भजनमैं 128
128
याहवेहलाइ मान लब्मैं ताँनइ आशिक योंम्
कैंडो क्रेबै त्हेर्बै क्वे
1याहवेहलाइ मान लब्मैं नेरो खीए घ्याँर प्रब्मैं
ताँनइ आशिक योंम्!
2क्हिइ ह्रोंसइन के लसि चब्मुँ;
क्हिए फिर आशिक युब्मुँ धै छ्याँब तब्मुँ।
3क्हिए प्ह्रेंस्यो क्हिए धिंर बेल्ले रोबै अँगुरए धुँ धों तब्मुँ;
क्हिए प्हसेमैं क्हिए टेबलए खागु जैतुनए त्होर धोंन् तब्मुँ।
4याहवेहलाइ मान लबै म्हिइ आशिक योंब्मुँ।
5याहवेहजी सियोनउँइँले क्हिए फिर आशिक पिंरिगे!
क्हिइ ह्रोंसए छ्ह तिगोंन् यरूशलेमर छ्याँब तब म्रोंरिगे!
6क्हिइ क्वें-क्वेंमिमै म्रोंल् योंरिगे!
इस्राएलए फिर शान्ति तरिगे!
Currently Selected:
भजनमैं 128: GCMB
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
