AMOS 6
6
Minuomsate Dan Kipie ding
1Zion ah nuomtaha a tengte,
Samaria Muol tungah lungmuonga a omte,
minamte’ ulien pente, Israel innkuonte’ muon le suonte,
gimna thuoh man va uciei!
2Calneh ah galkai-in va en ta un;
khum panin khuopi lien Hamath ah va pei un;
tua ciengin Philistia gam Gath ah peisuh un.
Tua kumpi gamte sangin note na hoizaw#6:2 Ahi sihle “Amate a hoizaw uh amah” uh amah?
Ahi sihle note’#6:2 Heb “Amate” leitang sangin
amau’#6:2 Heb “Noma” leitang a hoizaw amah?
3Sietna ni ang tun ding gamlapi-a a khinto note aw,
tatsietna ang tun ding hun na naisah uh amah?
4Saiha lupna tunga a lum, a lupna tung vua a lum hit hiette,
tuuhon lahah tuuno sa le bawnghon lahah
bawngno sa deih zaza a ne mite;
5David bangin tumging tumin,
harp tawh langui a sa mite;
6nohai golpite tawh zu dawn a, sathau hoipente tawh
amau le amau kinoi-in,
hizongle Joseph’ kisietna thu-ah
a dapi lo note in gimna thuoh man va uciei!
7Tua ahi ziehin tu-in amate khu
sala pei masa pente ahi ding vua,
a thada mite’ guolnopna
a tawpmang ta ding hi.
8 Topa Pasien
ama le ama kiciem zo hi,
(Topa, Vanglien Pasien
in tam bangin ci hi):
Keima in Jacob’ kiphatsahna ka huo a,
a mun muonhuoite ka muda hi;
tua khuopi le a sunga om zosie
mi khut sungah ka pie ding hi.
9Inn khat sungah mi sawm a op lai uleh amate a si ding uhi. 10Tuale misi#6:10 Ahi sihle “ama dinga a halpieh pa” a hal a sanggam pa khat in inn sung panin tua siluong ladawhin puo ding a, inn dan sungta pena a om pa khat kungah, “Na oppi uh midang a om lai ei?” ci ding a, “Om sih,” ci-in kidawng ding hi. Tua ciengin tua a sanggam pa#6:10 Heb “Tua pa” in, “Ham sih vawi! Eite in Topa’ min lo kha vawt sih vai,” a ci ding hi.
11En un, Topa in thu pie a,
inn golpi kisatguoi-in inn neute kisatzan ding hi.
12Suong tungah sakolte a tai ngel amah?
Mi khat in bawngtangte#6:12 Ahi sihle “Mite in bawngtang tawh tuate hlo” tawh tuipi a hlo amah?
Hinanle note in thutang, gu na suohsah ta vua,
dihna, gamsai na suohsah ta uhi.
13Lo-debar khuo#6:13 Ahi sihle “bangma ahi lo khat sungah” ah guolnuomin, “Eite in
eima adingin i thahatna utawh Karnaim#6:13 Ahi sihle “sakite” i lah uh hi lo amah?” a ci uhi.
14Israel innkuonte aw, ang do dingin
minam khat ka khangsah valon ding hi,
Vanglien Pasien, Topa in ci hi.
Amate in Lebo-hamath panin
Arabah Lui dongin note ang gawt ding uhi.
Currently Selected:
AMOS 6: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
