1-6; Luk 4:16-30)
54Ama’ khuo a tun ciengin a kikhopna uh inn sungah mite#13:54 Gk “amate” thuhil kipan a, tuaci’n amate in lamdang sa-in, “Tam mipa in tam bang pilna le sil thupi bawl theinate hei sung pana a nga viel adiei? 55Khutsiempa’ tapa hi lel lo amah? A nu zong Mary kici nu hi lo amah? A sanggamte zong khu James, Joseph, Simon le Judas ahi sih uh amah? 56A sanggam numeite zosie zong eite tawh omton ahi sih uh amah? Tua ahile tam mipa in tam teng zosie hei pana a nga ahei?” a ci uhi. 57Tuale amate in ama a nuol uhi. Ahi vangin Jesu in amate kungah, “Kamsangte amau’ gam le amau’ inn sung longal-ah zatahna nga loin a om sih uhi,” a ci hi.#Jhn 4:44 58Ama in a up lona uh ziehin khum sungah na lamdang tampi bawl lo hi.
Currently Selected:
MATTHEW 13: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
MATTHEW 13
13
Khaici Vawpa Thugentena
(Mrk 4:1-9; Luk 8:4-8)
1Khum ni ma-in tua inn panin Jesu peikhie-in tuili gei-ah a to hi. 2A kimkot ah mihonpite a tam seng ziehin gunkuong sungah pei-in to a, mihonpite ahile tuili gei-ah a ding uhi.#Luk 5:1-3 3Tuale ama in amate kungah gentena tawh thu tampi a gen hi: Ngai un! Khaici vawpa khaici vaw dingin a kuon hi. 4Khaici a vaw ciengin kimkhat lam lai-ah kie a, vate lengin a netum uhi. 5Khaici dangte suong tamna lei lahah kie a, leitang a thuh lo ziehin a popah hi. 6Ahi vangin ni a suo ciengin nisa kahin gawpmang hi; zung hla lo uh ahi ziehin vulnang sieng hi. 7Khaici dangte ahile lingkawm lahah kie a, tua lingkungte khangin a depgawp hi. 8Khaici dangte lei hoina munah kie a, pawlkhatte a za zakhat, pawlkhatte a za sawmguh, pawlkhatte a za sawmthumin ga hi. 9Zah nading bil nei tapo in za ta uheh!” a ci hi.
Thugentena’ Deina
(Mrk 4:10-12; Luk 8:9-10)
10Tua ciengin a nuazuite pei-in ama kungah, “Amate tungah bang dinga thugentena tawh thu na gen ahei?” ci-in a dong uhi. 11Ama in, “Note tungah Vantung gam thusimte#13:11 Ahi sihle “thu thuhpite “ theitheina ang kipieh vangin amate tungah kipie lo hi. 12Bangzieh ahei cile a neite kipiehbe ding a, tampitah nei ding hi; ahi vangin bangma nei lote kung panin a nei sun nangawn kilahpieh ding hi.#Mat 25:29; Mrk 4:25; Luk 8:18; 19:26 13Amate tungah thugentena tawh ka genna a hang pen, ‘Amate in enen napi mu thei loin, ngaingai napi a za thei sih vua, zong a tel thei sih uhi,’ a ci hi. 14Kamsang Isaiah a genkhol thute amate tungah a tung tahtah hi:
‘Na zaza ding vua,
ahi vangin na thei zo sih ding uhi.
‘Na enen ding vua,
ahi vangin na mu sih ding uhi.#Isa 6:9-10
15Azieh pen amate in a mit utawh en loin
a bil utawh a za sih vua,
a lungtang utawh thei siem loin
kei lamah ang kihei lo nadingun,
tam mite’ lungsim mawl mama a,
a bilte un khuo za loin a mit a sing uhi,’ a ci hi.
