भजनमैं 127
127
याहवेहजीन् धिं आबनेस्याँ
कैंडो क्रेबै त्हेए ल्हागिर सोलोमनइ प्ह्रिबै क्वे
1 याहवेहजीन् धिं आबनेस्याँ
बनेब्मैंए के फाकर्न तम्।
याहवेहजीन् सहर आरुँमिंस्याँ
रुँब्मैंइ रुँब फाकर्न तम्।
2चबै सैमैंए ल्हागिर
दुःख लबर न्हाँगर्न रेब
नेरो ङेसर क्हैल्ले रोबै या फाकर्न ग,
तलेबिस्याँ खीजी म्हाँया लब्मैंलाइ, न्हरु पिंम्।
3च्ह च्हमिमैं याहवेहजी पिंबै आशिकमैं ग,
फो न्होंर्बै प्हसेमैं खीजी पिंबै इनाम ग।
4ल्हडेर ह्याबै म्हिए योर्बै मे धों तब
फ्रें-छमिंर योंबै प्हसेमैं तम्।
5त्हुर ल्हें मे मुँबै म्हि आशिक योंबै म्हि ग,
तलेबिस्याँ निया लबै क्ल्ह्योर शत्तुरमैंए उँइँर राल् त्हुमा च फापिल् त्हुरिब् आरे।
Currently Selected:
भजनमैं 127: GCMB
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
