Psalm 68
68
1Däm Väasenja. Von David. Een Psalm, een Leet.
2Mucht Gott oppstonen! Daut siene Fiend sikj vestreien, un siene Haussa
3woascht du an vejoagen; aus Wauss vom Fia veschmelt, soo woaren de Gottloose omkomen ver däm Aunjesecht Gottes.
4Oba de Jerajchte woaren sikj freien, see woaren froo sennen ver däm Aunjesecht Gottes un en Freid jublen.
5Sinjt Gott, besinjt sienen Nomen! Moakt Bon däm, dee derch de Stapen foat, Jah es sien Nomen, un freit junt ver am!
6Een Voda de Weise un een Rechta de Wätfrues es Gott en siene heilje Wonunk.
7Een Gott dee Eensome en eenem Hus wonen lat, fieet Jefangne rut em Jlekj; oba de Wadaspanstje bliewen (wonen) em drieejen Launt.
8Gott, aus du utjinkjst ver dienem Volkj, aus du omhäa jinjst derch de Wieste, (Sela), 9doa bäbd de Ieed, - uk de Himmel schmelten ver Gott - jan Sinai ver Gott, däm Gott Israels {Rich.5,4.5}.
10Jenuach Räajen gootst du ut, oo Gott; dien Oawgoot - daut meed wia, du rechst daut opp.
11Diene Schoa ha doabennen jewont; du sorjst en diene Jnod fa däm Oamen, oo Gott!
12De Har jeft daut Wuat; de Schoa de Freidensboote es groot.
13De Kjennichs de Häasch ranen, see ranen, un de Husbewonarin vedeelt dän Raup.
14Wan jie tweschen de Häaden ligjen, woa jie sennen aus Flichten von eene Duw, dee met Selwa äwatrocken sent, un äare Fadren met jreen-jälem Golt.
15Wan de Aulmajchtja Kjennichs em Launt vestreit, woat et schneewitt oppem Zalmon {Ri.9,48}.
16De Boajch Baschan es een Boajch Gottes, een Boajch met väl Spetzen es de Boajch Baschan.
17Wuarom kjikj jie aufjenstich, jie väl spetzje Boaj, opp däm Boajch, opp däm Gott jewenscht (Lost) haft too sienem Wonsett? Uk de Har woat doa selfst fa emma wonen.
18De Woages Gottes sent twee Mol 10 000, 1000-e un oba 1000-e; de Har es unja an: - Een Sinai aun Heilichkjeit.
19Du best enopp jefoaren enne Hecht, du hast de Jefangenschoft jefangen jefieet; du hast em Mensch Gowen emfangen, un selfst fa Wadaspanstje, doamet Jah, Gott, eene Wonunk haft.
20Jesäajent es de Har! Dach fa Dach drajcht hee onse Laust; de Gott von onsem Heil. (Sela)
21Gott es ons een Gott de Radunge, un bie Gott, däm Harn, es de Utgank vom Doot.
22Jewess, Gott woat daut Haupt siene Fiend veschmatre, dän äa Hoastrich, dee doa waundelt en siene Veschuldunge.
23De Har säd: Ekj woa ut Baschan trigj brinjen, trigj brinjen ut däm deepen Mäa, 24doamet du dienen Foot em Bloot bodst, un de Tung von diene Hunj vonne Fiend äa Deel ha.
25See ha diene Jenj jeseenen, oo Gott, de Jenj von mienem Gott, mienem Kjennich em Heilichtum.
26De Senja jinjen veropp, hinjaraun de Seidespäla, enne medd de Paukeschläaja Junkfrues:
27«Preist Gott, däm Harn, enne Vesaumlungen, dee jie ut de Kjwal Israels sent!»
28Doa sent Benjamin, de Jinjsta, jie Harscha, de Ferschten von Juda, äarem Schoa, de Ferschten Sebulon, de Ferschten Naftali.
29Jeboden haft dien Gott diene Macht. Macht, oo Gott, waut du fa ons jewirkjt hast!
30Om dienen Tempel en Jerusalem wellen - woaren Kjennichs die Jeschenkja brinjen.
31Schild vom Tia em Schelp, de Schoowa de Ossen met de Kjalwa de Velkja; hee woat sikj die unjadon moaken met Selwastekja. Vestrei de Velkja, dee aum Kjrich Lost ha!
32De Groote ut Ägipten woaren komen; Ätiopien woat schwind siene Henj utstrakjen no Gott.
33Jie Kjennichrikjs de Ieed, sinjt Gott, besinjt däm Harn, - (Sela), 34dan, dee doa omhäafoat en de Himmel, dee Himmel de Väatiet! Kjikj, hee lat siene Stemm schaule, eene majchtje Stemm.
35Jeft Gott de Macht! Siene Huachheit es äwa Israel un siene Macht enne Wolkjen.
36Ferchtboa best du, Gott, ut dienem Heilichtum häa; dee Gott (El) Israels, hee es et, dee Macht un Krauft däm Volkj jeft. Jepriesen (veharlicht) es Gott!
Currently Selected:
Psalm 68: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
