စံးထီၣ်ပတြၢၤ 149
149
တၢ်စံးထီၣ်ပတြၢၤအထါသးဝံၣ်
1စံးထီၣ်ပတြၢၤယွၤတက့ၢ်.
သးဝံၣ်ထီၣ်ယွၤလၢတၢ်သးဝံၣ်အသီ,
စံးထီၣ်ပတြၢၤအီၤလၢပှၤလၢအသးတီဒီးအီၤ အတၢ်အိၣ်ဖှိၣ်အပူၤန့ၣ်တက့ၢ်.
2မ်အံၣ်စရ့လးသးခုလၢကစၢ်လၢအတ့လီၤအီၤ အပူၤန့ၣ်တက့ၢ်.
မ်ပှၤစံယိၣ်ဖိအသူၣ်ဖှံသးညီလၢ
အစီၤပၤအပူၤတက့ၢ်.
3မ်အဝဲသ့ၣ်စံးထီၣ်ပတြၢၤအမံၤလၢတၢ်ဂဲၤကလံၣ်,
သးဝံၣ်ထီၣ်အီၤလၢဒၢဖိဒီးတနၢ်တက့ၢ်.
4အဂ့ၢ်ဒ်အံၤ, ယွၤဘၣ်အသးလၢအပှၤဂီၢ်မုၢ်လီၤ.
မၤလၤကပီၤပှၤလၢအသူၣ်စူၤအသးစူၤ
လၢတၢ်မၤနၢၤလီၤ.
5မ်ကစၢ်ယွၤအပှၤဂီၢ်မုၢ်သူၣ်ဖှံသးညီ
လၢအတၢ်မၤနၢၤအပူၤ,
ဒီးသးဝံၣ်တၢ်လၢ
တၢ်သးခုဒီနၤညါတက့ၢ်.
6ဖဲအဝဲသ့ၣ်စံးထီၣ်ပတြၢၤယွၤန့ၣ် မ်အဝဲသ့ၣ် ကိးထီၣ်ဒိၣ်ဒိၣ်,
အိၣ်ဒီးနးလၢအကနၣ်အ့ၣ်တဖၣ်လၢ အစုပူၤ,
7ဒ်သိးကမၤနၢၤကွံာ်ပှၤကလုာ်တဖၣ်
ဒီးကစံၣ်ညီၣ်ပှၤဂီၢ်မုၢ်တဖၣ်,
8ဒ်သိးအကစၢဃာ်အစီၤပၤတဖၣ်လၢထးသွဲတဖၣ်
ဒီးအခိၣ်တဖၣ်လၢပျံၤထး,
9ဒ်သိးကစံၣ်ညီၣ်ပှၤကလုာ်တဖၣ်ဒ်
ကစၢ်ယွၤမၤလိာ်တ့ၢ်ဝဲအသိးတက့ၢ်.
တၢ်အံၤမ့ၢ်ကစၢ်ယွၤအပှၤဂီၢ်မုၢ် အတၢ်မၤနၢၤန့ၣ်လီၤ.
စံးထီၣ်ပတြၢၤယွၤတက့ၢ်.
Currently Selected:
စံးထီၣ်ပတြၢၤ 149: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
