DANIEL 2
2
Nebuchadnezzar’ Mang
1Nebuchadnezzar kumpi-a a maan zaw a kum nina kumin Nebuchadnezzar in mang pawlkhat man a, tuate ziehin lunggimin kimu thei lo hi. 2Tuaci’n kumpipa in a mangmatte a gen dingin mitphiel siemte, aisan theite, mibum theite le Chaldea-te hlansah hi. Amate zong tungin kumpipa mai ah a din ciengun,#Pien 41:8 3kumpipa in amate kungah, “Tam bang mang khat ka man a, tua ka mang a khietna ka thei nuom ziehin ka lung a gim hi,” a ci hi. 4Chaldea-te in kumpipa kungah (Aram ham tawh),#2:4 Tam panin laite a gol 7 a tawp dongin Aramaic ham tawh kigiel hi. “Kumpipa aw, dam sawt in! Na nasemte na mang ei gen in, a khietna kang gen ding uhi,” a ci uhi. 5Kumpipa in Chaldea-te dawng a, “Tam pen mipi zaha ka thukhensat ahi hi: Mang le a khietna nei gen thei sih uleh na khut na keng uh kisemnen ding a, na innte uh kisusie ding hi. 6Hizongle ka mangmat le a khietna nei gen thei uleh keima tung panin letsongte, thamante le patawina lienpi na nga ding uhi. Tua ahi ziehin ka mangmat le a khietna ei gen un,” a ci hi. 7Amate in a ni veina dawngkia-in, “Kumpipa in na nasemte kungah na mang ei gen masa phot in, tua ciengin a khietna kang gen thei pan ding uhi,” a ci uhi. 8Kumpipa in, “Kiptahin ka khensatsa teng na thei ziehun hun a sawt theithei nadinga hanciem na hi lamtah uh cientahin ka thei hi: 9Ka mangmat nei hilcien thei sih uleh note adingin thukhenna khat beh om hi. No teng pen ka lungsim ka khel masangsie keima kungah zuouthu le kam nainiehte gengen dinga kithukimsa na hi uhi. Tua ahi ziehin ka mangmat ei gen phot un, tua hile a khietna nang gen thei ding lam uh ka thei ding hi,” a ci hi. 10Chaldea-te in kumpipa kungah, “Kumpipa thei nop thu a gen thei ding leitungah koima om sih va! A tahtahin bang za-in thupi-in vanglien tamale koima’ kumpi in mitphiel siemte, aisan theite, le Chaldea-te khat popo kungah tam bang thu dong ngai lo hi. 11Kumpipa thudawh pen hamsa luo a, mihingte tawh a tengton lo pasien-te longal koima in kumpipa kungah tuate pholah thei lo hi,” a ci uhi.
12Tami thu ziehin kumpipa lungthah mama a, Babylon gam sunga mipil zosie thalup dingin thu a pie hi. 13Mipilte thalup nading thupiehna lai kihawm a, tuale mipilte thalup ding ahi ta hi; tuale amate in Daniel le a guol teng zong thalup dingin a sui uhi. 14Tua ciengin Daniel in Babylon gama mipilte that dinga a kuon kumpipa’ mithat makaipa Arioch kungah pilvangtah le kidawm tahin a dawngkia hi; 15ama in kumpi innsung ulien Arioch kungah, “Bang dinga kumpipa’ thupieh hici kinaw sengseng ahei?” ci-in a dong hi. Tua ciengin Arioch in a thu teng Daniel a theisah hi. 16Tuaci’n Daniel lut a, tua mang a khietna gen ding hun a pieh nadingin kumpipa kungah ngen hi.
Pasien in Nebuchadnezzar’ Mang Pholah
17Tua ciengin Daniel a inn ah pei a, tuale ama in a guolte Hananiah, Mishael, le Azariah-te theisah hi. 18Ama in tam thuthuh tawh kisai-in Daniel le a guolte Babylon gam sunga mipil dangte tawh a siton lo nadingin vantung Pasien tung panin hepina ngen dingin amate kungah a gen hi. 19Tua ciengin zanlai a mang sungah tua thuthuh Daniel tungah kilah a, tuale Daniel in vantung Pasien’ min a phat hi.
20Daniel in:
“Kumtawnin Pasien’ min phatin om taheh,
azieh pen pilna le vanglietna ama-a’ ahi hi.
21Ama in hun le khuohunte khel a,
kumpite khiesuhin kumpite koi hi;
ama in mipilte tungah pilna pie a,
theitelna a neite tungah pilna a pie hi.
