Psalm 1
1
1Seelich dee Maun, dee nich waundelt em Rot de Gottloose, un nich steit opp däm Wajch de Sinda, un sett nich em Kjreiss (opp däm Sett) de Spata, 2sonda siene Lost haft aum Jesaz Gottes un äwa sien Jesaz denkjt Dach un Nacht!
3Un hee es (woat sennen) aus een Boom, jeplaunt aum Wotabach, dee siene Frucht brinjt to siene Tiet, un däm sien Blaut nich vewalkjt; un aules, waut hee deit, jelinjt (woat jelinjen).
4Nich soo de Gottloose, sonda see sent aus Sprie, dee de Wint wajchdrift.
5Doarom woaren de Gottloose nich bestonen em Jerecht, noch de Sinda en de Jemeent de Jerajchte.
6Dan de Har kjant dän Wajch de Jerajchte; oba Gottloose äa Wajch vejeit.
Currently Selected:
Psalm 1: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
