Psalm 115
115
1Nich ons, Har, nich ons, sonda dienem Nomen jeff Iea, om aul dien Goodet, om diene Woarheit wellen!
2Wuarom sellen de Velkja sajen: Wua es dan äa Gott?
3Oba ons Gott es en däm (dee) Himmel; aules, waut am jefelt, deit hee.
4Äare Jetzen sent Selwa un Golt, een Woakj von Menschenhenj.
5Een Mul ha see un räden nich; Uagen ha see un seenen nich; 6Uaren ha see un hieren nich; eene Näs ha see un rikjen nich; 7see ha Henj un tauste nich, Feet, un see gonen nich; kjeen Jelud jäwen see met äarem Kjälkopp.
8An jlikj sent dee, dee an moaken, een jiedra, dee opp an vetrut.
9Israel, vetru oppem Harn! Äare Help un äa Schild es hee.
10Hus Aaron, vetrut oppem Harn! Äare Help un äa Schild es hee.
11Jie, dee jie däm Harn ferchten, vetrut opp Gott! Äare Help un Schild es hee.
12De Har haft aun ons jedocht, hee woat säajnen; hee woat säajnen daut Hus Israel, säajnen daut Hus Aaron.
13Hee woat säajnen, dee däm Harn ferchten, de Kjliene met de Groote.
14De Har woat junt doatoo doonen, to junt un to june Kjinja.
15Jesäajent sent jie vom Harn, dee Himmel un Ieed jemoakt haft.
16De Himmel sent dee Himmel Gottes, oba de Ieed haft hee de Menschenkjinja jejäft.
17De Doodje woaren däm Harn nich lowen, noch aula, dee toom Stellsennen rauf foaren; 18oba wie, wie woaren däm Harn lowen von nu aun bat enne Eewichkjeit. Loft Gott (Jah)!
Currently Selected:
Psalm 115: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