22Ama in thuthuhpi le phuolsel nate
phuong dawh a,
khuomiel sunga omte thei-in
ama tawh khuovah a omton hi.
23Ka pu ka pate’ Pasien aw,
nang tungah ka lungdam a, nang kang phat hi.
Pilna le vanglietna nei pieh ziehin
nang kunga kang nget uh pen kei tungah nei pholah zo hi.
Azieh pen kumpipa thupieh
kote tungah nei theisah zo hi,” a ci hi.
Daniel in Mang Khietna Gen
24Tua ahi ziehin Babylon gamah mipilte that dinga kumpipa in a sesa Arioch kungah Daniel pei a, ama in tuapa kungah, “Babylon mipilte that sin; kumpipa mai-ah ei peipi in, kumpipa mang ka khiehpieh ding hi,” a ci hi.
25Tua ciengin Arioch in kumpipa mai-ah Daniel mallang tahin peipi-in ama kungah tam bangin a gen hi: “Judah salte lah panin kumpipa mang ang khiehpieh thei ding mi khat ka mu hi,” a ci hi. 26Kumpipa in Belteshazzar a kici Daniel kungah, “Ka mangmat le a khietna keima kungah nei gen thei diei mah?” a ci hi. 27Daniel in kumpipa kungah, “Mipil, aisan siem, mitphiel siem ahi sihle bumtawi siemte koima in kumpipa nget thuthuhpi ama tungah pholah thei lo ding hi. 28Hinanle a kisel thusimte a pholah thei vantungah Pasien khat om a, ama in Nebuchadnezzar Kumpipa kungah mailam huna a pieng ding thute a pholah zo hi. Na mang le lupna tunga na lup laitaha na lungsim sungah na mangmute tam teng ahi hi: 29Kumpipa aw, lupna tunga na lup laitahin mailam ang pieng ding thute na ngaisun a, tuale a kisel thusimte a pholah pa in nang tungah ang pieng ding thute ang pholah hi. 30Ahi vangin kei ka hile hinna a nei midangte sanga ka pil zawh zieha tam thusimte kei tunga ei kipholah hi loin, kumpipa in mang a khietna na thei nading le na lungsim sunga na ngaisutnate na thei nadinga ei kipholah hizaw hi.
31“Kumpipa aw, nangma in na en leh, ka nu vawi! na mai ah milim golpi khat a om hi. Tam milim gol mama a, a tan dan tuomdang mama hi; na mai ah tua milim ding a, a melpuoh dan zong giinhuoi hi. 32Tua milim lutang kham citah hi a, a awm le a bante ngun hi-in, a gil le a pheite sumngo ahi a, 33a kengte sia hi-in, a kephangte a phal sia, a phal tungman ahi hi. 34Na etto laitahin mihing khuta a kisuizol ahi lo suongtum khat in sia le tungman kisawhal tua milim kephang dengmatin a guoicim ta hi. 35Tua ciengin sia, tungman, sumngo, ngun, le khamte a unpi-in guoicim sieng a, khuokhal lai ancilna-a ansi leng tawh kibang hi; tuale a themneng zong a kimu nawn lo nadingin hui in tua teng tawmang sieng hi. Ahi vangin tua milim a dengguoi suongtum pen muol golpi khat suohin leitung bup a dim hi.
