စံးထီၣ်ပတြၢၤ 138
138
တၢ်စံးဘျုးစံးဖှိၣ်အတၢ်ထုကဖၣ်
1ယွၤဧၢ, ယစံးထီၣ်ပတြၢၤနၤလၢ ယသးဒီဖျၢၣ်ညါ,
ယသးဝံၣ်စံးထီၣ်ပတြၢၤနၤလၢ
ကစၢ်သ့ၣ်တဖၣ်အမဲာ်ညါလီၤ.
2ယဃၣ်ဃီၤယမဲာ်နတၢ်လုၢ်ဟံၣ်စီဆှံအအိၣ်, ဆုးလီၤယခိၣ်
ဒီးစံးထီၣ်ပတြၢၤနမံၤ လၢနတၢ်အဲၣ်ဂၢၢ်ကျၢၤ
ဒီးနတၢ်မ့ၢ်တၢ်တီအဃိန့ၣ်လီၤ.
အဂ့ၢ်ဒ်အံၤ, နပာ်ထီၣ်ထီနမံၤဒီး နကလုၢ်ကထါ
လၢတၢ်ခဲလၢာ်အဖီခိၣ်န့ၣ်လီၤ.
3မုၢ်တနံၤလၢယကိးထီၣ်နၤန့ၣ်နစံးဆၢယၤ,
ဒီးနဒုးဆူၣ်ထီၣ်ယဂံၢ်ယဘါလၢ
ယသးကံၢ်ပူၤလီၤ.
4ယွၤဧၢ, ကယဲၢ်ဟီၣ်ခိၣ်အစီၤပၤခဲလၢာ်
ကစံးထီၣ်ပတြၢၤနၤ,
အဂ့ၢ်ဒ်အံၤ, အဝဲသ့ၣ်နၢ်ဟူတ့ၢ်လံ
နတၢ်ကတိၤလၢနထးခိၣ်လံန့ၣ်လီၤ.
5အဝဲသ့ၣ်ကသးဝံၣ်တၢ်လၢ နမၤတ့ၢ်အီၤအဂ့ၢ်
ဒီးနတၢ်လၤကပီၤဖးဒိၣ်အဂ့ၢ်န့ၣ်လီၤ.
6နမ့ၢ်အိၣ်လၢတၢ်လီၢ်လၢ အထီဒိၣ်မးဒၣ်လဲာ်,
နအံးက့ၤကွၢ်က့ၤပှၤလၢ အဆီၣ်လီၤအသး,
ဒီးပှၤလၢအပာ်ထီၣ်ထီအသးန့ၣ်
အိၣ်သဒၢလၢအမဲာ်ညါတသ့ဘၣ်.
7တုၤယလဲၤလၢတၢ်နးတၢ်ဖှီၣ်အပူၤန့ၣ်ဒီး,
နပာ်ကီၤယသးသမူ,
နယူာ်ထီၣ်နစုထီဒါယဒုၣ်ယဒါအတၢ်သးထီၣ်
ဒီးနစုထွဲမၤပူၤဖျဲးယၤလီၤ.
8ယွၤကမၤလၢပှဲၤအတၢ်တိာ်ပာ်ခဲလၢာ်လၢယဂီၢ်န့ၣ်လီၤ.
ယွၤဧၢ, နတၢ်အဲၣ်ဂၢၢ်ကျၢၤ
အိၣ်ဝဲလီၤထူလီၤယိာ်လီၤ.
မ်နသုတလဲၤသဒၣ်နစုအတၢ်မၤန့ၣ်တဂ့ၤ.
Currently Selected:
စံးထီၣ်ပတြၢၤ 138: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
