ဟိၫ 4
4
4
ယွၩဂဲးလိၬတ့ၭလိၬထၫ့ဒၩအံၫစရ့လၭ.
1ခိၭနၪယဟိဝၩအလူဆံၭး ၦအံၫစရ့လၭဖိၪၥံၪဧ့, အဂဲးဘဲၫယီၩယဟိဝၩအီၪ လၧဆၧဂဲးလိၬတ့ၭလိၬလၧ ၦခးဖိၪၥံၪလီၫ. အဂဲးဘဲၫယီၩဆၧမွဲဆၧတီၩမွဲဂ့ၩ, ဆၧ အခိးအတၩမွဲဂ့ၩ, ဆၧၥ့ၪယၫယွၩမွဲဂ့ၩ, အီၪလၧခး 2ဖၧၩ့နီၪအ့ၬ.- အီၪန့ၫဆိၪဆၧစံၭဆၧ, ဒဲဆၧချဲၩ့ဘျံၭ ချဲၩ့ဘျၪဒဲမၩၥံၫၦၡၩ, ဒဲအၪ့ဂူၪဆၧ, ဒဲအဲၪဘိၩ့မၫအဲၪ ဘိၩ့ဝၩ,ဘုၪ့ဖိးဆၧ, ဒဲဆၧၥွံၪဘၪလၧဆၧၥွံၪလီၫ.- မၩ 3အၥၭဘဲၫနီၪတၭ, ခးနီၪမိၥုၪ့အုၭၥၭအုၭ, ဒဲကယဲၦလၧ အအီၪဝ့ၫလၧအဖၧၩ့ လဂၩလါလါ,အၥၭမိလၩ့ဘဲၩ, ဒဲဆၧဖိၪဆၧဎါလၧမံၩ့လၬကျၩဆ့, ဒဲထိၪၥံၪလံၪၥံၪလၧ ဆၧဖိၭဖၫ့တၭ, ဆၧမိမၩန့ထၪ့ခွံၬဆ့ဒ့ၪၥံၪယၪၥံၪလၧ မၫဆမံၭဖၧၩ့လီၫ.
ယွၩဂဲးလိၬတ့ၭလိၬလၧၦလုဆၧလဖၪ.
4မွဲလါနၫ့တၭ, မွဲၦၡၩထီးဂဲးလိၬ တ့ၭလိၬလၧၦ ၡၩလဂ့ၩ. မွဲအထီးအၪ့ၥီၪ့ၦဂူၫဂၩလဂ့ၩ. အဂဲးဘဲၫ ယီၩနၡၩခမျၧးမၩအၥၭ ဘဲၫၦလၧအဂဲးလိၬ တ့ၭလိၬ 5လၧၦလုဆၧအၥိၭနီၪလီၫ.- အခိးမွဲနမိလၩ့ ထံၩဖါ လၧမုဆၫလခီၫ, ဒဲမီၪမိလၩ့ထံၩဖါဆ့ လၧနၥိၭလၧ မုနၩလခီၫတၭ, ယမိမၩဂၭဂီၩ့နမိလီၫ.
6မွဲဆၧၥ့ၪယၫလအီၪဘၪအကၠီၩ့တၭ, ယၡၩခမျၧး ဂၭဂီၩ့ဝ့ၫလီၫ. မွဲနခွံၬၡိၭဆၧၥ့ၪယၫအကၠီၩ့တၭ, ယမိ ခွံၬၡိၭခွံၬနၧၩတၭ, နကဲၪလၧၩ့ၦလုဆၧလၧယဂးအ့ၬ. မွဲနၥၭနၪ့ယဟိဝၩ အဆၧၥီၪ့ဆၧၥၫ့တၭ, ယမိၥၭနၪ့ 7နဖိၪနလံၩလီၫ.- န့ၫဎီၩ့လၧအဆၧအၪထၪ့အီၪဝ့ၫနီၪ, အဝ့ၫၥံၪမၩမၪယၧၩန့ၫနီၪၥိၭလီၫ. ယမိဒုၭကဲၪထၪ့ 8အလၩအဖၩ့လၧဆၧမ့ၬမဲလီၫ.- အဝ့ၫၥံၪအၪ့ယၡၩ ခမျၧးအဆၧလုဆၧဒဲၩဘၭတၭ, ဘၪအၥၭလၧၦမၩ 9ဆၧအၧၩ့လီၫ.- မၩအၥၭဘဲၫနီၪတၭ, ဆၧမိမၩအၥၭ ဘဲၫၦခမျၧးအၥိၭ, ၦလုဆၧမွဲဘဲၫနီၪအၥိၭလီၫ.ယမိစ့ၩ ရၫ့အဝ့ၫၥံၪလၧအဖၧၩ့ၥၭဒၪဝ့ၫလဖၪအကၠီၩ့တၭ, ယမိ 10ဖ့ၪဆၧၫ့ထဲၩ့အဝ့ၫၥံၪလၧအမၩဆၧအကၠီၩ့လီၫ.- အဂဲး ဘဲၫယီၩ အဝ့ၫၥံၪမိအၪ့ဆၧတၭ,လဘျဲၩအၪ့ဘၪနီၪး မိ မၩဆၧလဲးဆၧဘျၪတၭ, အၪထၪ့အ့ၬ. အဂဲးဘဲၫယီၩ အဝ့ၫၥံၪစဲၪ့ဒၪအဆၧယူၭယၪ့ယဟိဝၩလီၫ.
