စံးထီၣ်ပတြၢၤ 137
137
ပှၤအံၣ်စရ့လးဖိတဖၣ်အတၢ်ဟီၣ်တၢ်ယၢၤလၢ
တၢ်စိာ်မၢကဲကုၢ်အပူၤ
1ပဆ့ၣ်နီၤလၢဘၤဘူၤလိၣ်အထံကျိတဖၣ်အနံၤ,
ဒီးတုၤပသ့ၣ်နီၣ်ထီၣ်က့ၤစံယိၣ်ဒီး,
ပမဲာ်ထံလီၤဝဲန့ၣ်လီၤ.
2ပဘျးထီၣ်ပတနၢ်တဖၣ်လၢ
ပံၢ်သလီအဒ့အလိၤလီၤ.
3အဂ့ၢ်ဒ်အံၤ, ဖဲန့ၣ်ပှၤလၢအမၢကဲကုၢ်ပှၤတဖၣ်
ဃ့ဝဲလၢပကသးဝံၣ်တၢ်လီၤ.
ဒီးပှၤလၢအမၤကိၢ်မၤဂီၤပှၤတဖၣ်,
မၢပမၤသူၣ်ဖှံသးညီအီၤစံးဝဲ,
“သးဝံၣ်န့ၢ်ပှၤလၢစံယိၣ်အတၢ်သးဝံၣ်
တယုၢ်ယုၢ်တက့ၢ်.”
4ပကသးဝံၣ်ယွၤအတၢ်သးဝံၣ်
လၢတခီဘီမုၢ်အပူၤန့ၣ်ဒ်လဲၣ်.
5ယရူၤၡလ့ၣ်ဧၢ, ယမ့ၢ်သးပ့ၤနီၣ်နၤဒီး
မ်ယသုတဒ့လၢၤတနၢ်နီတဘျီလၢၤတဂ့ၤ.
6ယမ့ၢ်တသ့ၣ်နီၣ်ထီၣ်က့ၤနၤဘၣ်ဒီး,
ယမ့ၢ်တပာ်ကဲယရူၤရှလ့ၣ်လၢယတၢ်သးခု
အဒိၣ်ကတၢၢ် န့ၣ်ဘၣ်ဒီး,
မ်ယပျ့ၤစဲဘူးဒီးယခၣ်ခိၣ်တက့ၢ်.
7ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ်
မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ်
တၢ်မၤနၢၤအီၤအနံၤန့ၣ်တက့ၢ်.
သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ
မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.
8ဘၤဘူၤလိၣ်ဧၢ, နကဘၣ်တၢ်မၤဟးဂီၤန့ၣ်လီၤ.
ပှၤလၢအဟ့ၣ်ကၣ်က့ၤနၤလၢ
တၢ်လၢနမၤဘၣ်တ့ၢ်ပှၤအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ.
9အဝဲသ့ၣ်စိာ်ထီၣ်ကွံာ်နဖိသၣ်
အီနုၢ်ထံတဖၣ်ဒီး တီၢ်လီၤသဘှံးကွံာ်အီၤ
လၢလၢၢ်တဖျၢၣ်န့ၣ်လီၤ.
Currently Selected:
စံးထီၣ်ပတြၢၤ 137: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