36“Na mang tami ahi hi; tu-in a khietna kumpipa kungah kang gen ding uhi. 37Kumpipa aw, nang pen kumpite’ kumpipa na hi a, vantung Pasien in nangma tungah kumpi gam, vanglietna, thahatna, le minthanna ang pie zo a, 38ama in na khut sungah mun cintenga a teng mihingte, gamlaha a om gamsate, vana a leng vate ang pie zo hi; tuale amate tungah a uh dingin nangma ang koi zo ta hi, tua kham lutang khu nangma na hi hi. 39Nangma zaw ciengin nangma sanga a gina lo zaw kumpi gam adang khat ang khang ding a, hinanle a thumna sumngo kumpi gam in leitung buppi uh ding hi. 40Tuale sia banga a thahat a lina kumpi gam khat ang khang ding hi; sia in na vannuoi#2:40 Gk Theodotion Syr Vg: Aram in “tua a satguoi sia bangin” ci belap hi. satguoi-in a vatmai bangin tam teng zosie gawi-in a zancimsah ding hi. 41A kephang le a kemete a phal belkhengpa’ tungman le a phal sia kihal na mu bangin tua kumpi gam kikhenzah ding hi; hizongle tungman le sia a kihal na mu bangin a sungah sia bangin hatna kimkhat om ding hi. 42A kephanga a kemete a phal sia, a phal tungman ahi ma bangin kumpi gam a phal thahatin a phal zawngkhal ding hi. 43Sia le tungman kihal na mu bangin amate khatlekhat kiteng kipi-in#2:43 Aram “mihing khaici tawh” a kisawhal ding vua, hinanle sia le tungman a kicimat thei lo bangin amate zong a kigawm thei tuom sih ding uhi. 44Tua kumpite khan sungin vantung Pasien in a kisusie ngai nawn lo ding kumpi gam khat phut ding a, tam kumpi gam pen midang khat’ khut sungah kinuasie lo ding hi. Tua in tami kumpi gam teng zosie satguoi-in maimangsah ding a, tua gam a kip tawntung ding hi; 45muol tung panin mihing khuta kisui lo suongtum khat ang lengkhie-in sia, sumngo, tungman, ngun, le khamte a satguoina na mu bang lienin a lien Pasien in mailam thu pieng dingte kumpipa kunga ang theisah ahi hi. Na mang pen mangpi ahi a, a khietna zong muontah ahi hi,” a ci hi.
Daniel le a Guolte Kitawisang
46Tua ciengin Kumpi Nebuchadnezzar a mai leilahah kunsuhin Daniel bie a, ama adingin an tawh biehna le gimnamtui biehnate lui dingin thu a pie hi. 47Kumpipa in Daniel kungah, “A tahtahin na Pasien pen pasien-te’ Pasien le kumpite’ Topa ahi a, thusimte a pholah pa zong ahi hi, azieh pen nang in tami thusim na pholah thei ta hi!” a ci hi. 48Tua ciengin kumpipa in Daniel tawisangin letsong thupi tampitah pie a, Babylon gam buppi uhsahin, Babylon mipil zosie tungah uhpi pa dingin koi hi. 49Daniel in kumpipa kungah ngen a, Babylon gamkhen tenga vaihawm dingin Shadrach, meshach, le Abednego-te koi hi. Ahi vangin kumpipa inn sungah Daniel a om suoh hi.
Currently Selected:
DANIEL 2: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
DANIEL 2
2
Nebuchadnezzar’ Mang
1Nebuchadnezzar kumpi-a a maan zaw a kum nina kumin Nebuchadnezzar in mang pawlkhat man a, tuate ziehin lunggimin kimu thei lo hi. 2Tuaci’n kumpipa in a mangmatte a gen dingin mitphiel siemte, aisan theite, mibum theite le Chaldea-te hlansah hi. Amate zong tungin kumpipa mai ah a din ciengun,#Pien 41:8 3kumpipa in amate kungah, “Tam bang mang khat ka man a, tua ka mang a khietna ka thei nuom ziehin ka lung a gim hi,” a ci hi. 4Chaldea-te in kumpipa kungah (Aram ham tawh),#2:4 Tam panin laite a gol 7 a tawp dongin Aramaic ham tawh kigiel hi. “Kumpipa aw, dam sawt in! Na nasemte na mang ei gen in, a khietna kang gen ding uhi,” a ci uhi. 5Kumpipa in Chaldea-te dawng a, “Tam pen mipi zaha ka thukhensat ahi hi: Mang le a khietna nei gen thei sih uleh na khut na keng uh kisemnen ding a, na innte uh kisusie ding hi. 6Hizongle ka mangmat le a khietna nei gen thei uleh keima tung panin letsongte, thamante le patawina lienpi na nga ding uhi. Tua ahi ziehin ka mangmat le a khietna ei gen un,” a ci hi. 7Amate in a ni veina dawngkia-in, “Kumpipa in na nasemte kungah na mang ei gen masa phot in, tua ciengin a khietna kang gen thei pan ding uhi,” a ci uhi. 8Kumpipa in, “Kiptahin ka khensatsa teng na thei ziehun hun a sawt theithei nadinga hanciem na hi lamtah uh cientahin ka thei hi: 9Ka mangmat nei hilcien thei sih uleh note adingin thukhenna khat beh om hi. No teng pen ka lungsim ka khel masangsie keima kungah zuouthu le kam nainiehte gengen dinga kithukimsa na hi uhi. Tua ahi ziehin ka mangmat ei gen phot un, tua hile a khietna nang gen thei ding lam uh ka thei ding hi,” a ci hi. 10Chaldea-te in kumpipa kungah, “Kumpipa thei nop thu a gen thei ding leitungah koima om sih va! A tahtahin bang za-in thupi-in vanglien tamale koima’ kumpi in mitphiel siemte, aisan theite, le Chaldea-te khat popo kungah tam bang thu dong ngai lo hi. 11Kumpipa thudawh pen hamsa luo a, mihingte tawh a tengton lo pasien-te longal koima in kumpipa kungah tuate pholah thei lo hi,” a ci uhi.
