Psalm 139
139
1Däm Väasenja. Von David. Een Psalm.
Har! Du hast mie erforscht un er- kjant.
2 Du kjanst mien Setten un mien Oppstonen, du vesteist miene Jedanken von wiet.
3Du sitst mien Waundel un mien Lidjen un best vetrut met aul miene Wäaj.
4Dan daut Wuat es noch nich opp miene Tung, kjikj, Har, du weetst daut gaunz.
5Von hinjen un von fieren hast du mie enjeschloten, un opp mie diene Haunt jelajcht.
6Erkjantnis, too wundaboa fa mie, too huach: Ekj kaun daut nich bejriepen!
7Wuahan sull ekj gonen ver dienem Jeist, un wuahan ranen ver dienem Aunjesecht?
8Fua ekj enopp em Himmel, du best doa; un moak ekj mien Loaga en däm Scheol (Doodenrikj (griechisch: Hades)), kjikj, du best doa.
9Nemm ekj Flichten de Morjenroot, leet ekj mie rauf aum butaschten Enj vom Mäa, 10uk doa selfst wudd diene Haunt mie leiden, un diene Rajchte mie hoolen.
11Un ekj säd: Blooss Diestanis mucht mie omrinje, un de Nacht es daut Licht om mie häa; 12uk Diestanis wudd ver die nich diesta, un de Nacht wudd schienen aus de Dach, de Diestanis wia aus daut Licht.
13Dan du hast miene Nieren jeschaufen; du muakst mie en mienem Muttalief.
14Ekj dank die doaväa, daut ekj opp eene erstaunliche, wundaboare Oat jemoakt sie. Wundaboa sent diene Woakjen, un miene Seel weet daut sea goot.
15Miene Jestault wia ver die nich vestoaken, aus ekj jemoakt wort em Jeheemen, jewirkjt aus een Konstwoakj enne unjaschte Uaten de Ieed.
16Mienem Kjiem sagen diene Uagen, un en dien Buak wieren see aula enjeschräwen; de Doag, dee noch woaren sullen, aus nich eena von an wia.
17Un woo kostboa sent mie diene Jedanken, oo Gott (El)! Woo groot sent äare Somme! 18Wull ekj dee talen, äare sent mea aus Saunt. Ekj wakj opp un sie noch bie die.
19Muchst du, oo Gott (Eloah), däm Gottloosen dootmoaken! Un jie Blootmenschen got wajch von mie!
20Dee, dee die toom Vebräakjen aunräden, dee too Läajes schwieren, {2Mo.20,7} diene Fiend.
21Hauss ekj nich, Har, dee die haussen, un veaufschue ekj nich, dee jäajen die oppstonen?
22Met vollkomnem Hauss hauss ekj an, see sent Fiend fa mie.
23Erforsch mie, Gott (El), un erkjan mien Hoat; proow mie un erkjan miene Jedanken!
24Un kjikj, auf een Wajch de Mieej bie mie es, un leid mie opp eewjem Wajch!
Currently Selected:
Psalm 139: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
