DANIEL 3
3
Kham Milim
1Kumpi Nebuchadnezzar in a tun tong sawmguh a sang, avai tong guh a gol kham milim khat a bawl hi; ama in tua pen Babylon gamsung Dura zanglei ah phut hi. 2Tua ciengin gamkaih uhpite, gamkaih uhpi hute, mangpite, thu kuppite, sumkem mangte, thukhente, thukhen mangte, le a gamkaihte sunga uliente zosie kikhawmin Kumpi Nebuchadnezzar’ phusa milim apna pawi sim dingin Kumpi Nebuchadnezzar in amate hlansah hi. 3Tuaci’n kumpi Nebuchadnezzar in a phusa milim apna pawi sim dingin gam uhte, gam uhpi hute, mangpite, thu kuppite, sumkem mangte, thukhente, thukhen mangte, le a gamkhente sunga uliente zosie a kikhawm uhi. Nebuchadnezzar in a phusa milim mai-ah amate a din laitahun, 4tangko pa in nahpi-in tangtawh a, “Mipite, minamte, le ham nam tuomtuomte aw, 5note in sielki gin, theile gin, lyre gin, trigon gin, harp gin, tawm gin, le tumging namcin’ gin na zah ciengun Kumpi Nebuchadnezzar’ phusa kham milim mai-ah bawhsuhin na bieh nadingun thu ang kipie hi. 6Bawhsuhin a bie lo poma thakhatin meilipi sungah kisep ding hi,” a ci hi. 7Tua ahi ziehin mipi zosie in sielkii gin, theile gin, lyre gin, trigon gin, harp gin, tawm gin, le tumging namcin’ gin a zah behun mipite, minamte, le ham nam zosie bawhsuhin Kumpi Nebuchadnezzar’ phusa tua kham milim a bie uhi.
8Tua bang ahi ziehin Chaldea mi pawlkhat khum hunin pei-in Jew mite a mawpai uhi. 9Amate in Kumpi Nebuchadnezzar kungah, “Kumpipa aw, dam sawt in! 10Kumpipa aw, nangma in sielkii gin, theile gin, lyre gin, trigon gin, harp gin, tawm gin, le tumging namcin’ gin a za poma bawhsuhin kham milim bie ding a, 11bawhsuhin a bie lo poma meilipi sungah kisep ding hi, ci-in thupieh khat na bawl zo hi. 12Tua sungah Babylon gamkhen uh dinga na koi: Shadrach, Meshach, le Abednego a kici Jew mi pawlkhat a om uhi. Kumpipa aw, tam teng in nangma ang thusim sih uhi. Amate in na pasien-te’ na sem loin na phusa kham milim zong a bie nuom sih uhi,” a ci uhi.
13Tua ciengin Nebuchadnezzar thangpai mama ahi ziehin ama kungah Shadrach, Meshach, le Abednego-te a kipeipi nadingin thu a pie hi; tuaci’n amate in kumpipa mai-ah tua mi teng a peipi uhi. 14“Shadrach, Meshach, le Abednego-te aw, note in ka pasien-te’ na sem loin keima’ phusa kham milim na bieh lo uh a man ma amah? 15Tu-in a baisa-a na op uleh sielkii gin, theile gin, lyre gin, trigon gin, harp gin, tawm gin, le tumging namcin’ gin na zah ciengun bawhsuhin ka bawlsa milim na bieh uleh a hoi a pha#3:15 Aram hamah “a hoi a pha” kammal om lo hi. ahi hi. Ahi vangin na bieh nop sih uleh meilipi sungah hing kisep ding hi, tua hile ka khut sung panin note ang hunkhie zo ding koi pasien om ahei?” a ci hi.
