JABUR 136
136
MASMUR 136
Sih-susetyaning Allah marang bangsa Israel
136:1-26
1 #
Ms 100:4-5
Padha saosa puji marang Pangeran Yehuwah, sabab Panjenengane iku becik!
awit langgeng sih-kadarmane.
2Padha saosa puji marang Allahe para allah,
awit langgeng sih-kadarmane.
3Padha saosa puji marang Gustine para gusti,
awit langgeng sih-kadarmane.
4Marang Panjenengane kang nindakake kaelokan gedhe piyambakan,
awit langgeng sih-kadarmane.
5 #
Pd 1:1-2
Marang Panjenengane kang nitahake langit kalawan kawicaksanan,
awit langgeng sih-kadarmane.
6Marang Panjenengane kang njereng bumi kadhasaran banyu,
awit langgeng sih-kadarmane.
7 #
Pd 1:16
Marang Panjenengane kang nitahake barang-barang kang madhangi kang gedhe ing langit,
awit langgeng sih-kadarmane.
8Srengenge kang mengku raina,
awit langgeng sih-kadarmane.
9Sarta rembulan lan lintang-lintang kang mengku ing wayah bengi,
awit langgeng sih-kadarmane.
10 #
Pa 12:29
Kang mejahi para pembarepe wong Mesir,
awit langgeng sih-kadarmane.
11 #
Pa 12:51
Lan ngirid Israel metu saka ing satengahe,
awit langgeng sih-kadarmane.
12Sarana asta kang rosa lan kalawan ngayatake lengene,
awit langgeng sih-kadarmane.
13 #
Pa 14:21-29
Segara Teberau dipiyak dadi loro,
awit langgeng sih-kadarmane.
14Lan nyabrangake Israel metu ing tengahe,
awit langgeng sih-kadarmane.
15Sang Pringon sawadya-balane dikelemake ana ing segara Teberau,
awit langgeng sih-kadarmane.
16Gusti Allah kang ngirid lakune umate metu ing segara wedhi,
awit langgeng sih-kadarmane.
17Kang ngasorake perange raja gedhe-gedhe,
awit langgeng sih-kadarmane.
18Para ratu kang mulya padha dipateni,
awit langgeng sih-kadarmane.
19 #
Wi 21:21-35
Sihon, ratune bangsa Amori,
awit langgeng sih-kadarmane.
20Lan Og, ratu ing Basyan,
awit langgeng sih-kadarmane.
21Tanahe banjur diparingake dadi pusakane,
awit langgeng sih-kadarmane.
22Dadi pusakane Israel, abdine,
awit langgeng sih-kadarmane.
23Gusti Allah kang ngengeti kita sajroning kaasoran,
awit langgeng sih-kadarmane.
24Padha diluwari saka ing tangane mungsuh kita,
awit langgeng sih-kadarmane.
25Apadene paring pangan marang sakehing makhluk,
awit langgeng sih-kadarmane.
26Padha saosa puji sokur marang Gusti Allahing swarga,
awit langgeng sih-kadarmane.
Currently Selected:
JABUR 136: JAV
Highlight
Copy
Compare
Share
Want to have your highlights saved across all your devices? Sign up or sign in
Javanese Bible © Indonesian Bible Society, 1981.