16Ahi vangin na mit un mu-in na bil un a zah ziehin thupha nga na hi uhi. 17A tahtahin kang ci-in, kamsangte le midih tampite in na sil mute uh mu nuom mama napi mu loin, na thuzahte uh za nuom mama napi a za sih uhi.#Luk 10:23-24
Khaici Vawpa Thugentena Hilcienna
(Mrk 4:13-20; Luk 8:11-15)
18“Tua ciengin khaici vawpa thugentena ngai un. 19Mi khatpo in Pasien gam thu za napi a theisiem sih leh, gilopa pei-in a lungtang sunga a kivawsate a lahpieh hi; tam bangte pen lampi dunga kitute ahi hi. 20Suong lahah kitute ahile mi pawlkhat in thu a zah behun lungdamin a pompai uhi; 21hinanle tua mipa zung thuh hla lo ahi ziehin bakhat sung beh hing a, tuami thu ziehin gimna ahi sihle bawlsietna a tun ciengin thakhatin a puakia pai hi. 22Ling lahah kitute ahile thu za napi leitung lunghimawnate le hau nopnate in tua thute depgawp ahi ziehin a ga lote ahi hi. 23Ahi vangin lei hoina muna kitute ahile thu a zah ciengun a theitel pai mite ahi a, tuate a ga ga pai a, khatvei a za zakhat, khatvei a za sawmguh, khatvei a za sawmthum a ga mite ahi hi,” a ci hi.
Mangbu Lahah Tamom tawh Gentena
24Ama in amate kungah thugentena dang khat gen a: “Vantung gam pen ama’ lo lai-a khaici hoi a vaw mi khatpo tawh kigente thei hi; 25ahi vangin mi zosie a kimut kalin galpa khat pei-in mangbu lahah tamom vaw a, tua ciengin a pei hi. 26Tuaci’n ankungte khangin a ga ang ga a, tua zaw ciengin tamomte ang kidawh hi. 27Tuale inntehpa’ silate pei-in ama kungah, ‘Pu aw, na lo lai-ah khaici hoi vaw hi lo na mah? Tua ahile tam tamomte hei pana ang pei ahei?’ a ci uhi. 28Ama in, ‘Tua pen galpa khat’ bawl ahi hi,’ ci-in a dawng hi. Silate in ama kungah, “Tua ahile pei-in ka va bawmang ding uh nei awi ei mah’ a ci uhi. 29Ahi vangin ama in dawngkia a, ‘Bot sih un; azieh pen tamomte bot locin bu tawh na botton kha ding uhi. 30Anlah hun masangsie a nipi-in khangton tadi heh; anlah hun ciengin anlate kungah, ‘Tamomte khawm unlen haltum dingin lomhen un, ahi vangin bute khawmin ka ansal sungah khol un,’ ci hi,” a ci hi.
Ankamtang Thugentena
(Mrk 4:30-32; Luk 13:18-19)
31Ama in amate kungah thugentena dang khat gen a: “Vantung gam pen mi khat in la-in a lo lai-a a vaw ankam tang tawh kibang hi. 32Tua pen khaici zosie lahah a neu pen ahi vangin ang gol ciengin ankungte lahah golpen a, singkung ang suoh hi, tuaci’n vana leng vate in a bazamte tungah bu a tom uhi,” a ci hi.
Tol Thugentena
(Luk 13:20-21)
33Ama in amate kungah thugentena dang khat gen a: “Vantung gam pen numei khat in tol la-in bunel hai thum tawh sawhalin, a unpi-in a zel sieng masangsie-a a saw tol tawh kibang hi,” a ci hi.
