Psalm 10
10
1Wuarom, Har, steist du wiet auf, vestakjst die too Tiet de Noot?
2En sienem Stolt vefolcht de Gottloose iewrich däm Älenden. See woaren jejräpen woaren bie de Aunschläaj, dee see jeplont haben.
3Dan de Gottloosa pucht sikj met däm Janka siene Seel; un hee säajent dän Jiezjen, hee veacht däm Harn.
4De Gottloosa räd no sienem Stolt: Hee woat nich noforsche. Aule siene Jedanken sent: Doa es kjeen Gott!
5Daut jelinjt am emma en siene Wäaj; huach sent diene Jerechten, wiet von am auf; aule siene Jäajna - hee blost (pust) dee aun.
6Hee sajcht en sienem Hoaten: “Ekj woa nich wanken; von Jeschlajcht too Jeschlajcht woa ekj en kjeenem Onjlekj sennen.”
7Sien Mul es voll Flieekje un Läajes un Bedrenkjnis; unja siene Tung es Onheil un Orrajcht.
8Hee sett em Vestäakj em Hinjahoff, em Veborjnen brinjt hee de Oschuldje om; siene Uagen spuare däm Oamen (Onjlekjlichen) no.
9Hee luat em Veborjnen, aus een Leiw enne Bescha, luat hee, om dän Oamen (Älenden) too jriepen; hee jript däm Oamen, endäm hee am en sien Nat schlapt.
10Hee duckt sikj, bekjt sikj, un en siene stoakje Kleiwe faulen de Onjlekjliche.
11Hee sajcht en sienem Hoaten: Gott vejat; hee vestakjt sien Aunjesecht, hee sitt daut niemols!
12Sto opp, Har! Gott, häw diene Haunt! Vejat nich de Älendje!
13Wuarom veachtet de Fräfla (Jesazloosa) Gott, sajcht en sienem Hoaten: Du woascht nich nofroagen?
14Jo, du hast jeseenen, dan du, du sitst Noot un Kumma (Jauma), om to vejelten derch diene Haunt; die äwalat daut de Ojjekjelja. De Helpa dee Weise best du.
15Vebrakj däm Fräfla sien Oarm; un de Beesa - sieekjt siene Gottloosichkjeit, doamet du dee nich mea finjst.
16De Har es Kjennich emma un eewich; de Heiden (Velkja) sent omjekomen ut sienem Launt.
17Daut Velangen de Saunftmootje (Bedrenjden) hast du jehieet, Har; du stoakjst äa Hoat, latst dien Ua hanhieren (oppmoakjen),
18om Rajcht too schaufen de Weise un däm Unjadrekjten, daut de Mensch, dee von de Ieed es, wiedahan nich mea Schrakj (Angst) vebreet.
Currently Selected:
Psalm 10: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
