Psalm 116
116
1Ekj ha däm Harn leef; dan hee hieed miene Stemm, miene Bedd; 2dan hee haft sien Ua no mie jeneicht; un ekj well am aunroopen en aul miene Doag.
3Daut omjäwen mie Doodesuadeel, un de Bedrenkjnisen vom Scheol holen mie en; ekj funk Noot un Kumma.
4Un ekj roopt däm Nomen Gottes aun: Bitte, Har, rad miene Seel!
5Jnädich es de Har un jerajcht, un ons Gott es boarmhoatich.
6De Har bewoat de Eenfeltje; ekj wia älent, un hee haft mie jerat.
7Komm wada, miene Seel, too diene Ru! Dan de Har haft jefaulen aun die.
8Dan du hast miene Seel jerat vom Doot, miene Uagen von Tronen, miene Feet vom Faulen.
9Ekj woa ver däm Harn waundlen en däm Launt de Läwendje.
10Ekj jleew, doarom räd ekj. Ekj sie sea jebekjt jewast.
11Ekj säd en miene Veläajenheit: Aule Menschen sent Läajna!
12Woo saul ekj däm Harn aul sien Gootsdoonen aun mie vejelten?
13Daut Kuffel de Radunk well ekj nämen un aunroopen däm Nomen Gottes.
14Ekj well däm Harn mien Vespräakjen betolen, jo, aum doabie tosennen ver sienem gaunzem Volkj.
15Kostboa es enne Uagen Gottes de Doot siene Fromme.
16Bitte, Har! Dan ekj sie dien Kjnajcht; ekj sie dien Kjnajcht, de Sän von diene Deenstmejal; du hast miene Faslen jeleest.
17Die well ekj Dankopfa opfren, un däm Nomen Gottes (Jah) aunroopen.
18Ekj well däm Harn mien Vespräakjen betolen, jo, aum doabie tosennen ver sienem gaunzem Volkj, 19enne Väahäw vom Hus Gottes, en diene Medd, Jerusalem. Loft Gott (Jah)!
Currently Selected:
Psalm 116: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
