Psalm 76
76
1Däm Väasenja. Met Seidenspell. Een Psalm. Von Asaf. Een Leet.
2Gott es en Juda bekaunt, en Israel es sien Nomen groot.
3Un en Salem es sien Zelt, un siene Wonunk en Zion.
4Doa bruak hee de Blitzboages, Schild un Schwieet un Kjrich. (Sela)
5Glaunsvoll best du, harlicha aus de Boaj von Raup.
6De Stoakjhoatje stonen jeplindat doa, see schlopen äarem Schlop; un kjeena de browe Mana funk siene Henj.
7Von dienem Schellen, Gott von Jakob, sent en deepen Schlop vesunken soo aus Woagen aus Pieed.
8Du best furchtboa, un wäa kaun ver die bestonen, sooboolt du die oajascht!
9Du latst Jerecht vom Himmel hieren; de Ieed enjst sikj un wort stell, 10aus Gott toom Jerecht oppstunt, om aule Saunftmootje de Ieed to raden.
11Dan de Oaja de Menschen woat die veharlichen; met däm Äwajen vom Oaja woascht du die omgorten.
12Doot un betolt daut Vespräakjen däm Harn, junem Gott; aula, dee jie om am häa sent, brinjt Jeschenkja däm Ferchtboarem!
13Hee deemooticht däm Jeist de Ferschten, hee es furchtboa fa de Kjennichs de Ieed.
Currently Selected:
Psalm 76: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
