DANIEL 12
12
Misite Thawkiana
1“Khum hunin na mite a cing ulienpipa Michael ang khang ding hi. Minamte piencil a kipanin a pieng ngai nai lo lungkhamna hun ang tung ding hi. Hizongnanle khum hun ciengin laibu sunga a kigiel a min kimukhie zosie kihunkhie ding hi.#Mat 24:21; Mrk 13:19; Kln 7:14; 12:7 2Leitung#12:2 Ahi sihle “leivui gam” leivui lahah a kimu mi tampite tho ding a, pawl khatte kumtawn hinna, pawl khatte maizumna le kumtawn simmawna nga dingin a tho ding uhi.#Isa 26:19; Mat 25:46; Jhn 5:29 3A pilte ahi uleh vantung#12:3 Ahi sihle “vanthamzawl” khuovah bangin a tang ding vua, dihna lamah mi tampi a puite pen aasi bangin a tang tawntung ding uhi. 4Hizongle Daniel aw, tawpna hun a tun masangin tam thute genzah sinlen laibu khahcip phot in. Mi tampi a suhtai a totai ding vua, sietna#12:4 Gk tawh a kitekah Cn: Heb “theina” a khang ding hi,” ei ci hi.
5Tua ciengin keima Daniel in ka en leh, adang mi ni ang kilang a, khat pen tami lui pang lamah, a khat pen khumi lui pang lamah a ding hi. 6Amate lahah saihadiel puon a sil luinah lama a ding mipa in, “Tam sil lamdangte a tawp nading bang tanvei sawt ding ahei?” ci-in dong hi. 7Luinah lama a ding saihadiel puon a sil tua mipa in a khut zietlam le veilam vantung lamah a lamto hi. Tuale khum hun pen hun khat, hun ni, le hun lang#12:7 Heb “hun khat, hunte, le alang” hi ding a, mi siengthote’ vanglietna a kisiet hun ciengin tam sil zosie kimuolsuo ding hi,” ci-in a hing zing pa’ minin a kiciem ka za hi.#Kln 10:5; 12:14 8Ka zah vangin ka telcien sih hi; tuaci’n keima in, “Ka pu aw, tam teng pi bang hingci pien ding ahei?” ka ci hi. 9Ama in, “Daniel aw, pei ta’n, azieh pen tawpna hun a tun masangin tua thute selcip imcip ahi ding hi 10Mi tampi kisiensuo kinawt zolin kinawt ngo ding hi, hinanle migilote ahile a gitlo gamtat uh a zomsuoh ding uhi. Migilote khat beh in a theisiem sih ding vua, ahi vangin mipilte in a theisiem ding uhi.#Kln 22:11 11Nisima kibawl meihal biehna kikhawlsahin a susie sil kidahhuoi a kikoi huna kipanin ni tulkhat zani le sawmkuo sung sawt ding hi.#Dan 9:27; 11:31; Mat 24:15; Mrk 13:14 12Ni tulkhat zathum sawmthum le nga sung a thuoh zo kenkonte in thupha a nga ding uhi. 13Ahi vangin nang na hi leh na lampi#12:13 Gk Theodotion: Heb in “a tawp dongin” ci belap hi. ah pei inlen tawlnga in; hun tawp ni ciengin na thaman sang dingin na tho ding hi,” ei ci hi.
Currently Selected:
DANIEL 12: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
