Psalm 81
81
1Däm Väasenja. Opp de Gittith. Von Asaf.
2Jubelt Gott, onse Krauft! Jubelt däm Gott von Jakob!
3Erhäwt Jesank un lot de Pauke äa Toon jäwen, de leeftolje Zitta met de Hoap!
4Blost aum Niemon enne Posaun, aum Vollmon aun onsem Fastdach!
5Dan daut es eene Sazunk fa Israel, eene Veordninj von Jakob sienem Gott.
6Hee sad daut en aus een Zeichnis en Josef, aus hee uttrock jäajen daut Launt Ägipten, woa ekj eene Sproak hieed, dee ekj nich kjand.
7Ekj muak frie siene Schulren von de Laust, siene Henj worden frie vom Korf met Laust.
8Enne Bedrenkjnis roopst du, un ekj muak die frie; ekj auntwuad die em jeheemen Donna; ekj vesocht die aun däm Wota von Meriba. (Sela)
9Hea, mien Volkj, un ekj well jäajen die zeijen. Oo Israel, wan du mie jehorchst!
10Daut saul kjeen framda Gott (El) unja die sennen, un du saust die nich fa eenem framden Gott bekjen.
11Ekj sie de HAR, dien Gott, dee die ut däm Launt Ägipten rutjefieet haft; doo dien Mul wiet op, un ekj well am fellen.
12Oba mien Volkj haft nich opp miene Stemm jehieet, un Israel es nich wellich jäajen mie jewast.
13Un ekj jeef an de Vestockunk von äarem Hoaten han; see waundlen no äare Rotschläaj.
14Oo daut mien Volkj opp mie jehieet haud, daut Israel en miene Wäaj jewaundelt haud!
15Boolt haud ekj äare Fiend jeboagen un miene Haunt jäajen äare Bedrenja jedreit.
16De Haussa Gottes hauden sikj am met schmeichlen unjadon, un äare Tiet wia eewich jewast; 17un met däm Fat vom Weit haud hee daut jespeist, un met Honnich ut däm Fels haud ekj die saut jemoakt.
Currently Selected:
Psalm 81: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
