စံးထီၣ်ပတြၢၤ 148
148
တၢ်ကိးထီၣ်တၢ်ဘၣ်တ့ခဲလၢာ် လၢကစံးထီၣ်ပတြၢၤကစၢ်ယွၤအဂီၢ်
1စံးထီၣ်ပတြၢၤယွၤတက့ၢ်.
သုဝဲလၢအအိၣ်လၢတၢ်လီၢ်ထီၣ်ထီသ့ၣ်ဧၢ,
စံးထီၣ်ပတြၢၤယွၤလၢမူခိၣ်န့ၣ်တက့ၢ်.
2အကလူးခဲလၢာ်ဒီးအမူခိၣ်သုးမုၢ်ဂီၢ်မုၢ်
ခဲလၢာ်သ့ၣ်ဧၢ,
စံးထီၣ်ပတြၢၤအီၤတက့ၢ်.
3မုၢ်ဒီးလါသ့ၣ်ဧၢ, စံးထီၣ်ပတြၢၤအီၤတက့ၢ်.
တၢ်ကပီၤအဆၣ်ဧိၤဖီဧိၤခဲလၢာ်သ့ၣ်ဧၢ,
စံးထီၣ်ပတြၢၤအီၤတက့ၢ်.
4မူခိၣ်အထီကတၢၢ်ဒီးထံဧိၤနိဧိၤအိၣ်လၢ
မူခိၣ်အဖီခိၣ်သ့ၣ်ဧၢ, စံးထီၣ်ပတြၢၤအီၤတက့ၢ်.
5မ်တၢ်ခဲလၢာ်စံးထီၣ်ပတြၢၤယွၤအမံၤန့ၣ်တက့ၢ်.
အဝဲမၤလိာ်တၢ်ဒီးအဝဲသ့ၣ်ကဲထီၣ်လီၤ.
6ဒီးအဝဲမၤဂၢၢ်မၤကျၢၤအဝဲသ့ၣ်လီၤစိၤလီၤထီ,
အဝဲပာ်လီၤတၢ်မၤလိာ်လၢတၢ်လုၢ်သ့ၣ်ခါပတာ်
တသ့ဝဲနီတစုဘၣ်န့ၣ်လီၤ.
7မ်တၢ်အိၣ်လၢဟီၣ်ခိၣ်ခဲလၢာ် ပီၣ်လဲၣ်အပယိၤဒီးထံယိာ်
ပူၤခဲလၢာ်, စံးထီၣ်ပတြၢၤယွၤတက့ၢ်.
8လီဝၢ်ဒံးဒီးသူၣ်, မူခိၣ်ဖီဒီးတၢ်အၢၣ်တဖၣ်,
ကလံၤမုၢ်ဆူၣ်လၢအမၤလၢပှဲၤအတၢ်မၤလိာ်ဧၢ,
9စံးထီၣ်ပတြၢၤအီၤ, ကစၢၢ်ကလိဒီးကယဲၢ်တၢ်စိခိၣ်,
သ့ၣ်လၢအသၣ်ထီၣ်ဒီးကယဲၢ်သ့ၣ်ဆှိအ့ရ့း,
10ဆၣ်ဖိကီၢ်ဖိအမံၤဒီးဆၣ်ဖိကီၢ်ဖိအဒၢ,
တၢ်လၢအစွါဒီးထိၣ်လၢအယူၤတဖၣ်ဧၢ,
11စံးထီၣ်ပတြၢၤအီၤ, ဟီၣ်ခိၣ်အစီၤပၤတဖၣ်ဒီးပှၤဂီၢ်မုၢ်ခဲလၢာ်,
စီၤပၤဖိတဖၣ်ဒီး
ကယဲၢ်ပှၤပၢတၢ်အဂၤခဲလၢာ်,
12ပှၤဖိၣ်သၣ်ခွါတဖၣ်ဒီးပှၤမုၣ်ကနီၤတဖၣ်,
ပှၤသးပှၢ်တဖၣ်ဒီးပှၤဖိသၣ်တဖၣ်စ့ၢ်ကီး,
13မ်အဝဲသ့ၣ်ခဲလၢာ်စံးထီၣ်ပတြၢၤယွၤအမံၤတက့ၢ်.
အဂ့ၢ်ဒ်အံၤ,
အဝဲအမံၤဒိၣ်န့ၢ်ဒံးကယဲၢ်မံၤအဂၤခဲလၢာ်န့ၣ်လီၤ.
အလၤကပီၤအိၣ်ထီၣ်ထီဝဲလၢ
ဟီၣ်ခိၣ်ဒီးမူခိၣ်အဖီခိၣ်န့ၣ်လီၤ.
14အဝဲမၤဆူၣ်ထီၣ်အပှၤကလုာ်အဂံၢ်အဘါ
ဒ်သိးအပှၤဂီၢ်မုၢ်ခဲလၢာ်, ကီၢ်အံၣ်စရ့လးအပှၤဂီၢ်မုၢ်လၢ
အအဲၣ်ဝဲဒိၣ်မးကစံးထီၣ်ပတြၢၤအီၤန့ၣ်လီၤ.
စံးထီၣ်ပတြၢၤယွၤတက့ၢ်.
Currently Selected:
စံးထီၣ်ပတြၢၤ 148: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
