Psalm 135
135
1Loft däm Harn!
Loft däm Nomen Gottes! Loft jie Kjnajchts Gottes, 2Dee jie em Hus Gottes stonen, enne Väahäw vom Hus von onsem Gott!
3Loft däm Harn! Dan goot es de Har; sinjt Psalmen sienem Nomen! Dan hee es leeftolich.
4Dan de Har haft sikj Jakob erwält, Israel too sienem Ieejentum.
5Dan ekj weet, daut de Har groot es, un ons Har es jrata aus aule Jetta.
6Aules, waut däm Harn wooljefellt, deit hee en dee Himmel un oppe Ieed, em Mäa un en aule Deepe; 7Dee Donst oppstieen lat vonne Enj de Ieed, dee Blitz moakt toom Räajen, dee däm Wint rutfieet ut siene Väarotskoma; 8Dee de Ieeschtjebuarne Ägiptens schluach vom Mensch bat toom Vee, 9Tieekjen un Wunda schekjt en diene Medd, Ägipten, jäajen däm Farao un jäajen aule siene Kjnajchts; 10Dee groote Velkja schluach un stoakje Kjennichs dootmuak:
11Sihon, däm Kjennich äwa de Amorita, un Og, däm Kjennich von Baschan, un aule Kjennichrikjs Kanaans; 12Un äa Launt aus Oawdeel jeef, aus Oawgoot sienem Volkj Israel.
13Har, dien Nomen, blift eewich, Har, dien Jedajchnis {2Mo.3,15} von Jeschlajcht too Jeschlajcht.
14Dan de Har woat sien Volkj rechten, un hee woat sikj erboarmen äwa siene Kjnajchts {5Mo.32,36}.
15De Jetta de Velkja sent Selwa un Golt, een Woakj von Menschenhenj.
16Een Mul ha see un räden nich; Uagen ha see un seenen nich.
17Uaren ha see un hieren nich, uk es kjeen Odem en äarem Mul.
18An jlikj sent dee, dee an moaken, een jiedra, dee opp an vetrut.
19Hus Israel, loft däm Harn! Hus Aaron, loft däm Harn!
20Hus Levi, loft däm Harn! Dee jie, Gott ferchten, loft däm Harn!
21Jeloft es de Harn von Zion ut, dee en Jerusalem wont! Loft däm Harn (Jah)!
Currently Selected:
Psalm 135: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
