Psalm 136
136
1Loft däm Harn! Dan hee es goot, dan siene Jnod blift eewich.
2Dankt däm Gott de Jetta, dan siene Jnod blift eewich.
3Dankt däm Harn äwa aule Haren! Dan siene Jnod blift eewich; 4däm, dee groote Wunda deit, hee auleen, dan siene Jnod blift eewich; 5däm, dee de Himmel jemoakt haft met Ensecht, dan siene Jnod blift eewich.
6Däm, dee de Ieed äwa de Wota utjebreet haft, dan siene Jnod blift eewich; 7däm, dee groote Lichta jemoakt haft, dan siene Jnod blift eewich:
8De Sonn, om däm Dach too beharschen, dan siene Jnod blift eewich, 9de Mon un de Stierns, om de Nacht too beharschen, dan siene Jnod blift eewich:
10Däm, dee Ägipten schluach aun äare Ieeschtjeburt, dan siene Jnod blift eewich, 11un Israel erutfieed ut äare Medd, dan siene Jnod blift eewich, 12met ne stoakje Haunt un met utjestrakjtem Oarm, dan siene Jnod blift eewich; 13däm, dee daut Schelpmäa en 2 Deele deeld, dan siene Jnod blift eewich; 14un Israel medden derchgonen leet, dan siene Jnod blift eewich, 15un däm Farao un sien Häa em Schelpmäa schmeet, dan siene Jnod blift eewich:
16Däm, dee sien Volkj derch de Wieste fieed, dan siene Jnod blift eewich; 17däm, dee groote Kjennichs schluach, dan siene Jnod blift eewich, 18un majchtje Kjennichs schluach, dan siene Jnod blift eewich: 19Sihon, de Kjennich äwa de Amorita, dan siene Jnod blift eewich, 20un Og, däm Kjennich von Baschan, dan siene Jnod blift eewich, 21un äa Launt toom Oawdeel jeef, dan siene Jnod blift eewich, 22toom Oawdeel jeef sienem Kjnajcht Israel, dan siene Jnod blift eewich:
23Dee aun ons docht en onse Läachheit, dan siene Jnod blift eewich, 24un ons rad von onse Bedrenja, dan siene Jnod blift eewich, 25dee aulem Fleesch Äten jeft, dan siene Jnod blift eewich. 26Dankt däm Gott (El) de Himmel, dan siene Jnod blift eewich!
Currently Selected:
Psalm 136: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
