2 CORINTH 10
10
Paul in Ama’ Nasepna a Hutna
1Note tawh i kimaituo cienga a kiniemsah pa le i kigamlat cienga note tunga a hangsan pa keima Paul in Khris’ nunnemna le migitna tawh kang thum hi! 2Leitung mite dan tawh#10:2 Gk “cilesa dan banga” a gamta-a ei ngaisunte tungah keima kang op ciengin hang taha ci ka sawm bangin ci a kul lo nadingin kang thum hi. 3Leitung mite#10:3 Gk “cilesa sung” bangin ka ten vangun leitung mite’ zie#10:3 Gk “cilesa dan zui-in” zui-in gal ka do sih uhi; 4bangzieh ahei cile kote’ zah galdona hiemte ahile mihingte’ galhiem maimaite ahi sih a, galte’ panmun phuolpite a susie zo Pasien’ vanglietna hizaw hi. Kote in kiselnate le 5Pasien’ thu theina ding a khahtan thei kiphatsahna vannuoi ka susie gawp vua, Khris’ thu a mang dingin ngaisutna vannuoi salin ka man uhi. 6Na thumanna uh a kicin ciengin thumang lo zosie dan pie dingin a kigingsa-in ka om uhi.
7Na maitang vua nate en un. Khris-a’ ka hi hi, ci-in na kimuon uleh note, Khris-a’ na hi ma bangun ko zong Khris-a’ ma ka hina thu uh phawh ta un. 8Tu-in note suhsiet nading hi lo, na kilam nadingun Topa in ei pieh thuneina tawmkhat hing kinah sielpi phiel leng zong ka maizum sih ding hi. 9Ka laihlahte tawh ang zausah ka suo khah ding ka nuom sih hi. 10Bangzieh ahei cile amate in, “A laihlahte khau-in nasie mama napi eite tawh a opton tah ciengin thahat vawt loin, a thugente zong bangma ahi sih hi,” ei ci uhi. 11Tua bang mite in kang op lo sung vua laihlah tawh ka gente uh kang op tah ciengun ang sem ding ka hi lam uh na kithei ta uheh.
12Kote ka hi ule amau le amau a kiphattawmte tawh a kisimton ahi sihle a kitekah ngam ka hi sih uhi. Ahi vangin amate khatlekhat a kitekah ciengun theisiemna a nei sih uhi. 13Hizongle a kalvalin ka kisiel sih ding vua, ahi vangin Pasien in kote adinga ei sesahsa za ahi note kung dong nangawn zong kang bat zawhna uh cieng behah ka kisiel ding uhi. 14Azieh pen na kung vua kang tun ciengun ka ciengtan uh vala a kalsuon ka hi sih uhi; kote ka hi ule note kungah Khris’ lungdamna thu tawh ang tung masa pente ka hi uhi. 15Midangte’ nasepnate-ah a kalvalin ka kisiel sih vua, hinanle kote lametna ahile na upna uh a khanna tawh kizui-in ka nasepna huong uzong na tangzaisah semsem ding uh ahi hi. 16Tua hile kote in midangte nasepna huong sunga kisemsate kisielpi loin na gam uh hlengin lungdamna thu ka tangko thei ding uhi. 17“A kisiel mi in Topa sungah kisiel taheh”.#Jer 9:24 18Azieh pen ama le ama a kiphattawm mipa kisang lo a, ahi vangin Topa in a phat mite kisang hi.
Currently Selected:
2 CORINTH 10: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
