2 TIMOTHY 3
3
Ni Nukhia Huna Pasien Zatahlona
1Ni nukhia ni ciengin hahsatna hun ang tung ding hi, ci theisiem in. 2Azieh pen mite ahile, amau le amau ki-itte, sum dei luote, a kipumphatte, a kihisahte, mi sietgente, nu le pa thu a mang lote, a lungdam thei lote, a siengtho lote, 3mihing lungsim a kuo lote, itna nei lote, a maisah nuom lote, mi gensiet hatte, sum thangzahte, a ngongtatte, thu hoi huote, 4ciempelte, a gamhtatte, a kipum phatsahte, Pasien it ding sanga noptatna a lunggul zawte ahi ding vua, 5a puthamin Pasien’ mi hina nei sam napi a vanglietna a nielte ahi ding uhi. Tua mite na pel in! 6Bangzieh ahei cile amate lahah mi pawlkhat kinelnelin mi inn ah lutin, a mawna zieh vua lunggulna namcin teng in a suhnawh a tonawh numei mawlawmte manin a thuzaw uhi, 7tua bang numeite ahi ule thu a kihilhil vangin thuman thutah a theitel zo ngai lote ahi uhi. 8Jannes le Jambres in Moses a langpan ma bangin tam mite in zong thuman thutah a langpang vua, lungsim kisie gawpsa le upna man lo mite ahi uhi.#Pei 7:11 9Ahi vangin amate in ma a sot sih ding uhi, bangzieh ahei cile tua mi nite#3:9 Gk ah “mi ni” ci om lo hi. tungtang thu ma bangin amau’ motna zong mikim tungah kitheisah ding hi.
Timothy Tunga Paul Thuhilna
10Tu-in nangma in ka thuhilna, ka gamtatna, ka nuntahna-ah ka lungtup, ka upna, ka lungduoina, ka itna, ka thuohzawh hatna, 11bawlsietna ka thuohna, gimna ka thuohna, le Antioch, Iconium, le Lystra khuote ah keima tunga thupiengte na theisa uh ahi hi. Bawlsietna thuoh sam ing ei!#Sawl 13:14-52; 14:1-20 Hizongle Topa in tuate zosie panin ei hunkhie hi. 12A tahtahin, Khris Jesu sungah Pasien’ mi hinkhuo a mang nuom zosie pen a kibawlsie ding ma ahi hi. 13Ahi vangin migilote le misol hatte sie semsem ding a, midangte a sol bangun amate zong kisol ding hi. 14Ahi vangin nang na hi leh koi kung pana na sin ahei ci na theisa ahi a, tua na sinsa le kiptaha na upsa silte zom peisuoh in. 15Jesu Khris upna tungtawnin gupna na nga thei nadingin ang hil Lai Siengtho pen na neu lai-a kipanin bang na ci thei ahei ci thu zong na theisa ahi hi. 16Lai Siengtho zosie Pasien’ humopsa hi a, thuhil nading, mi phawsiet nading, bawlphat nading, le dihna thu-ah mi pantah nadingin kimang hi. 17Tua in sil hoi namcin a sem dingin Pasien’ mi zosie pantahin nasep a siem thei nading uh ahi hi.
Currently Selected:
2 TIMOTHY 3: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
