भजनमैं 136
136
खीए म्हाँया खोंयोंन् बिलै तरिम्
1याहबेहलाइ धन्यबाद पिंन्, तलेबिस्याँ खी स्वाब मुँ।
खीए म्हाँया खोंयोंन् बिलै तरिम्।#१ इति १६:३४; २ इति ५:१३; ७:३; भज १००:५; १०:१; १०७:१; ११८:१; यर ३३:११
2देवतामैं भन्दा थेबै परमेश्वरलाइ धन्यबाद पिंन्।
खीए म्हाँया खोंयोंन् बिलै तरिम्।
3प्रभुमैंए प्रभुलाइ धन्यबाद पिंन्।
खीए म्हाँया खोंयोंन् बिलै तरिम्।
4खीजी मत्त्रे औदिबै थेब-थेबै केमैं लम्।
खीए म्हाँया खोंयोंन् बिलै तरिम्।
5खीजी ह्रोंसए ज्ञान बुद्धिइ स्वर्ग बनेइ।
खीए म्हाँया खोंयोंन् बिलै तरिम्।#उत १:१
6खीजी क्युए फिर पृथ्बी थेंइ।
खीए म्हाँया खोंयोंन् बिलै तरिम्।#उत १:२
7खीजी त्हिंयाँ नेरो लयाँ#136:7 त्हिंयाँ नेरो लयाँ हिब्रू क्युइर, थेबै चारबै सैमैं बनेइ।
खीए म्हाँया खोंयोंन् बिलै तरिम्।
8त्हिंइए फिर क्ल्हे लबर खीजी त्हिंयाँ बनेइ।
खीए म्हाँया खोंयोंन् बिलै तरिम्।
9म्हुँइँसए फिर क्ल्हे लबर लयाँ नेरो मुसारा बनेइ।
खीए म्हाँया खोंयोंन् बिलै तरिम्।#उत १:१६
10खीजी मिश्र ह्युलर्बै च्ह थेब ताँन् सैवाइ।#प्रस १२:२९
खीए म्हाँया खोंयोंन् बिलै तरिम्।
11खीजी इस्राएलीमैंलाइ मिश्र ह्युलउँइँले तेसि पखइ।#प्रस १२:५१
खीए म्हाँया खोंयोंन् बिलै तरिम्।
12खीए भोंबै यो नेरो पाखरइ चमैं तेसि पखइ।
खीए म्हाँया खोंयोंन् बिलै तरिम्।
13खीजी ओल्ग्या मा ङ्युँइ ङ्हिबाँ लवाइ।
खीए म्हाँया खोंयोंन् बिलै तरिम्।
14खीजी इस्राएलीमैंलाइ चए म्हाँजोउँइँले डोरेपइ।
खीए म्हाँया खोंयोंन् बिलै तरिम्।
15मिश्रर्बै म्रुँ फारो नरो चए सेनालाइ खीजी ओल्ग्या मा ङ्युँइर भ्योंवाइ।#प्रस १४:२१-२९
खीए म्हाँया खोंयोंन् बिलै तरिम्।
16खीजी ह्रोंसए म्हिमैंलाइ क्यु आयोंबै क्ल्ह्योउँइँले डोरेपइ।
खीए म्हाँया खोंयोंन् बिलै तरिम्।
17खीजी थे-थेबै म्रुँमैं सैवाइ।
खीए म्हाँया खोंयोंन् बिलै तरिम्।
18कालिदिबै म्रुँमैं या खीजी सैवाइ।
खीए म्हाँया खोंयोंन् बिलै तरिम्।
19एमोरीमैंए म्रुँ सिहोनलाइ खीजी सैवाइ।
खीए म्हाँया खोंयोंन् बिलै तरिम्।#गन्ती २१:२१-३०
20बाशानर्बै म्रुँ ओगलाज्यै या खीजी सैवाइ।
खीए म्हाँया खोंयोंन् बिलै तरिम्।#गन्ती २१:३१-३५
21खीजी चमैंए ह्युल ह्रोंसए म्हिमैंलाइ क्ल्हे तल् पिंइ,
खीए म्हाँया खोंयोंन् बिलै तरिम्।
22खीजी ह्रोंसए के लबै इस्राएलीमैंलाइ च ह्युल पिंइ।
खीए म्हाँया खोंयोंन् बिलै तरिम्।
23ङि हार्दियामैं या खीजी ङिलाइ आम्ले।
खीए म्हाँया खोंयोंन् बिलै तरिम्।
24ङिए शत्तुरमैंउँइँले खीजी फ्रेमिंइ।
खीए म्हाँया खोंयोंन् बिलै तरिम्।
25सो प्ह्याबै तोन्दोंरि सैलाइ खीजी चबै सै पिंम्।
खीए म्हाँया खोंयोंन् बिलै तरिम्।
26स्वगर्बै परमेश्वरलाइ धन्यबाद पिंन्।
खीए म्हाँया खोंयोंन् बिलै तरिम्।
Currently Selected:
भजनमैं 136: GCMB
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
