ဟိၫ 5
5
5
1ၦလုဆၧၥံၪဧ့, ခိၭနၪဆၧယီၩဆံၭ.ဒဲအံၫစရ့လၭအ ဂံၪ့ဖိၪၥံၪဧ့, ဒိၭနၥံၪအနါဆံၭ. ဒဲစဎွၩအဂံၪ့နီၪ, ဒိၭန နါဆ့ဆံၭၬ အဂဲးဘဲၫယီၩ ဆၧစ့ၩရၫ့ဘၪနၥံၪလီၫ. အ ဂဲးဘဲၫယီၩနၥံၪမွဲဖျံၩခွၩ့လၧမံဇပၫအလီၩ့, ဒဲၡၬၥံၪဒၩ 2လၩ့အၥၭလၧတၫဘီၫအလီၩ့လီၫ.- ၦလၧအၥၭဂၭဂီၩ့ လဖၪနီၪ မၩၥံၫဆၧနၭအၪလါကဲၪကၩလီၫ. ယမိအၪ့ 3ၥီၪ့အဝ့ၫၥံၪထီးအလူၬလီၫ.- ယၥ့ၪယၫအံဖြံၫ့တၭ, အံၫစရ့လၭ အီၪကဒုၩလၧယၧၩအ့ၬး အဂဲးဘဲၫယီၩ ဘိၩ့နဲၪ့ယီၩ, အံဖြံၫ့ဧ့, နမၩဆၧလဲးဆၧဘျၪတၭ, အံၫ စရ့လၭစံၪစၪဝ့ၫလီၫ.
စဟိၫစံအၫဒုၭထီးလၩ့ထၫ့ဒၩဆၧဘၩဆၧဂၩ့ဆၧဖၪ့.
4အဝ့ၫၥံၪတဲၩ့ဝဲၩအဆၧမၩဘဲၫ ၥိၭအမိထဲၩ့ထဲၩ့ လၧအယွၩအအီၪအ့ၬ. အဂဲးဘဲၫယီၩ မွဲအမၩဆၧလဲး ဆၧဘျၪအီၪဝ့ၫလၧအဖၧၩ့တၭ, ဒူၩယၪ့ယဟိဝၩ 5အ့ၬ.-မွဲမၬ,အံၫစရ့လၭအၥၭထၪ့ထီၫနီၪထိး အၥၭ လၧအမ့ၬယၫလီၫ. အံၫစရ့လၭ ဒဲအံဖြံၫ့နီၪ မိလၩ့ ထံၩဖါလၧအဆၧဒဲၩဘၭအကၠီၩ့တၭ, ယုဒၫမိလၩ့ 6ထံၩဖါဎုၬ လၧအဝ့ၫၥံၪအၥိၭဆ့လီၫ.- အဝ့ၫၥံၪမိလ့ၩ ဘၪဝ့ၫဒဲအၥိၪဒဲအဘ့ၪဒဲအချီလဖၪ ဘဲၫၥိၭအမိအၪ့ဎၬ ယဟိဝၩလါနၫ့တၭ, ဒၪန့ဝ့ၫအ့ၬ. အဝ့ၫဒၪၥုၭခွံၬအ 7ၥၭလၧအဝ့ၫၥံၪအအီၪလီၫ.- အဝ့ၫၥံၪအၪ့လီၫန့ဆၧ ထၫ့ဒုၪဒၩယဟိဝၩလီၫ. အဂဲးဘဲၫယီၩထၪ့ဖိၪၦလခီၫ ဘၩ့မုးဖိၪလီၫ. ဘိၩ့နဲၪ့ယီၩ လၩလဘံၪ့မိအၪ့ခွံၬအ ဝ့ၫၥံၪဒဲအဂးလဖၪလီၫ.
ဆၧဒုၭဆၧယၩလၧခးယုဒၫ ဒဲခးအံၫစရ့လၭအဘူၭဆၧၩ့.
