EZEKIEL 44
44
A Kikhah Tunkot
1Tua ciengin ama in nisuona lam a kinga mun siengtho’ tunkot pulamah ei peipikia hi; tuale tua tunkot na kikhah hi. 2Topa in keima kungah tam bangin gen hi: Tam tunkot kikhah peisuoh ding hi; tua khu kihong lo ding a, tua panin zong koima lut lo ding hi; azieh pen tua panin Israel’ Topa Pasien a lut zo hi; tua ahi ziehin tua tunkot kikhah peisuoh ding hi. 3Ama pen gam uhpa ahi ziehin Topa mai-ah gam uhpa beh an ne dingin to thei ding hi; ama tunkot talaap tawnin ding a, tua lampi ma-ah pusuoh ding hi.
Biehinnpi Sung Lutna
4Tua ciengin ama in leilu lam tunkot tawnin biehinnpi mai-ah ei peipi hi; ka khuodah leh, en vawi! Topa’ biehinnpi sungah Topa’ minthanna vang a dim hi; tuale kei zong tuolah ka bawhsuh pai hi. 5Topa in ka kungah tam bangin ei gen hi: Mihing aw, Topa’ biehinnpi tawh kisai-in kang gen ding ngaina kip zosie le a thukhamte zosie hoitahin melci-in limtahin en inlen, hoitahin ngai in; tuale biehinnpi sunga#44:5 Cn: Heb “lutna” lut thei dingte le mun siengtho pana kipuse dingte zosie hoitahin melci in. 6A ledo innkuon,#44:6 Gk: Heb ah “innkuon” ci om lo hi. Israel innkuonte kungah Topa Pasien in tam bangin ci hi, ci-in gen in: Israel innkuonte aw, 7note in keima kungah ka neh ding ka an, sathau le sisan nei pieh ciengun, ka mun siengtho-a om dingin lungtang le tahsa tep a kitan lo gamdang mite na lutsahna uh tua a mudahuoi na gamtatnate zosie uh tawpsan un. Note#44:7 Gk Syr Vg: Heb Amate in” in na sil mudahuoite utawh ka thuciemna na palsat uhi. 8Ka biehna siengthote na kepcing ta sih uhi; na kepcing tah zawh sangun na sep ding tang teng uh ka mun siengtho sungah gamdang mite#44:8 Heb ah “gamdang mite” ci om lo hi. na semsah zawsop uhi.
9 Topa Pasien in tam bangin gen hi: Ka mun siengtho sungah Israel mite lahah a om lungtang le tahsa tep a kitan lo gamdang mite koima a lut sih ding uhi. 10Ahi vangin Israel mite in a pasien’ limte uh nua zui-in keima kung pana a pielmang lai-un keima kung panin gamlapi a vahthap Levi-te in zong dan a thuoh ding uhi. 11Amate ka mun siengtho sunga nasemte ahi vua, biehinnpi tunkotte a van ding le biehinnpi sunga nasem ding ahi uhi; amate in meihal biehna ding le mipite biehpiehna ding gante a go ding vua, amate zenin a na uh a seppieh ding uhi. 12Azieh pen amate in a pasien milimte uh mai-ah a na uh semin khielna sungah Israel innkuonte a puasah uhi, tua ahi ziehin amate in amau’ mawna paat a puo ding uhi, ci-in amate tawh kisai-in ka kiciem zo hi, Topa Pasien in ci hi. 13Siempu nasem dingin ka nai-ah amate ang pei thei sih ding vua, ka biehna siengthote, sil siengtho pente nai-ah zong ang pei thei sih ding uhi. 14Ahi vangin biehinnpi sunga sep ding a kisam zosie a sem dingin amate ka koi ding hi.
Levi Siempute
15Ahi vangin keima kung panin Israel mite a na pielmang hun sung tengun ka mun siengtho ei na kepcing pieh ahi Zadok’ suonlehlah Levi siempute in ka na sem dingin keima nai-ah ang pei thei ding vua, keima ei zenin sathau le sisante ei pie ding uhi, Topa Pasien in ci hi. 16Ka mun siengtho sungah a tum thei ding pen amate ahi vua, ka sabuoi lam nehin ka na semin ei kemcing ding uhi. 17Leituol sungnung tunkotah amate a lut ciengun amate in saihadiel puon a sil ding uhi; leituol sungnung tunkotte le biehinn sungah na a sep laitahun amate tungah samul puon om lo ding hi. 18Amate in a lu tung vuah saihadiel puon khimin a kawng vuah saihadiel bawngbi sungten a teng ding uhi; khuosa a kaisah thei ding bangma tawh amate a kigah sih ding uhi.#Pei 28:39-43; Siem 16:4 19Mipite opna leituol pulamah amate a peikhiet ciengun a naseppi uh puonte suodawhin inndan siengtho sungah tuate a koi ding uhi; tuale amate in amau’ puonsilte tawh mite a siensuo thei lo nadingun puondang a sil ding uhi.#Siem 21:5 20Amate in a sam uh heukieu loin a zangsam uzong sausah seng lo ding hi; amate in a lutung vua a samte a theu beh ding uhi.#Siem 21:5 21Leituol sungnungah a lut ciengun siempu koima in zu dawn thei lo ding hi.#Siem 10:9 22Amate in meigong khat ahi a, numei kikhulsa khat popo ahi zongin a kinunpi thei sih ding vua, ahi vangin Israel innkuonte’ cihlah ahi ngahnu siengthote beh, ahi sihle siempu khat’ zi ahisa meigongte beh kinunpi thei ding uhi.#Siem 21:7, 13-14 23Amate in a siengtho le a siengtho lo nate kilamdanna ka mite hilin, a bua le a sieng bangci khen ding ci thu amate a lah ding uhi.#Siem 10:10 24Thu kiselna sungah amate in thukhen pa-in pangin keima khen dan bangin a khen ding uhi. Amate in a kisesa keima’ pawi zosie tawh kisai-in ka thukhamte le ka thukipte zui-in ka sabbath-te zong a siengtho-in a tang ding uhi. 25Misi luong gei-ah pei-in amau le amau a kibuasah sih ding uhi; azieh pen a nu, a pa, a tanu, a tapa, a sanggam pa, pasal nei lo a sanggamnu uh ahile kibuasah thei hi.#Siem 21:1-4 26Ama a sientho zaw ciengin amate in ama adingin ni sagi sung sim ding uhi. 27Mun siengtho sunga na sem dingin leituol sungnung mun siengtho sungah a lut ni-in ama in mawna zieha biehna a pie ding hi, Topa Pasien in ci hi.
28Tami khu amau’ gouluo hi ding hi: Kei amau’ gouluo ding ka hi hi; Israel gam sungah amate neisa na pie sih ding hi; kei amau’ neisa ka hi hi.#Gam 18:20 29Amate in an tawh biehna, mawna zieha biehna, khielna zieha biehna sate a ne ding uhi; tuale Israel gam sunga a ki-ap zosie amate ading ahi hi. 30Ga masa zosie lahah ga masa pen le na biehna uh zosie lahah biehna zosie pen siempute ading ahi hi; na innsung vuah thupha a tun thei nadingin siempute tungah na moh em masah pen uh na pie ding uhi.#Gam 18:8-19 31Siempute in va ahi a, ganhing ahi zongin, ama thu-a a si, ahi sihle gamsate’ thasa khat popo a ne sih ding uhi.#Siem 22:8
Currently Selected:
EZEKIEL 44: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