16Shadrach, Meshach, le Abednego-te in kumpipa kungah, “Nebuchadnezzar aw, tam thu tawh kisai-in nangma kungah ka kihut ding uh kisam ka sa sih uhi. 17Kumpipa aw, a na ka sep uh kote’ Pasien in meilipi pan le na khut sung panin ei hutkhiet zo leh kote ei hunkhie taheh.#3:17 Ahi sihle “A na i seppieh eite’ Pasien in ei hutkhiet thei leh, ama in meilipi pan le na khut sung panin ei hunkhie ding hi, kumpipa aw,” 18Ahi vangin kumpipa aw, ei hutkhiet zo sih leh zong na pasien-te’ na ka sem tuom sih ding vua, na phusa kham milim zong ka bie tuom sih ding uhi, ci thu kithei ta’n,” a ci uhi.
A Sa Mama Meilipi
19Tua ciengin Shadrach, Meshach, le Abednego-te tungah Nebuchadnezzar thangpai-in a mit a mai a kikhuleh hi. Ama in meilipi a sat ngaina za sangin a za sagivei a sazaw-in tawkuong dingin thu pie a, 20tuale Shadrach, Meshach, le Abednego-te a kanbawm ding le meilipi sungah a sepsuh dingin a galkapte lahah a thahatpen pawlkhat thu a pie hi. 21Tuaci’n a puontuol uh#3:21 Aram kammal’ a khietna kicien lo hi., a bawngbi uh,#3:21 Aram kammal’ a khietna kicien lo hi. a lukhu ule adang a puonsilte uh a sil laipi ma-un tua mite a kanbawm vua, meilipi sungah a sepsuh uhi. 22Kumpipa thupieh kinaw-in meilipi lah a sat seng ziehin meilipi sungah Shadrach, Meshach, le Abednego-te a sepsuh mite meikuong in a hulvam hi. 23Ahi vangin Shadrach, Meshach, le Abednego pasal thumte a kikanbawmsa-in meili lai-ah a kiesuh uhi.
24Tua ciengin Kumpipa Nebuchadnezzar in lamdangsa-in a nawdin hi. Ama in a thu kuppite kungah, “Khumte khu a kikanbawmsa-a meilipi lai-ah a kisepsuh mihing thumte hi lo uh amah?” a ci hi. Amate in, “Hima hi, kumpipa aw,” ci-in a dawng uhi. 25Ama in, “Ahi vangin keima in a kikanbawm loin mihing li meili lai-ah a vah kawikawi ka mu a, zong a liem beh sih uhi; tua a lina pa in pasien#3:25 Aram “pasien-te’ tapa khat” khat’ melpuoh dan a nei hi,” ci-in a dawngkia hi. 26Tua ciengin meilipi kotkhah lam nehin Nebuchadnezzar pei a, ama in, “Sangpen Pa Pasien’ nasem Shadrach, Meshach, le Abednego-te aw, hing pusuoh un! Tanah hing pei un!” a ci hi. Tuaci’n Shadrach, Meshach, le Abednego-te meili panin a pusuoh uhi. 27Tuale gam uhte, gam uhpi hute, mangpite, le kumpipa’ thu kuppite a kikhawm vua, tua mihing lite citungah mei in bangma a law thei lo lam a mukhie uhi; amau’ luzanga a samte mei in a hulgawp lo banah a puonsilte#3:27 Aram kammal’ a khietna kicien lo hi. uzong bangma ci loin meikhu gim zong nam beh lo hi. 28Nebuchadnezzar in, “Shadrach, Meshach, le Abednego-te’ Pasien, a vantungmi sawlin ama a muong a nasemte a hunkhie pa in thupha nga taheh. Amate in a Pasien uh longal pasien dangte khatpo’ na semin a bieh ding uh sangin kumpipa thupiehna mang loin a pumpi uh a si ngamzaw uhi. 29Tua ahi ziehin keima in tam bang thupieh khat ka bawl hi: Koi mi, koi nam, koi hamin ham zongle Sharach, Meshach, le Abednego-te’ Pasien a gensie tapo a khut a keng ki-ehmal ding a, a innte uh kisusie ding hi; azieh pen tam banga mi hunkhie thei pasien dang om lo hi,” a ci hi. 30Tua ciengin kumpipa in Babylon gamkhen sungah Shadrach, Meshach, le Abednego-te a za uh a khangsah hi.