12Tami thu ziehin kumpipa lungthah mama a, Babylon gam sunga mipil zosie thalup dingin thu a pie hi. 13Mipilte thalup nading thupiehna lai kihawm a, tuale mipilte thalup ding ahi ta hi; tuale amate in Daniel le a guol teng zong thalup dingin a sui uhi. 14Tua ciengin Daniel in Babylon gama mipilte that dinga a kuon kumpipa’ mithat makaipa Arioch kungah pilvangtah le kidawm tahin a dawngkia hi; 15ama in kumpi innsung ulien Arioch kungah, “Bang dinga kumpipa’ thupieh hici kinaw sengseng ahei?” ci-in a dong hi. Tua ciengin Arioch in a thu teng Daniel a theisah hi. 16Tuaci’n Daniel lut a, tua mang a khietna gen ding hun a pieh nadingin kumpipa kungah ngen hi.
Pasien in Nebuchadnezzar’ Mang Pholah
17Tua ciengin Daniel a inn ah pei a, tuale ama in a guolte Hananiah, Mishael, le Azariah-te theisah hi. 18Ama in tam thuthuh tawh kisai-in Daniel le a guolte Babylon gam sunga mipil dangte tawh a siton lo nadingin vantung Pasien tung panin hepina ngen dingin amate kungah a gen hi. 19Tua ciengin zanlai a mang sungah tua thuthuh Daniel tungah kilah a, tuale Daniel in vantung Pasien’ min a phat hi.
20Daniel in:
“Kumtawnin Pasien’ min phatin om taheh,
azieh pen pilna le vanglietna ama-a’ ahi hi.
21Ama in hun le khuohunte khel a,
kumpite khiesuhin kumpite koi hi;
ama in mipilte tungah pilna pie a,
theitelna a neite tungah pilna a pie hi.
22Ama in thuthuhpi le phuolsel nate
phuong dawh a,
khuomiel sunga omte thei-in
ama tawh khuovah a omton hi.
23Ka pu ka pate’ Pasien aw,
nang tungah ka lungdam a, nang kang phat hi.
Pilna le vanglietna nei pieh ziehin
nang kunga kang nget uh pen kei tungah nei pholah zo hi.
Azieh pen kumpipa thupieh
kote tungah nei theisah zo hi,” a ci hi.
Daniel in Mang Khietna Gen
24Tua ahi ziehin Babylon gamah mipilte that dinga kumpipa in a sesa Arioch kungah Daniel pei a, ama in tuapa kungah, “Babylon mipilte that sin; kumpipa mai-ah ei peipi in, kumpipa mang ka khiehpieh ding hi,” a ci hi.
25Tua ciengin Arioch in kumpipa mai-ah Daniel mallang tahin peipi-in ama kungah tam bangin a gen hi: “Judah salte lah panin kumpipa mang ang khiehpieh thei ding mi khat ka mu hi,” a ci hi. 26Kumpipa in Belteshazzar a kici Daniel kungah, “Ka mangmat le a khietna keima kungah nei gen thei diei mah?” a ci hi. 27Daniel in kumpipa kungah, “Mipil, aisan siem, mitphiel siem ahi sihle bumtawi siemte koima in kumpipa nget thuthuhpi ama tungah pholah thei lo ding hi. 28Hinanle a kisel thusimte a pholah thei vantungah Pasien khat om a, ama in Nebuchadnezzar Kumpipa kungah mailam huna a pieng ding thute a pholah zo hi. Na mang le lupna tunga na lup laitaha na lungsim sungah na mangmute tam teng ahi hi: 29Kumpipa aw, lupna tunga na lup laitahin mailam ang pieng ding thute na ngaisun a, tuale a kisel thusimte a pholah pa in nang tungah ang pieng ding thute ang pholah hi. 30Ahi vangin kei ka hile hinna a nei midangte sanga ka pil zawh zieha tam thusimte kei tunga ei kipholah hi loin, kumpipa in mang a khietna na thei nading le na lungsim sunga na ngaisutnate na thei nadinga ei kipholah hizaw hi.