Thugentenate a Zahna
(Mrk 4:33-34)
34Jesu in tam thute zosie thugentena tawh mipite kungah a gen hi; thugentena zang loin amate kungah bangma gen lo hi. 35Tam pen kamsangpa#13:35 Adang tang laibute ah “kamsang Isaiah” ci-in kigiel tungtawna kigen:
Thugentena tawh ka kam kahin
thu ka gen ding hi;
leitung#13:35 Adang tang laibute ah “leitung” kici om lo piencila kipanin a ki-imcip
thute ka genkhie ding hi,” ci thu a tangtunna ahi hi.#Late 78:2
Jesu in Tamom Thugentena Hilcien
36Tua ciengin ama in mihonpite nuasie-in inn sungah a lut hi. Tuale a nuazuite in ama nehin, “Lo lai-a tamom thugentena ei hilcien in,” a ci uhi. 37Ama in, “Khaici hoi vawpa pen Mihing Tapa ahi hi; 38lo lai pen leitung hi-in, khaici hoi pen kumpi gam sung tate ahi uhi; tamomte ahile gilopa’ tate ahi vua, 39tuate a vaw galpa pen dawimangpa ahi hi; anlah hun pen leitung hun tawp hun ahi a, anlate ahile vantung mite ahi uhi. 40Tamomte kibotin mei tawh a kihaltum ma bangin, leitung tawp hun ciengin tua bangin a pieng ding hi. 41Mihing Tapa in a vantung mite sawl ding a, gam sungah mawna a piengsah mi zosie le sietna a bawl mite zosie a gam sung panin nil dawhin, 42amate in meikhuhpi sungah sep ding a, khum tahah kaana le hagawina a om ding hi. 43Tua ciengin midihte ahile a Pa uh’ gam sungah ni bangin a tang ding uhi. Zah nading bil nei teng in za ta uheh!
Thugentena Thumte
44“Vantung gam pen lo lai-a a kiphuol gou tawh kibang a, mi khat in tua gou a mu ciengin phuoldap hi; tua ciengin lungdamin pei-in a neisa zosie zua-in tua lo a lei hi.
45“Khat leuleu ah vantung gam pen kep manpha a sui sumbawlpa tawh kibang hi; 46a tam man mama kep khat a mu ciengin ama pei-in a neisa zosie zua-in tua kep a lei hi.
47“Khat leuleu ah vantung gam pen tuipi sunga a kipai, nga namcin a awhna len tawh kibang hi; 48tua len a dim ciengin amate in pieu gei-ah kaikhie-in a tosuh vua, a hoi teng paai sungah guongin a hoi lo teng a paimang uhi. 49Tuaci’n hun tawp ni ciengin tua bangin a pieng ding hi. Vantung mite hing pei-in midihte lah panin migilote khenkhie-in, 50meikhuhpi sungah amate sepsuh ding a, tua tahah kaana le hagawina om ding hi.
Gou Tha le Gou Lui
51“Tam thute zosie na theikim ta vuoi mah?” a ci hi. Amate in, “Ingheh,” ci-in a dawng uhi. 52Tuale ama in a kung vuah, “Tua ahi ziehin vantung gam adinga a kisinsa laitheite ahi ule a gou pana a tha le a lui a suokhie inntehpa tawh kibang hi,” a ci hi. 53Jesu in tami thugentenate a gen zaw ciengin khum mun panin a peikhie hi.
Nazareth ah Jesu a Kinuolna
(Mrk 6:1-6; Luk 4:16-30)
54Ama’ khuo a tun ciengin a kikhopna uh inn sungah mite#13:54 Gk “amate” thuhil kipan a, tuaci’n amate in lamdang sa-in, “Tam mipa in tam bang pilna le sil thupi bawl theinate hei sung pana a nga viel adiei? 55Khutsiempa’ tapa hi lel lo amah? A nu zong Mary kici nu hi lo amah? A sanggamte zong khu James, Joseph, Simon le Judas ahi sih uh amah? 56A sanggam numeite zosie zong eite tawh omton ahi sih uh amah? Tua ahile tam mipa in tam teng zosie hei pana a nga ahei?” a ci uhi. 57Tuale amate in ama a nuol uhi. Ahi vangin Jesu in amate kungah, “Kamsangte amau’ gam le amau’ inn sung longal-ah zatahna nga loin a om sih uhi,” a ci hi.#Jhn 4:44 58Ama in a up lona uh ziehin khum sungah na lamdang tampi bawl lo hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.