ယွၩစ့ၩရၫ့ၦလၧလဆူလနဲၩဘၪယွၩအဆၧဘၩ.
11ဆၧလဲးဆၧဘျၪဒဲစဘံၭထံၫ ဒဲစဘံၭထံၫအၥၫ့နီၪ 12မၩဂၭဂီၩ့ခွံၬၦအၥၭလီၫ.- ယၡၩခမျၧးအၪ့ဎၬဆၧကိၪ့ လၧအၥံၪ့လကုၭ, ဒဲအနိၪထိၭလဘီၩ့ဒုၭနဲၪဆၧလၧ အဝ့ၫၥံၪလီၫ. အဂဲးဘဲၫယီၩ ဆၧလဲးဆၧဘျၪနီၪ ဒုၭမၪ ဘၪအဝ့ၫၥံၪ ဒဲလၧအယွၩအဖၫ့လၬနီၪ စဲၪ့ထၪ့ခွံၬမၩ 13ဆၧလဲးဆၧဘျၪလီၫ.- အဝ့ၫၥံၪလုထၪ့ဆၧလၧခိၪလီၩ့ ဒၩ့ခိၪတၭ, ဆူၭခဲၩဆၧနၧၫ့မၧၫ့လၧဆၧစီၩ့ခိၪအဒၩ့ခိၪ, ဒဲလၧၥံၪ့ထိၭဖၫ, ဒဲၥံၪ့လ့ၭဘန့ၫ, ဒဲဎီမုၪဖျဲၫအဖၫ့လၬ နီၪလီၫ.အဂဲးဘဲၫယီၩ အလၩဒုၩနီၪမုၬဝ့ၫလီၫ. မၩအ ၥၭဘဲၫနီၪတၭ,နၥံၪအဖိၪမုၪလဖၪ မၩဆၧလဲးဆၧဘျၪ, 14ဒဲနၥံၪအဒဲၪလဖၪအဲၪဘိၩ့မၫအဲၪဘိၩ့ဝၩလီၫ.- ထီးန ၥံၪအဖိၪမုၪလဖၪနီၪ မၩဆၧလဲးဆၧဘျၪဒဲနၥံၪအဒဲၪ လဖၪအဲၪဘိၩ့မၫအဲၪဘိၩ့ဝၩတၭ, ယမိစ့ၩရၫ့အဝ့ၫၥံၪ အ့ၬ.အဂဲးဘဲၫယီၩ အနၫ့ဆါဒၪဝ့ၫနီၪ ဂၭဖျိၭလၧအ့ၭ ကံၪမုၪအၥိၭတၭ, လုထၪ့ဆၧလၧမဲၩဎွဲၩမုၪအၥိၭလီၫ. မၩအၥၭဘဲၫနီၪတၭ, ၦလၧအနၪဆၧလၥ့ၪဘၪနီၪ မိလၩ့ထံၩဖါဝ့ၫလီၫ.
15နဝ့ၫဒၪအံၫစရ့လၭဧ့, နအ့ၪမၩဆၧလဲးဆၧဘျၪလါ နၫ့တၭ, မွဲယုဒၫအဆၧဒဲၩဘၭထီးအီၪလဂ့ၩတၭ,မွဲမၬ, ထီးဂဲၫလၧဂံလဂၫလၭလဂ့ၩ. လ့ၩထၪ့လၧဘ့ၭၥအ့ ဝံၫ့လဂ့ၩ, ထီးနဆိၪလၩ့နၥၭတၭ, ထီးစံၭ, ယဟိဝၩ 16မၧၫ့ဝ့ၫနီၪ,လဂ့ၩ.- မွဲအံၫစရ့လၭအီၪက့ၪကၪအၥၭ ဘဲၫချီမိလၧအမၩကၪအၥၭအၥိၭနီၪတၭ, ဘိၩ့နဲၪ့ယီၩ ယဟိဝၩဒုၭအၪ့အဆၪဘဲၫၥိၪဖိၪအၥိၭ လၧအလးဖၭ 17လဲအဖၧၩ့လီၫ.- အံဖြံၫ့နီၪဘုၭထၬယူၭ လၧအဆၧဂၩ့ 18ဆၧဖၪ့ယူၭ, မၩဘူၭလဂ့ၩ,ဧီၪ.- ထီးအစဲၪ့ထၪ့လၧဆၧ အၪ့ဆၧအီၩတၭ, အဝ့ၫၥံၪမၩဆၧလဲးဆၧဘျၪ, ဒဲအခိၪ 19လဖၪအဲၪဆၧမ့ၬမဲလီၫ.- လံၩဘီၪ့ထၪ့အဝ့ၫၥံၪလၧအ ဒံၭအဖၧၩ့တၭ, အဝ့ၫၥံၪမိမ့ၬမဲ လၧအလုထၪ့ဆၧအ ကၠီၩ့လီၫ.
Currently Selected:
ဟိၫ 4: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