Currently Selected:
DANIEL 3: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
DANIEL 3
3
Kham Milim
1Kumpi Nebuchadnezzar in a tun tong sawmguh a sang, avai tong guh a gol kham milim khat a bawl hi; ama in tua pen Babylon gamsung Dura zanglei ah phut hi. 2Tua ciengin gamkaih uhpite, gamkaih uhpi hute, mangpite, thu kuppite, sumkem mangte, thukhente, thukhen mangte, le a gamkaihte sunga uliente zosie kikhawmin Kumpi Nebuchadnezzar’ phusa milim apna pawi sim dingin Kumpi Nebuchadnezzar in amate hlansah hi. 3Tuaci’n kumpi Nebuchadnezzar in a phusa milim apna pawi sim dingin gam uhte, gam uhpi hute, mangpite, thu kuppite, sumkem mangte, thukhente, thukhen mangte, le a gamkhente sunga uliente zosie a kikhawm uhi. Nebuchadnezzar in a phusa milim mai-ah amate a din laitahun, 4tangko pa in nahpi-in tangtawh a, “Mipite, minamte, le ham nam tuomtuomte aw, 5note in sielki gin, theile gin, lyre gin, trigon gin, harp gin, tawm gin, le tumging namcin’ gin na zah ciengun Kumpi Nebuchadnezzar’ phusa kham milim mai-ah bawhsuhin na bieh nadingun thu ang kipie hi. 6Bawhsuhin a bie lo poma thakhatin meilipi sungah kisep ding hi,” a ci hi. 7Tua ahi ziehin mipi zosie in sielkii gin, theile gin, lyre gin, trigon gin, harp gin, tawm gin, le tumging namcin’ gin a zah behun mipite, minamte, le ham nam zosie bawhsuhin Kumpi Nebuchadnezzar’ phusa tua kham milim a bie uhi.
8Tua bang ahi ziehin Chaldea mi pawlkhat khum hunin pei-in Jew mite a mawpai uhi. 9Amate in Kumpi Nebuchadnezzar kungah, “Kumpipa aw, dam sawt in! 10Kumpipa aw, nangma in sielkii gin, theile gin, lyre gin, trigon gin, harp gin, tawm gin, le tumging namcin’ gin a za poma bawhsuhin kham milim bie ding a, 11bawhsuhin a bie lo poma meilipi sungah kisep ding hi, ci-in thupieh khat na bawl zo hi. 12Tua sungah Babylon gamkhen uh dinga na koi: Shadrach, Meshach, le Abednego a kici Jew mi pawlkhat a om uhi. Kumpipa aw, tam teng in nangma ang thusim sih uhi. Amate in na pasien-te’ na sem loin na phusa kham milim zong a bie nuom sih uhi,” a ci uhi.
13Tua ciengin Nebuchadnezzar thangpai mama ahi ziehin ama kungah Shadrach, Meshach, le Abednego-te a kipeipi nadingin thu a pie hi; tuaci’n amate in kumpipa mai-ah tua mi teng a peipi uhi. 14“Shadrach, Meshach, le Abednego-te aw, note in ka pasien-te’ na sem loin keima’ phusa kham milim na bieh lo uh a man ma amah? 15Tu-in a baisa-a na op uleh sielkii gin, theile gin, lyre gin, trigon gin, harp gin, tawm gin, le tumging namcin’ gin na zah ciengun bawhsuhin ka bawlsa milim na bieh uleh a hoi a pha#3:15 Aram hamah “a hoi a pha” kammal om lo hi. ahi hi. Ahi vangin na bieh nop sih uleh meilipi sungah hing kisep ding hi, tua hile ka khut sung panin note ang hunkhie zo ding koi pasien om ahei?” a ci hi.