31“Kumpipa aw, nangma in na en leh, ka nu vawi! na mai ah milim golpi khat a om hi. Tam milim gol mama a, a tan dan tuomdang mama hi; na mai ah tua milim ding a, a melpuoh dan zong giinhuoi hi. 32Tua milim lutang kham citah hi a, a awm le a bante ngun hi-in, a gil le a pheite sumngo ahi a, 33a kengte sia hi-in, a kephangte a phal sia, a phal tungman ahi hi. 34Na etto laitahin mihing khuta a kisuizol ahi lo suongtum khat in sia le tungman kisawhal tua milim kephang dengmatin a guoicim ta hi. 35Tua ciengin sia, tungman, sumngo, ngun, le khamte a unpi-in guoicim sieng a, khuokhal lai ancilna-a ansi leng tawh kibang hi; tuale a themneng zong a kimu nawn lo nadingin hui in tua teng tawmang sieng hi. Ahi vangin tua milim a dengguoi suongtum pen muol golpi khat suohin leitung bup a dim hi.
36“Na mang tami ahi hi; tu-in a khietna kumpipa kungah kang gen ding uhi. 37Kumpipa aw, nang pen kumpite’ kumpipa na hi a, vantung Pasien in nangma tungah kumpi gam, vanglietna, thahatna, le minthanna ang pie zo a, 38ama in na khut sungah mun cintenga a teng mihingte, gamlaha a om gamsate, vana a leng vate ang pie zo hi; tuale amate tungah a uh dingin nangma ang koi zo ta hi, tua kham lutang khu nangma na hi hi. 39Nangma zaw ciengin nangma sanga a gina lo zaw kumpi gam adang khat ang khang ding a, hinanle a thumna sumngo kumpi gam in leitung buppi uh ding hi. 40Tuale sia banga a thahat a lina kumpi gam khat ang khang ding hi; sia in na vannuoi#2:40 Gk Theodotion Syr Vg: Aram in “tua a satguoi sia bangin” ci belap hi. satguoi-in a vatmai bangin tam teng zosie gawi-in a zancimsah ding hi. 41A kephang le a kemete a phal belkhengpa’ tungman le a phal sia kihal na mu bangin tua kumpi gam kikhenzah ding hi; hizongle tungman le sia a kihal na mu bangin a sungah sia bangin hatna kimkhat om ding hi. 42A kephanga a kemete a phal sia, a phal tungman ahi ma bangin kumpi gam a phal thahatin a phal zawngkhal ding hi. 43Sia le tungman kihal na mu bangin amate khatlekhat kiteng kipi-in#2:43 Aram “mihing khaici tawh” a kisawhal ding vua, hinanle sia le tungman a kicimat thei lo bangin amate zong a kigawm thei tuom sih ding uhi. 44Tua kumpite khan sungin vantung Pasien in a kisusie ngai nawn lo ding kumpi gam khat phut ding a, tam kumpi gam pen midang khat’ khut sungah kinuasie lo ding hi. Tua in tami kumpi gam teng zosie satguoi-in maimangsah ding a, tua gam a kip tawntung ding hi; 45muol tung panin mihing khuta kisui lo suongtum khat ang lengkhie-in sia, sumngo, tungman, ngun, le khamte a satguoina na mu bang lienin a lien Pasien in mailam thu pieng dingte kumpipa kunga ang theisah ahi hi. Na mang pen mangpi ahi a, a khietna zong muontah ahi hi,” a ci hi.
Daniel le a Guolte Kitawisang
46Tua ciengin Kumpi Nebuchadnezzar a mai leilahah kunsuhin Daniel bie a, ama adingin an tawh biehna le gimnamtui biehnate lui dingin thu a pie hi. 47Kumpipa in Daniel kungah, “A tahtahin na Pasien pen pasien-te’ Pasien le kumpite’ Topa ahi a, thusimte a pholah pa zong ahi hi, azieh pen nang in tami thusim na pholah thei ta hi!” a ci hi. 48Tua ciengin kumpipa in Daniel tawisangin letsong thupi tampitah pie a, Babylon gam buppi uhsahin, Babylon mipil zosie tungah uhpi pa dingin koi hi. 49Daniel in kumpipa kungah ngen a, Babylon gamkhen tenga vaihawm dingin Shadrach, meshach, le Abednego-te koi hi. Ahi vangin kumpipa inn sungah Daniel a om suoh hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.