EZEKIEL 43
43
Pasien’ Minthanna Biehinnpi ah Kilekia
1Tua ciengin ama in nisuona lam a kinga tunkot ah ei peipi hi. 2Khum munah nisuona lam panin Israel Pasien’ minthanna vang ang pei hi; a awging pen tuipi ging tawh kibang a, leitung zong ama’ minthanna vang in a tanvah hi.#Ezk 10:3-4, 18-19; 11:22-23; Kln 1:15 3Ka#43:3 Gk: Heb “Mangmu bangin” mu mangmuna pen ama khuopi susie dinga ang pei lai-a ka musa mangmuna tawh kibang a, tuale#43:3 Syr: Heb: “tuale mangmunate Chebar gun gei-a ka mu mangmuna tawh kibang hi; kei zong ka khupbawhsuh pai hi. 4Nisuona lam a kinga tunkot lam tawnin Topa’ minthanna vang ang lut ciengin 5hlagau in kei ei domto a, tuale leituol sungnungah ei peipi hi; tuale Topa’ minthanna vang biehinnpi sung a dim hi.
6Ka gei-ah tua mipa ang din laitahin biehinnpi panin mi khat in keima ei hopina ka za hi. 7Ama in ka kungah, “Mihing aw, tami ka kumpi tona mun le ka ketaw ngahna mun ahi hi. Tam mun pen Israel mite lahah ka ten den nading mun ahi hi. Israel innkuonte, amate le a kumpite’ pahtatnate le a sisa a kumpite’ luonghawmte in ka min siengtho a buasah nawn sih ding uhi.#43:7 Ahi sihle “amau’ munsangte tungah” 8Amate in ka sangkil gei-ah amau’ sangkil a koi vua, amau’ kotpi khuomte keima’ kotpi khuom gei-ah phutin keima le amate kikalah kawm khat beh in ei hal a, amate in sil mudahuoi a bawlte uh ziehin ka min siengtho a buasah uhi; tua ahi ziehin ka lungthahna tawh amate ka susie hi. 9Tu-in amate in a milim biehnate uh paimang uh hinlen, a kumpite uh’ luonghawmte kei tawh kigamlasah uheh, tua hile amate lahah kumtawnin ka teng ding hi.
10Mihing aw, Israel innkuonte kung ah biehinnpi thu gen in, biehinnpi lim tesah in; tuale a khielnate uh ziehin amate maizumsah in. 11A gamtatna zosie uh ziehin amate a maizum ciengun, biehinnpi a kigel dan, a kiguol dan, lutna le pusuona, a piendan zosie, a ngaina kip zosie, gelna zosie le a thukhamte zosie, amate theisah in. 12Tami pen biehinnpi tawh kisai thukham ahi hi: Muoltung kimvel zosie-a gam buppi khu a siengtho pen hi ding hi.
Maitam
13Tamte pen tong tawh a kite maitam’ golna ahi hi: (a tena tong pen tong khat le zabeh ahi hi). A tunna pen tong khat sangin#43:13 Gk: Heb ah “sang” ci om lo hi. tong khat gol ding hi. A gei kimvelah khap khat a pha geiviel khat om ding hi. Tam pen maitam’ sanna hi ding hi: 14A kitunna tuol panin maitam kidaw a neita pen dong tong ni hi a, avai tong khat ahi hi; maitam kidaw a neuzaw panin maitam kidaw a golzaw pen tong li hi a, avai tong khat ahi hi; 15tuale maitam tap tung teng a sanna tong li ahi hi; maitam tap tung panin ki li poto hi. 16Maitam tap tung pen a kikim ning li nei hi ding a, adung le avai tong sawm le ni ta hi ding hi. 17Maitam kidawte zong a kikim ning li nei hi ding a, adung avai tong sawm le li ta hi ding hi. A geiviel kimvel pen avai tong lang hi a, a kitunna a kimvel tong khat hi ding hi. A kalei nisuo lam kinga ding hi.#Pei 27:1-2; 2Khg 4:1
18Tua ciengin ama in keima kungah tam bangin ei gen hi: Mihing aw, Topa Pasien in tam bangin ci hi, ci-in gen in: Tam teng pen maitam ading ngaina kip ahi hi: Meihal biehna lui nading le sisan the nadinga tua maitam a kidaw ni ciengin, 19ka nasem dinga ka kung ei nai Zadok’ suonlehlah Levi siempute kungah mawna zieha biehna adingin bawngtang khat na pie ding hi, Topa Pasien in ci hi. 20Tuale a si themkhat na la ding a, maitam ki lite tung, maitam kidaw ning lite le a kimvela geivielte tung zosie-ah na nu ding hi; tua bangin maitam siensuo-in tua adingin thoidamna na bawl ding hi. 21Mawna zieha biehna bawngtang zong na la ding a, mun siengtho pulam biehinnpi huong sunga tuami bawl nadinga a kisesa munah na hal ding hi.
22A ni ni ni ciengin mawna zieha biehna adingin nuol baang lo keeltang khat na pie ding hi. Bawngtang tawh a kisiensuo ma bangin maitam kisiensuo ding hi. 23Na siensuo zaw ciengin nuol baang lo bawngtang khat le ganhon lah pana nuol baang lo tuutang khat na pie ding hi. 24Tua teng pen Topa mai-ah na pie ding a, siempute in a tungah ci the-in Topa tungah meihal biehna-in a pie ding uhi. 25Mawna zieha biehna dingin ni sagi sung nisielin keel khat na pie ding hi; ganhonte lah panin bawngtang khat le tuutang khat zong na pie ding vua, a ni-in nuol baanglo hi ding hi. 26Amate in maitam adingin ni sagi sung thoidamna a bawl ding vua, tua maitam siensuo-in a ap ding uhi. 27Tua nite a cin zaw ciengin, a ni giet ni-a kipanin siempute in na meihal biehnate ule thunuoma na biehnate uh maitam tungah pie ding uhi; tuale keima in note kang sang ding hi, Topa Pasien in ci hi.#Pei 29:35-37
Currently Selected:
EZEKIEL 43: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