16Shadrach, Meshach, le Abednego-te in kumpipa kungah, “Nebuchadnezzar aw, tam thu tawh kisai-in nangma kungah ka kihut ding uh kisam ka sa sih uhi. 17Kumpipa aw, a na ka sep uh kote’ Pasien in meilipi pan le na khut sung panin ei hutkhiet zo leh kote ei hunkhie taheh.#3:17 Ahi sihle “A na i seppieh eite’ Pasien in ei hutkhiet thei leh, ama in meilipi pan le na khut sung panin ei hunkhie ding hi, kumpipa aw,” 18Ahi vangin kumpipa aw, ei hutkhiet zo sih leh zong na pasien-te’ na ka sem tuom sih ding vua, na phusa kham milim zong ka bie tuom sih ding uhi, ci thu kithei ta’n,” a ci uhi.
A Sa Mama Meilipi
19Tua ciengin Shadrach, Meshach, le Abednego-te tungah Nebuchadnezzar thangpai-in a mit a mai a kikhuleh hi. Ama in meilipi a sat ngaina za sangin a za sagivei a sazaw-in tawkuong dingin thu pie a, 20tuale Shadrach, Meshach, le Abednego-te a kanbawm ding le meilipi sungah a sepsuh dingin a galkapte lahah a thahatpen pawlkhat thu a pie hi. 21Tuaci’n a puontuol uh#3:21 Aram kammal’ a khietna kicien lo hi., a bawngbi uh,#3:21 Aram kammal’ a khietna kicien lo hi. a lukhu ule adang a puonsilte uh a sil laipi ma-un tua mite a kanbawm vua, meilipi sungah a sepsuh uhi. 22Kumpipa thupieh kinaw-in meilipi lah a sat seng ziehin meilipi sungah Shadrach, Meshach, le Abednego-te a sepsuh mite meikuong in a hulvam hi. 23Ahi vangin Shadrach, Meshach, le Abednego pasal thumte a kikanbawmsa-in meili lai-ah a kiesuh uhi.
24Tua ciengin Kumpipa Nebuchadnezzar in lamdangsa-in a nawdin hi. Ama in a thu kuppite kungah, “Khumte khu a kikanbawmsa-a meilipi lai-ah a kisepsuh mihing thumte hi lo uh amah?” a ci hi. Amate in, “Hima hi, kumpipa aw,” ci-in a dawng uhi. 25Ama in, “Ahi vangin keima in a kikanbawm loin mihing li meili lai-ah a vah kawikawi ka mu a, zong a liem beh sih uhi; tua a lina pa in pasien#3:25 Aram “pasien-te’ tapa khat” khat’ melpuoh dan a nei hi,” ci-in a dawngkia hi. 26Tua ciengin meilipi kotkhah lam nehin Nebuchadnezzar pei a, ama in, “Sangpen Pa Pasien’ nasem Shadrach, Meshach, le Abednego-te aw, hing pusuoh un! Tanah hing pei un!” a ci hi. Tuaci’n Shadrach, Meshach, le Abednego-te meili panin a pusuoh uhi. 27Tuale gam uhte, gam uhpi hute, mangpite, le kumpipa’ thu kuppite a kikhawm vua, tua mihing lite citungah mei in bangma a law thei lo lam a mukhie uhi; amau’ luzanga a samte mei in a hulgawp lo banah a puonsilte#3:27 Aram kammal’ a khietna kicien lo hi. uzong bangma ci loin meikhu gim zong nam beh lo hi. 28Nebuchadnezzar in, “Shadrach, Meshach, le Abednego-te’ Pasien, a vantungmi sawlin ama a muong a nasemte a hunkhie pa in thupha nga taheh. Amate in a Pasien uh longal pasien dangte khatpo’ na semin a bieh ding uh sangin kumpipa thupiehna mang loin a pumpi uh a si ngamzaw uhi. 29Tua ahi ziehin keima in tam bang thupieh khat ka bawl hi: Koi mi, koi nam, koi hamin ham zongle Sharach, Meshach, le Abednego-te’ Pasien a gensie tapo a khut a keng ki-ehmal ding a, a innte uh kisusie ding hi; azieh pen tam banga mi hunkhie thei pasien dang om lo hi,” a ci hi. 30Tua ciengin kumpipa in Babylon gamkhen sungah Shadrach, Meshach, le Abednego-te a za uh a khangsah hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.