HOSEA 13
13
A Kikhiem Theilo Israel tunga Thukhenna
1Ephraim in thu a gen ciengin mite zau-in a citun uhi;
Israel sungah ama a kipatawi hi;
ahi vangin Baal tungtawnin
khielna bawlin ama a si hi.
2Tu-in amate in mawna a bawl bebe vua,
amate adingin a kisung milim bawlin,
amau’ theitelna tawh kituohin
ngun milim a bawl vua,
tuate pen a unsiengin
khutsiemte bawl ahi hi.
Amate in, “Tamte tungah kithoi un,” a ci uhi.
Mite in bawngno limte a nam uhi!
3Tua ahi ziehin amate pen
zingmawnga a kai khuovui,
a kang pai daitu, ancilna pana
hui in a mutmang ansi le
tawlet pana a pusuoh meikhu tawh
a kibang ding uhi.
4Hinanle Egypt gama kipanin
kei pen Topa na Pasien uh ka hi hi;
note in keima longal
Pasien dang na thei sih uhi.
5Senel gam gawta ah
an tawh ang vah#13:5 Gk Syr: Heb “Thei” pa keima ka hi hi.
6Amate ka va#13:6 Cn: Heb “amau’ lohing tawh kituohin” ciengin a gil uh a va hi;
a gilva ciengun lah a kiphasah zel uhi;
tua ahi ziehin amate in
keima ei mangngil uhi.#Thkna 8:11-17
7Tuaci’n amate adingin
humpi ka bang ding a,
kamkei bangin lampi gei-ah
amate ka buhdap ding hi.
8A no kilahpieh vompi bangin
amate ka bawh ding a,
keima in amau’ lutang tuom a paante
ka balkehpieh ding hi.
Humpi bangin tua sungah
amate ka nawmval ding a,
gamsate bangin amate
ka ehmal gawp ding hi.
9Israel aw, nang kang susie ding hi;
koi in nang ang panpi ta diei?#13:9 Gk Syr: Heb “azieh pen nangma’ huna kei sungah om hi”
10Ama in ang hutdam thei nadingin
tu-in#13:10 Gk Syr Vg: Heb “keima ka hi ding hi” na kumpipa hei-a om ahei?
Na khuopi zosie-a makaite,
nang in, “Kumpi khat le makaite ei pie in,” na cite hei-ah a om ta uh e?#1Sam 8:5-6
11Ka lungthah ziehin keima in
kumpi khat kang pie a,
ka thangpai ziehin keima in ama
ka la dawhkia ta hi.#1Sam 10:17-24; 15:26
12Ephraim’ khielna a kitunpieh hi;
ama’ mawna kikoicing hi.
13Ama adingin nausuoh natna tung a,
hinanle ama pen tapa mawlawm ahi hi;
bangzieh ahei cile a suo hun a tun ciengin
naubu gong panin ama le ama ang pusuoh sih hi.
14Misikhuo khut sung pan amate tan ding ka hi amah?
Sina panin amate hunkhie ding ka mah?
Sina aw, na gu hei-ah om#13:14 Gk Syr: Heb “ka hi ding hi” a,
Misikhuo aw, na suhsietna hei-ah om#13:14 Gk Syr: Heb “ka hi ding hi” ahei?
Ka mit panin lainatna
a kiphuolmang ta hi.#1Cor 15:55
15Pumpengte#13:15 Ahi sihle “sanggamte lahah” lahah
ama khanpha mama nanle
senel gam panin Topa’ nisuona
huipi ang lang ding hi;
tuale a tuinah kangin
a tuikhuh a gawta ding hi.
Tua in a gou koina sunga om
van manpha zosie a semmang ding hi.
16 # 13:16 Heb ah 14:1 Samaria in ama’ khielna kipuoh ding hi,
azieh pen ama in a Pasien a ledo hi;
namsau tawh amate si ding a,
a nausente uh a kituoncilin,
a numei gaite uh’ gil
kikuikeh pieh ding hi.
Currently Selected:
HOSEA 13: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