8အူၪထၪ့ခွ့ၩ လၧဂံဘအၫအဖၧၩ့,ဒဲခဲၫလၧရၫမၫအ ဖၧၩ့ဆံၭး ကိၭၡၭထၪ့ ထီးဘ့ၭၥအ့ဝံၫ့ အဖၧၩ့ဆံၭ. 9ဆၧအီၪဝ့ၫလၧနလးခဲၫ့ ဘံၪ့ယမံၫ့ဧ့ၬ- လၧဆၧအၪ့ၥီၪ့ အမုနံၩနီၪ အံဖြံၫ့မိအီၪယူဝ့ၫလီၫ. ယဒုၭၥ့ၪယၫၦအံၫ 10စရ့လၭအဒီၪ့လဖၪလၧဆၧမွဲဆၧတီၩလီၫ.- ယုဒၫအ ၦဒိၪဖၭဒိၪလဖၪ မၩအၥၭဘဲၫၦလၧအၥုၭ ခးအနဲၩ့ ထံၭအဆၧနဲၪ့အၥိၭနီၪလီၫ. ယမိဂါလၩ့ယၥၭခဲၩထၪ့ 11လၧအဝ့ၫၥံၪအလီၩ့ဘဲၫထံၫအၥိၭလီၫ.- အံဖြံၫ့နီၪဘၪ ဆၧမၩအၧၩ့ဝ့ၫ, ဂၭဂီၩ့ဝ့ၫလၧဆၧစ့ၩရၫ့အကၠီၩ့, အဂဲး ဘဲၫယီၩ အဝ့ၫလ့ၩဖိၬဒၪဆၧလၧ ဆၧမၪလူၬနီၪအခဲၫ့ 12လီၫ.- ယမၩယၥၭဘဲၫဆၧအဎါလၧအံဖြံၫ့အဂး, ဒဲဘဲၫ ဆၧအုၪဆၧကျၪအၥိၭ လၧယုဒၫအၡၩဂံၪ့ဖိၪ အဂး 13လီၫ.- အံဖြံၫ့နီၪဒၪဘၪအဆၧဆၫ, ဒဲယုဒၫနီၪအဖၧၩ့ လးတၭ, ထီးနီၪလဖၧၫ့ အံဖြံၫ့လ့ၩဝ့ၫလၧၦအစံရအၫ ဖိၪအအီၪတၭ, ယုဒၫအၪ့မၧၫ့လၩ့ ဆၧလၧစဎွၩလၧ အဒုၭဆၧလီၫ. လါနၫ့တၭ, အဝ့ၫမၩဘျၪထဲၩ့နၥံၪၥ့ၪ 14အ့ၬ.မၩဘျၪထဲၩ့နၥံၪအဖၧၩ့လးၥ့ၪအ့ၬ.- အဂဲးဘဲၫ ယီၩယမိအီၪလၧအံဖြံၫ့အဂး ဘဲၫဆၬလၥၧၫ့လဒုၩအ ၥိၭ, ဒဲဘဲၫဆၬလၥၧၫ့ၥၭဘၪ့အၥိၭ လၧယုဒၫအၡၩဂံၪ့ ဖိၪအဂးလီၫ. ယဝ့ၫဒၪ,ယၧၩဒၪလ့ၬ, ယမိအဲၪ့ၡၫ့လၩ့ ခွံၬဆၧ,ဒဲစဲၪ့ထၪ့ခွံၬလီၫ. ယမိဆိၬထၪ့ဆၧတၭဆၧမၩ ဖီၩ့ဖျ့ၭဝ့ၫနီၪအီၪအ့ၬ.
15ယမိစဲၪ့ထၪ့တၭ, လ့ၩလၧယလးဒၪယဝ့ၫ,ထီးအဝ့ၫ ၥံၪဘၪဆၧဒဲၩဘၭတၭး ထီးနီၪလဖၧၫ့ အဝ့ၫၥံၪမိအၪ့ ဎၬယမ့ၬလီၫ. ထီးအဘၪဆၧခိဆၧဝီၩတၭ, မိအၪ့ဎၬ ယၧၩဂီၩဂီၩလီၫ.
Currently Selected:
ဟိၫ 5: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
