လံာ်တၢ်ကူၣ်သ့အတၢ်ကတိၤ တၢ်ကတိၤဆှၢနုာ်
တၢ်ကတိၤဆှၢနုာ်
လံာ်တၢ်ကူၣ်သ့အတၢ်ကတိၤတဖၣ်အံၤမ့ၢ်တၢ်ထၢဖှိၣ်တမံၤဘၣ်ဃးဒီး လုၢ်လၢ်သကဲာ်ပဝးဒီးတၢ်ဘူၣ်တၢ်ဘါအတၢ်သိၣ်လိသီလိတဖၣ် လၢအအိၣ်ဒီးတၢ်ကတိၤလုၢ်ဒိၣ်ပှ့ၤဒိၣ်တဖၣ်ဒီးတၢ်ကတိၤဒိ တဖၣ်အက့ၢ်အဂီၤန့ၣ်လီၤ. အါတက့ၢ်မ့ၢ်တၢ်ဘၣ်ထွဲဒီးတၢ်မၤအသးတဖၣ် လၢတနံၤဘၣ်တနံၤအတၢ်အိၣ်မူအဂ့ၢ်အကျိၤန့ၣ်လီၤ. စးထီၣ်ဝဲလၢတၢ်ဒုးသ့ၣ်နီၣ်ထီၣ်လၢ, “ဒ်သိးနကအိၣ်ဒီးတၢ်သ့ၣ်ညါဒီးအဆိကတၢၢ်နဘၣ်အိၣ်ဒီးတၢ်ယူး ယီၣ်ယွၤ”, ဝံၤဒီးလဲၤဝဲဆူတၢ်ဂ့ၢ်တဖၣ်လၢတမ့ၢ်အ ဘၣ်ထွဲထဲတၢ်ဘူၣ်တၢ်ဘါအတၢ်သိၣ်တၢ်သီလၢသကဲာ်ပဝးကဂ့ၤအဂီၢ် ဧိၤဘၣ်. မ့မ့ၢ်တခီမ့ၢ်စ့ၢ်ကီးလၢတၢ်ကအိၣ်ဒီးတၢ်ဆိ ကမိၣ်ထံထံဆးဆးဒီးလုၢ်လၢ်အဂ့ၤအဝါတဖၣ်အဂီၢ်န့ၣ်လီၤ. အတၢ်ကတိၤဖုၣ်ဖုၣ်ဖိအါအါဂီၢ်ဂီၢ်လီၣ်ဖျါထီၣ်ပှၤအံၣ်စရ့လး ဖိအသရၣ်ဖးဒိၣ်လၢပျၢၤတဖၣ်အတၢ်ထံၣ်တၢ်လၢသးအမဲာ်ဘၣ်ဃးဒီး တၢ်လၢပှၤကူၣ်ဘၣ်ကူၣ်သ့တဂၤကမၤဝဲဖဲအဘၣ်သ ဂၢၢ်ဒီးတၢ်မၤအသးလီၤတံၢ်လီၤဆဲးတဖၣ်အပူၤန့ၣ်လီၤ. လၢအကျါတနီၤဘၣ်ဃးဒီးဟံၣ်ဖိဃီဖိအတၢ်ရ့လိာ်ဘၣ်ထွဲ တဖၣ်, ဒီးအဂၤတဖၣ်ဘၣ်ဃးဒီးတၢ်ဖံးဃုာ်မၤဃုာ်သကိးတၢ်တဖၣ် န့ၣ်လီၤ. ဒီးတနီၤန့ၣ်မ့ၢ်တၢ်ဂ့ၢ်ဘၣ်ဃးဒီးတၢ်ရ့လိာ်မုာ်လိာ်အတၢ်ဆဲး တၢ်လၤတဖၣ်ဒီးအဂၤတဖၣ်မ့ၢ်တၢ်လိၣ်ဘၣ်ဃးဒီးတၢ်ပၢၤသူၣ်ကီၤသး န့ၣ်လီၤ. ကတိၤတၢ်အါမံၤဘၣ်ဃးစ့ၢ်ကီးဒီးတၢ်ဆီၣ်လီၤသး, တၢ်သးစူၤ, တၢ်ပာ်ကဲပှၤဖှီၣ်ဖိယာ်ဖိဒီးတၢ်သးတီဒီးတံၤ သကိးတဖၣ်န့ၣ်လီၤ.
လံာ်အတကွီၣ်
တၢ်စံးထီၣ်ပတြၢၤတၢ်ကူၣ်သ့ ၁:၁-၉:၁၈
စီၤၡလိၤမိၤအတၢ်ကူၣ်သ့အတၢ်ကတိၤတဖၣ် ၁၀:၁-၂၉:၂၇
စီၤအၤကူၢ်အတၢ်ကတိၤတဖၣ် ၃၀:၁-၃၃
တၢ်ကတိၤအကလုာ်ကလုာ်တဖၣ် ၃၁:၁-၃၁
Currently Selected:
လံာ်တၢ်ကူၣ်သ့အတၢ်ကတိၤ တၢ်ကတိၤဆှၢနုာ်: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.